Viral Video: రోజాకు బ్యాటింగ్ నేర్పించిన జగన్ ! ఆడుదాం ఆంధ్రలో...

ఏపీ సీఎం వైఎస్ జగన్ ఇవాళ తన కేబినెట్ మంత్రి ఆర్కే రోజాకు క్రికెట్ పాఠాలు నేర్పించారు. రాష్ట్రవ్యాప్తంగా జరుగుతున్న ఆడుదాం ఆంధ్ర కార్యక్రమంలో భాగంగా క్రీడల మంత్రి ఆర్కే రోజాతో కలిసి పాల్గొన్న సీఎం వైఎస్ జగన్.. ఈ సందర్భంగా ఆమెతో క్రికెట్ బ్యాట్ పట్టించారు. బ్యాటింగ్ ఎలా చేయాలో స్వయంగా ఆడి చూపించారు. దీంతో ఆమె కూడా అన్న చెప్పిన విధంగా బ్యాటింగ్ చేస్తూ హల్ చల్ చేశారు. ఈ వీడియో ఇప్పుడు వైరల్ అవుతోంది.

మంత్రి రోజాకు బ్యాటింగ్ నేర్పిస్తున్న... సీఎం జగన్...!!#RojaSelvamani #RKRoja #AadudamAndhra #CMYSJagan #YSJagan #AndhraPradesh #Oneindiatelugu pic.twitter.com/ad2fxJLSVo

— oneindiatelugu (@oneindiatelugu) December 26, 2023

సీఎం వైఎస్ జగన్ తొలుత క్రికెట్ పిచ్ పై బ్యాటింగ్ చేయమంటూ బ్యాట్ చేతికి ఇచ్చి మంత్రి ఆర్కే రోజాను ఆహ్వానించారు. అనంతరం బ్యాట్ పట్టుకున్న రోజాకు పిచ్ పై దాన్ని ఎక్కడ పెట్టాలో తెలియకపోవడంతో స్వయంగా సీఎం జగన్ క్రీజులో బ్యాట్ ఎక్కడ ఉంచాలో, క్రీజులో ఎలా నిలబడాలో, బ్యాటింగ్ ఎలా చేయాలో చేసి చూపించారు. దీంతో ఆమె కూడా అంతే ఓపిగ్గా బ్యాటింగ్ పాఠాలు నేర్చుకుంటూ కనిపించారు.

ఓసారి క్రీజులో బ్యాటింగ్ చేయడం మొదలుపెట్టాక తొలి బంతినే ఆర్కే రోజా క్లీన్ షాట్ కొట్టేశారు. దీంతో అక్కడే ఉన్న సీఎం జగన్ తో పాటు పలువురు మంత్రులు, అధికారులు చప్పట్లతో ఆమెను అభినందించారు. అనంతరం బ్యాటింగ్ కు దిగిన సీఎం జగన్ కూడా తాను ఎదుర్కొన్న తొలి బంతినే భారీ షాట్ కొట్టారు. తద్వారా అక్కడ ఉన్న క్రికెట్ క్రీడాకారుల్ని ఉత్సాహపరిచారు. ఆడుదాం ఆంధ్ర కార్యక్రమంలో భాగంగా కనిపించిన ఈ దృశ్యాలు ఇప్పుడు సోషల్ మీడియాలో వైరల్ అవుతున్నాయి.

English summary

ap chief minister ys jagan mohan reddy today teaches batting lessions to his cabinet minister rk roja during adudam andhra programme.