వైసీపీకి గుడ్ న్యూస్..కీలక నేతకు బెయిల్

వైసీపీ కీలక నేత, మాజీ ఎంపీ నందిగం సురేష్‌కు గుంటూరు జిల్లా కోర్టు బెయిల్ మంజూరు చేసింది. గత నెల మే 18న ఓ దాడి కేసులో తుళ్లూరు పోలీసులు ఆయన్ను అరెస్ట్ చేసి, అప్పటి నుంచి గుంటూరు జిల్లా జైలులో రిమాండ్ ఖైదీగా ఉంచిన విషయం తెలిసిందే.

ఈ కేసు టీడీపీ కార్యకర్త ఇసుకపల్లి రాజుపై జరిగిన దాడికి సంబంధించింది. ఈ దాడి ఘటన మే 17, 2025న ఉద్దండరాయునిపాలెంలోని నందిగం సురేష్ ఇంటి వద్ద జరిగింది. దాడి అనంతరం రాజు పోలీసులకు ఫిర్యాదు చేయడంతో సురేష్‌ను అరెస్ట్ చేశారు. తాజాగా కోర్టు ఆయనకు బెయిల్ మంజూరు చేసింది.

ఏపీలో కూటమి ప్రభుత్వం వచ్చిన తర్వాత పలు కేసుల్లో నందిగం సురేష్‌ను అరెస్ట్ చేయడం జరిగింది. తుళ్లూరు మండలం వెలగపూడికి ఎస్సీ మహిళ మరియమ్మ వైసీపీ ప్రభుత్వ హాయాంలో పింఛన్ సరిగ్గా రావడం లేదని జగన్ సర్కార్‎పై విమర్శలు చేశారు. దీంతో ఆగ్రహానికి గురైన అప్పటి ఎంపీ నందిగాం సురేష్ అనుచురులు మరియమ్మ ఇంటిపై దాడి చేయగా.. ఆమె మృతి చెందినట్లు పోలీసులు తెలిపారు. ఈ ఘటనపై 2020లో తుళ్లూరు పీఎస్‎లో కేసు నమోదు అయ్యింది. అయితే, వైసీపీ ప్రభుత్వంలో పోలీసులు ఈ కేసును పట్టించుకోలేదనే ఆరోపణలు ఉన్నాయి.

ఏపీలో కూటమి అధికారంలోకి వచ్చిన తర్వాత అధికారంలో ఉన్నప్పుడు చేసిన పలు వ్యవహారాలపై కేసులు నమోదు చేశారు. టీడీసీ కేంద్ర కార్యాలయం పడి దాడి కేసులో నందిగం సురేశ్‌ని అరెస్టు చేశాక ఆయనకి బెయిల్ వచ్చింది. వెంటనే దళిత మహిళ మరియమ్మ హత్య కేసులో నిందితుడిగా ఉన్న సురేష్‎ను మరోసారి అరెస్ట్ చేశారు. ఈ కేసులో బెయిల్ బెయిల్‌ కోసం సురేశ్‌ తొలుత హైకోర్టును ఆశ్రయించారు. హైకోర్టు బెయిల్‌ నిరాకరించింది.

హైకోర్టు తీర్పును ఆయన సుప్రీంకోర్టులో సవాల్‌ చేశారు. ఈ కేసులో నందిగాం సురేష్ ను అరెస్ట్ చేసి రిమాండ్‎కు తరలించారు పోలీసులు. దాదాపు ఐదు నెలల పాటు జైల్లో ఉన్న సురేష్ బెయిల్ కోసం విశ్వ ప్రయత్నాలు చేశాడు. సుప్రీం కోర్టును ఆశ్రయించనా ఊరట దక్కలేదు. చివరకు మంగళగిరి కోర్టు సురేష్‎కు ఈ కేసులో బెయిల్ ఇచ్చింది.మంగళగిరి కోర్టు షరతులతో కూడిన బెయిల్ మంజూరు చేసింది. ఆ వెంటనే టీడీపీ కార్యకర్తపై దాడి చేసిన ఘటనలో ఈ మాజీ ఎంపీని అరెస్ట్ చేశారు పోలీసులు. తాజాగా ఈ కేసులో కూడా కోర్టు నందిగం సురేష్‌కు బెయిల్ మంజూరు చేయడం జరిగింది.

English summary

Nandigam Suresh Babu get the bail.