సింగపూర్ టు కౌలాలంపూర్: కారులో.. రోడ్డుపై కేసీఆర్
హైదరాబాద్: సింగపూర్ పర్యటనలో ఉన్న తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావు శనివారం సింగపూర్ నుండి మలేషియా రాజధాని కౌలాలంపూర్ వరకు రోడ్డు మార్గంలో కారులో ప్రయాణించారు. ఈ సందర్భంగా కేసీఆర్ సింగపూర్ - కౌలాలంపూర్ మధ్య ఉన్న శాటిలైట్ టౌన్షిప్లను పరిశీలించారు.
తెలంగాణ రాష్ట్రంలో కొత్త పారిశ్రామిక విధానం కింద ఏర్పాటు చేయనున్న పారిశ్రామిక కారిడార్లలో శాటిలైట్ టౌన్షిప్లు నిర్మిస్తామని కేసీఆర్ ప్రకటించారు.
సింగపూర్ - మలేషియాల మధ్య ఈ తరహా టౌన్షిప్లు ఉండటంతో వాటిని కేసీఆర్ ప్రత్యేకంగా సందర్శించారు. మార్గమధ్యంలో ఆయన పలుచోట్ల ఆగి, అక్కడి స్థితిగతులను చూశారు. టౌన్షిప్లలో మౌలిక వసతులు, మొక్కల పెంపకం, ఇతర పర్యావరణ చర్యలను ఆయన పరిశీలించారు.
Click it and Unblock the Notifications
Sign in with Google