చంద్రబాబు ఉంటుంది వెల్నెస్ సెంటర్లో కాదు సెంట్రల్ జైల్లో: ఘాటుగా గుడివాడ అమర్నాథ్

ఏపీ స్కిల్ డెవలప్మెంట్ కేసులో అరెస్ట్ అయ్యి రాజమండ్రి సెంట్రల్ జైల్లో రిమాండ్ ఖైదీగా ఉన్న చంద్రబాబు స్వల్ప అస్వస్థతకు గురయ్యారని, ఎండల తీవ్రత ఎక్కువగా ఉండటంతో చంద్రబాబు డీ హైడ్రేషన్ కు గురయ్యారని వార్తలు వచ్చాయి. అయితే డీహైడ్రేషన్ కారణంగా రాజమహేంద్రవరం జైలులో చంద్రబాబు అస్వస్థతకు గురైనట్టు నారా భువనేశ్వరి కుటుంబ సభ్యులకు చంద్రబాబు చెప్పినట్టు వార్తలు వచ్చిన నేపథ్యంలో మంత్రి గుడివాడ అమర్నాథ్ స్పందించారు.

చంద్రబాబు డీహైడ్రేషన్ వార్తలపై ఘాటుగా కౌంటర్ ఇచ్చారు మంత్రి గుడివాడ అమర్నాథ్. చంద్రబాబు అస్వస్థతకు గురైనట్టు చెప్పి సింపతీ కోసం ప్రయత్నం చేస్తున్నారని ఆయన మండిపడ్డారు. చంద్రబాబు ఉంటుంది వెల్నెస్ సెంటర్లో కాదు సెంట్రల్ జైల్లో అన్న విషయం గుర్తుపెట్టుకోండి అని గుడివాడ అమర్నాథ్ పేర్కొన్నారు.

నేరం చేసిన వాళ్ళని ఉంచడానికి జైళ్ళు ఉన్నాయని పేర్కొన్న గుడివాడ అమర్నాథ్ డీహైడ్రేషన్ అయినా, దోమలు కుట్టిన జైల్లో అన్ని రకాల సేవలు అందుబాటులో ఉంటాయని కౌంటర్ ఇచ్చారు.ఇక లోకేష్ పై తీవ్ర వ్యాఖ్యలు చేసిన గుడివాడ అమర్నాథ్ సిఐడి విచారణ తర్వాత లోకేష్ సెల్ఫ్ సర్టిఫైడ్ మేధావిలా మాట్లాడుతున్నారని ఎద్దేవా చేశారు.

దొంగతనం చేసిన వాళ్ళు ఒకసారితో నిజం చెప్పరని ఆయన పేర్కొన్నారు. సిఐడి వేసే ప్రశ్నలు అమరావతి భూముల స్కాముల చుట్టూనే ఉంటాయి కానీ, లోకేష్ కుటుంబం యోగక్షేమాల గురించి కాదు అంటూ సెటైర్లు వేశారు. హెరిటేజ్ ను ఏర్పాటు చేయడం కోసం అమరావతిలో 14 ఎకరాలు కొనుగోలు చేయనప్పుడు లోకేష్ ఎందుకు సంతకం పెట్టాడో చెప్పాలని అమర్నాథ్ డిమాండ్ చేశారు.

లోకేష్ ఏదో చెప్పినంత మాత్రాన, మేధావిలా బిల్డప్ ఇచ్చినంత మాత్రాన చేసిన తప్పు నుంచి తప్పించుకోలేరని, లోకేష్ చేసిన తప్పుకు శిక్ష పడటం ఖాయమని గుడివాడ అమర్నాథ్ తెలిపారు. అంతేకాదు విశాఖలో ఐటీ అభివృద్ధి దిశగా వెళుతుందని పేర్కొన్న ఆయన, ఈనెల 16వ తేదీన ఇన్ఫోసిస్ కార్యాలయం జగన్మోహన్ రెడ్డి చేతుల మీదుగా ప్రారంభమవుతుందని గుడివాడ అమర్నాథ్ పేర్కొన్నారు.

English summary

Gudivada Amarnath reacted strongly to the news of Chandrababu's dehydration by saying that Chandrababu is not in the wellness center he is in central jail.