Ramojirao: చివరి కోరిక తీరకుండానే అస్తమించిన రామోజీరావు.. ప్రధాని మోడీ దిగ్భ్రాంతి!!

ఈనాడు గ్రూప్ సంస్థల చైర్మన్, రామోజీ ఫిలిం సిటీ సృష్టికర్త రామోజీరావు తెలుగు ప్రజలందరినీ, తన అభిమానులందరినీ వదిలి కానరాని లోకాలకు వెళ్లిపోయారు. సామాన్య రైతు కుటుంబంలో పుట్టి ఎంతో మందికి సాధ్యం కాని విజయాలను సాధ్యం చేసి చూపించిన గొప్ప ధీశాలి, పద్మ విభూషణ్ గ్రహీత, మహనీయుడు రామోజీరావు.

రామోజీరావు మృతి పట్ల మోదీ సంతాపం
రామోజీరావు మృతి పట్ల ప్రముఖులు తమ ప్రగాఢ సంతాపాన్ని తెలియజేస్తున్నారు. భారత ప్రధాని నరేంద్ర మోడీ రామోజీరావు మృతి పట్ల తన సంతాపాన్ని తెలియజేశారు. రామోజీ రావుగారి మరణం ఎంతో బాధాకరం. ఆయన భారతీయ మీడియాలో విప్లవాత్మకమైన మార్పులు తీసుకొచ్చిన ఒక దార్శనికుడు అంటూ కితాబిచ్చారు. ఆయన సేవలు సినీ,పత్రికారంగాలలో చెరగని ముద్ర వేశాయన్నారు మోదీ .

ఆయనతో మాట్లాడటం నా అదృష్టం: ప్రధాని మోదీ
తన అవిరళ కృషి ద్వారా, ఆయన మీడియా, వినోద ప్రపంచాలలో శ్రేష్టమైన ఆవిష్కరణలకు నూతన ప్రమాణాలను నెలకొల్పారు రామోజీరావు అంటూ మోడీ కొనియాడారు. రామోజీ రావు భారతదేశ అభివృద్ధి పట్ల చాలా ఉత్సాహం చూపేవారని మోడీ అన్నారు. ఆయనతో సంభాషించడానికి, ఆయన అపారమైన జ్ఞానాన్నుంచి లబ్ధి పొందేందుకు అనేక అవకాశాలు పొందడం నా అదృష్టం అంటూ ఆయన తన అభిప్రాయం వ్యక్తం చేశారు.

రామోజీ మృతిపై దిగ్భ్రాంతి వ్యక్తం చేసిన మోదీ
ఈ దుఃఖ సమయంలో అతని కుటుంబ సభ్యులకు, స్నేహితులకు అసంఖ్యాక అభిమానులకు నా ప్రగాఢ సానుభూతి తెలియజేస్తున్నాను. ఓం శాంతి అని ఎక్స్ వేదికగా పోస్ట్ పెట్టారు. ఇదిలా ఉంటే తన జీవితంలో ఎన్నో అసాధ్యం అయిన అంశాలను సుసాధ్యం చేసిన రామోజీరావు ఆయన చివరి కోరికను మాత్రం తీర్చుకోకుండానే వెళ్ళిపోయారు.

శ్రీ రామోజీ రావుగారి మరణం ఎంతో బాధాకరం.ఆయన భారతీయ మీడియాలో విప్లవాత్మకమైన మార్పులు తీసుకొచ్చిన ఒక దార్శనికుడు.ఆయన సేవలు సినీ,పత్రికారంగాలలో చెరగని ముద్ర వేశాయి. తన అవిరళ కృషి ద్వారా, ఆయన మీడియా, వినోద ప్రపంచాలలో శ్రేష్టమైన ఆవిష్కరణలకు నూతన ప్రమాణాలను నెలకొల్పారు.

రామోజీ రావు… pic.twitter.com/1cjAFSF6xB

— Narendra Modi (@narendramodi) June 8, 2024

చివరి కోరిక తీరకుండానే అస్తమించిన రామోజీరావు
తన నిర్మాణ సంస్థ అయిన ఉషాకిరణ్ మూవీస్ బ్యానర్లో 100 సినిమాలు తెరకెక్కించాలనేది ఆయన కోరిక. అయితే ఇప్పటికీ ఆ బ్యానర్లో సుమారు 90 సినిమాలు పూర్తయ్యాయి. మరో పది సినిమాలు చేస్తే ఆయన కోరిక తీరి ఉండేది. ఈలోపే రామోజీరావు తన తుది శ్వాస విడిచారు. 1978లో వచ్చిన మార్పు అనే సినిమాలో రామోజీరావు నటించడం గమనార్హం.

English summary

Indian Prime Minister Narendra Modi expressed his condolences on the death of Ramoji Rao. Ramoji Rao, who made many impossible things in life possible, left without fulfilling his last wish.