AP Deputy CMO: ఇక ఏపీ డిప్యూటీ సీఎంవో..! సొంత ముద్ర కోసం పవన్ మరో అడుగు !

ఏపీలో గత ఎన్నికలకు ముందు బీజేపీతో పొత్తులో ఉన్న పవన్ కళ్యాణ్.. తోటి విపక్ష నేతగాఉన్న చంద్రబాబు స్కిల్ కేసులో జైలుకు వెళ్లడంతో ఆయనకు సంఘీభావం తెలిపి అక్కడికక్కడే టీడీపీతో పొత్తును ప్రకటించారు. ఆ తర్వాత బీజేపీని కూడా పొత్తులోకి తెచ్చి కూటమి పేరుతో ఎన్నికలకు వెళ్లి ఘన విజయం సాధించడంతో పాటు డిప్యూటీ సీఎంగా బాధ్యతలు చేపట్టారు. ఆ తర్వాత ప్రభుత్వంలో కీలకంగా మారిన పవన్ .. తన వద్దకు భారీగా వస్తున్న ఫిర్యాదులను పరిష్కరించేందుకు ప్రయత్నిస్తున్నారు. అదే సమయంలో ప్రభుత్వంలో తనదైన ముద్ర వేసుకునేందుకు సిద్దమయ్యారు.

ఇందుకోసం ఇప్పటి వరకూ ఏపీ సీఎంవోకు మాత్రమే ఉన్న సోషల్ మీడియా హ్యండిల్స్ కు అదనంగా ఏపీ డిప్యూటీ సీఎంవో పేరుతో హ్యాండిల్స్ ను ప్రారంభించారు. ఫేస్ బుక్, ఎక్స్, ఇన్ స్టాలో ఏపీ డిప్యూటీ సీఎంవో పేరుతో హ్యాండిల్స్ దర్శనమిస్తున్నాయి. జనసేన పార్టీ వీటిని తమ అధికారిక వాట్సాప్ గ్రూపుల్లో షేర్ చేసింది. దీంతో జనసేన కార్యకర్తలు, అభిమానులు, నేతలతో పాటు సాధారణ ప్రజలు కూడా వీటిని ఫాలో కావడం ప్రారంభించారు.

Hon'ble Deputy CM and Minister for Environment, Forest, and Science & Technology, Sri @PawanKalyan garu, met with members of the Andhra Pradesh Forest Officers Association (APFOA) today at the Secretariat. (1/2) pic.twitter.com/blaEUhwyMo

— Deputy CMO, Andhra Pradesh (@APDeputyCMO) July 31, 2024

ఏపీ డిప్యూటీ సీఎం హోదాలో నిత్యం తాను చేస్తున్న కార్యక్రమాలు, సమీక్షలు, అధికారిక భేటీలకు సంబంధించిన సమాచారాన్ని పవన్ కళ్యాణ్ కార్యాలయ సిబ్బంది ఈ హ్యాండిల్స్ లో షేర్ చేస్తున్నారు. తద్వారా సీఎంతో సమానంగా డిప్యూటీ సీఎం కూడా ప్రత్యేక హ్యాండిల్స్ ద్వారా ఈ వివరాల్ని ప్రజలతో పంచుకునేందుకు వీలు కలుగుతోంది. అదే సమయంలో ప్రభుత్వంలో తనదైన శైలితో దూసుకుపోతున్న పవన్ కళ్యాణ్ కూడా సొంత ముద్ర వేసుకునేందుకు అవకాశం లభిస్తోంది.

English summary

pawan kalyan launches ap deputy cmo social media handles to build up own image