చంద్రబాబుకు ఓ కార్యకర్త ఊహించని బహుమతి .. వేళకు భోజనం చెయ్యాలనే ఆ బహుమతి

చాలా మంది అభిమానులు తమ అభిమాన నేతపై తమకున్న ప్రేమను , అభిమానాన్ని వివిధ రూపాల్లో చూపిస్తారు. తమ అభిమాన నాయకుడు వస్తున్నారు అంటే చేసే హడావిడి అంతా ఇంతా కాదు. ఊరంతా బ్యానర్లు వేస్తారు. ఏ కార్యక్రమం నిర్వహించ తలపెట్టారో ఆ కార్యక్రమం సక్సెస్ అవ్వాలని చాలా కష్టపడతారు. తన అభిమానం వ్యక్తం చెయ్యటానికి పలు రూపాల్లో ప్రయత్నం చేస్తుంటారు. కానీ చంద్రబాబు విషయంలో ఆయనపై విపరీతమైన అభిమానం ఉన్న ఓ కార్యకర్త ఏం చేసాడో తెలుసా ?

ఆంధ్రప్రదేశ్ ముఖ్యమంత్రి చంద్రబాబుకు ఓ కార్యకర్త ఊహించని బహుమతి ఇచ్చారు .ఆంధ్ర ప్రదేశ్ రాష్ట్రం కోసం అహర్నిశలు పని చేస్తున్న చంద్రబాబు వేళకు భోజనం చెయ్యాలనే ఆ బహుమతి ఇచ్చారు ఓ అభిమాన కార్యకర్త. రాష్ట్రం సుభిక్షంగా ఉండాలంటే ముందు పాలించే చంద్రబాబు ఆరోగ్యం ఉండాలని భావించే ఎవరూ ఊహించని ప్రత్యేకమైన బహుమతిని చంద్రబాబుకి ఇచ్చారు .

రాష్ట్రాభివృద్ధి కోసం చంద్రబాబు నిరంతరం కష్టపడుతున్నారని, ఈ క్రమంలో ఆరోగ్యాన్ని పణంగా పెడుతున్నారని భావించిన ఓ కార్యకర్త అధినేతకు ఎవరూ ఊహించని గిఫ్ట్ ఇచ్చి ఆశ్చర్యపరిచాడు. రాష్ట్రం సుభిక్షంగా ఉండాలని, రాష్ట్రాభివృద్ధి కోసం శ్రమిస్తున్న చంద్రబాబు ఆయురారోగ్యాలతో ఉండాలని కోరుకుంటూ చిత్తూరు జిల్లా నగరి నియోజకవర్గానికి చెందిన ఆ పార్టీ కార్యకర్త రామానుజం చలపతి గడియారం, లంచ్ బాక్స్‌ను బహుమతిగా ఇచ్చారు . వేళకు భోజనం చేయాలనే ఈ రెండింటినీ బహుమతిగా ఇచ్చినట్టు చలపతి పేర్కొన్నాడు. తన ఆరోగ్యం గురించి శ్రద్ధ తీసుకున్న కార్యకర్త చలపతిని చంద్రబాబు అభినందించారు.

English summary

TDP activist gave a surprising gift to Chandrababu . Chandra Babu struggled for the development of the state and was surprised by the unexpected gift given by the party activist who felt that the health of the chandrababu is more important. The party activist Ramanujam Chalapathi gave a clock, a lunch box, to take care of chandrababu's health. The gifts are reminding the timely diet and care of Chandrababu .