మాధవ్ ఎపిసోడ్ వెనుక ఎన్టీఆర్ కుమార్తె ఆత్మహత్య-కొడాలి నాని షాకింగ్ కామెంట్స్

ఏపీలో వైసీపీ ఎంపీ గోరంట్ల మాధవ్ నగ్న వీడియో వ్యవహారం కలకలం రేపుతోంది. దీనిపై విపక్షాలు ప్రభుత్వాన్ని టార్గెట్ చేస్తున్నాయి. పోలీసులు మాత్రం ఇది రియల్ వీడియో కాదంటున్నారు. దీనిపై టీడీపీ ఇవాళ అమెరికా ఫోరెన్సిక్ ల్యాబ్ రిపోర్ట్ విడుదల చేసింది. దీనిపై వైసీపీ నేతలు స్పందిస్తున్నారు.

హిందూపురం ఎంపీ గోరంట్ల మాధవ్ నగ్న వీడియో రాజకీయ ప్రకంపనలు సృష్టిస్తున్న నేపథ్యంలో వైసీపీ మాజీ మంత్రి కొడాలి నాని దీనిపై ఇవాళ మరోసారి స్పందించారు. ఇప్పటికే ఓసారి ఈ వీడియోపై స్పందించిన కొడాలి.. ఇవాళ గుడివాడలో మరోసారి టీడీపీని టార్గెట్ చేస్తూ విమర్శలకు దిగారు. టీడీపీ నేతలకు దమ్ముంటే మాధవ్ అసలు వీడియో బయటపెట్టాలని ఆయన డిమాండ్ చేశారు. అదే సమయంలో ఈ వీడియో వెనుక ఏముందో కూడా ఆయన బయటపెట్టారు.

తాజాగా హైదరాబాద్ లో ఎన్టీఆర్ కుమార్తె ఉమా మహేశ్వరి ఆత్మహత్య చేసుకున్నారు. ఈ ఘటనపై వైసీపీ విమర్శలు చేసింది. దీనిపై జనం నుంచి విమర్శలు రావడంతో వెనక్కి తగ్గింది. ఇప్పుడు దీనిపైనా స్పందించిన కొడాలి నాని.. ఎన్టీఆర్ కుమార్తె ఆత్మహత్యను డైవర్ట్ చేయడానికి ఎంపీ మాధవ్ మార్ఫింగ్ వీడియోను టీడీపీ ప్రచారంలోకి తెచ్చిందని ఆరోపించారు. వైసీపీ తల, టీడీపీ బాడీతో ఎడిటింగ్ చేసిన వీడియోను రికార్డు చేసి, దాన్ని అమెరికాలోని ల్యాబ్‌కు పంపితే లాభమేంటని కొడాలి ప్రశ్నించారు. ఐ టీడీపీ, లోకేష్, చంద్రబాబు ఆధ్వర్యంలోనే ఎంపీ మాధవ్ వీడియోను ఎడిట్ చేశారని కొడాలి ఆరోపించారు. సీఎం జగన్ కు జాతీయ జెండా ఎగురవేసే అర్హత లేదని టీడీపీ నేతల వ్యాఖ్యలపై కొడాలి నాని ఫైర్ అయ్యారు. అల్లూరి, సుభాష్ చంద్రబోస్‌లాగా వ్యవస్థలపై జగన్ ఒక్కడే పోరాడుతున్నారని చెప్పారు.

English summary

former ysrcp minister kodali nani on today slams tdp and links gorantla madhav video with uma maheswari suicide.