పవన్ కళ్యాణ్కు 'మెగా' స్వాగతం, పూలవర్షం, తోపులాట: పోలీసులు తీసుకెళ్లారు
జనసేన పార్టీ అధ్యక్షులు, పవర్ స్టార్ పవన్ కళ్యాణ్ సోమవారం సాయంత్రం విశాఖ చేరుకున్నారు.
విశాఖ: జనసేన పార్టీ అధ్యక్షులు, పవర్ స్టార్ పవన్ కళ్యాణ్ సోమవారం సాయంత్రం విశాఖ చేరుకున్నారు. ఆయనను చూసేందుకు పెద్ద ఎత్తున కార్యకర్తలు, మెగా అభిమానులు తరలి వచ్చారు. విమానాశ్రయంలో ఆయనకు ఘన స్వాగతం పలికారు.
పవన్ కళ్యాణ్ మంగళవారం నాడు శ్రీకాకుళం జిల్లాలోని ఇచ్చాపురంలోని ఉద్దానం కిడ్నీ బాధితులను పరామర్శించనున్నారు. రేపు ఉదయం రోడ్డు మార్గాన ఆయన విశాఖ నుంచి బయలుదేరి వెళ్లి, పరామర్శిస్తారు.
ఇందుకోసం సోమవారం సాయంత్రం ఆయన విశాఖ చేరుకున్నారు. పవన్ రాక సందర్భంగా పెద్ద ఎత్తున వేలాది మంది అభిమానులు, కార్యకర్తలు తరలి రావడంతో విమానాశ్రయం కిటకిటలాడింది. పవన్ను చూసేందుకు అందరూ ఎగబడ్డారు. దీంతో తోపులాట జరిగింది. ఆ తర్వాత పోలీసుల రక్షణ మధ్య పవన్ కళ్యాణ్ అక్కడి నుంచి బయటకు వెళ్లారు.
పూలవర్షం కురిపించారు
ఇచ్చాపురంలో ఉద్దానం ప్రాంతంలో పర్యటనను పురస్కరించుకొని ఈ రోజు సాయంత్రం విశాఖ చేరుకున్న పవన్కు మెగా ఫ్యాన్స్, జనసేన కార్యకర్తలు స్వాగతం పలికారు. ఆయన పైన పూలవర్షం కురిపించి, ఆహ్వానం పలికారు.
Click it and Unblock the Notifications
Sign in with Google