సికింద్రాబాద్- విశాఖ ఎక్స్ ప్రెస్ ఇక విజయవాడ వెళ్లదు- డైవర్షన్ రూట్

విజయవాడ రైలు ప్రయాణికులకు దక్షిణ మధ్య రైల్వే అధికారులు కీలక సూచనలు చేశారు. విజయవాడ స్టేషన్ యార్డులో ప్లాట్‌ఫాం నంబర్ 4 ఆప్రాన్ పనులను చేపట్టనున్నారు. దీనివల్ల కొన్ని రైళ్లను దారి మళ్లించనున్నారు. మరికొన్నింటిని పాక్షికంగా రద్దు చేశారు. అలాగే సికింద్రాబాద్- విశాఖపట్నం ఎక్స్ ప్రెస్ ను కూడా మళ్లించారు. నాలుగో నంబర్ అప్రాన్ పనులు పూర్తయ్యేంత వరకు ఈ ఎక్స్ ప్రెస్.. విజయవాడకు వెళ్లదు.

ఈ తాజా మార్పులన్నీ కూడా ఏప్రిల్ 17వ తేదీ నుండి అమలులోకి రానున్నాయి. 45 రోజుల పాటు అంటే మే 31వ తేదీ వరకు కొనసాగుతాయి. ఆ తర్వాత ఇప్పుడు పాక్షిక రద్దు, తాత్కాలిక మళ్లింపులకు గురైన రైళ్లను పునరుద్ధరిస్తారు. యధాతథంగా విజయవాడ స్టేషన్ మీదుగా రాకపోకలు సాగిస్తాయి.

ఏప్రిల్ 17 నుండి మే 31 తేదీల్లో బయలుదేరే నంబర్ 12740 సికింద్రాబాద్ - విశాఖపట్నం, నంబర్ 12739 విశాఖపట్నం - సికింద్రాబాద్ దారి మళ్లిస్తారు. సికింద్రాబాద్ బయలుదేరే నంబర్ 12740 ఎక్స్ ప్రెస్ రాయనపాడు - విజయవాడ బల్బ్ క్యాబిన్ - నార్త్ క్యాబిన్ - గుణదల మార్గంలో రైలు విశాఖపట్నానికి వెళ్తుంది.

విశాఖపట్నం నుండి బయలుదేరే నంబర్ 12739 ఎక్స్ ప్రెస్ గుణదల - విజయవాడ నార్త్ క్యాబిన్ - బల్బ్ క్యాబిన్ - రాయనపాడు మీదుగా సికింద్రాబాద్ కు వెళ్తుంది.

ప్లాట్‌ఫామ్‌ ఆప్రాన్ పనుల కారణంగా మరి కొన్ని రైళ్లను పాక్షికంగా రద్దు చేస్తున్నట్లు దక్షిణ మధ్య రైల్వే ప్రకటించింది. నంబర్ 67276 నర్సాపూర్ - విజయవాడ రైలు రామవరప్పాడు వరకే నడుస్తుంది. ఈ రైలు విజయవాడకు రాదు. నంబర్ 67256 మచిలీపట్నం - విజయవాడ రైలు కూడా రామవరప్పాడు వరకే నడుస్తుంది. నంబర్ 67269 విజయవాడ - మచిలీపట్నం,67270 మచిలీపట్నం - విజయవాడ, నంబర్ 67281 విజయవాడ - భీమవరం రైళ్లు రామవరప్పాడు వరకే అందుబాటులో ఉంటాయి.

English summary

SC Railways diverted Secunderabad–Visakhapatnam Express and other Train Routes From April 17 to May 31. Due to ongoing apron work at Platform No. 4 in Vijayawada Yard, certain train services are being diverted. దీనివల్ల కొన్ని రైళ్లను దారి మళ్లించనున్నారు. మరికొన్నింటిని పాక్షికంగా రద్దు చేశారు.