పోస్టల్ బ్యాలెట్ పై వైసీపీ కీలక నిర్ణయం - కలిసొచ్చేనా..!!

ఎన్నికల కౌంటింగ్ వేళ వైసీపీ కీలక నిర్ణయం తీసుకుంది. పోస్టల్ బ్యాలెట్ కౌంటింగ్ పైన కొనసాగుతున్న వివాదం ఇప్పుడు హైకోర్టుకు చేరింది. పోస్టల్ బ్యాలెట్ పై ఎన్నికల సీఈవో టీడీపీ ఫిర్యాదు మేరకు జారీ చేసిన మెమో పై వైసీపీ అభ్యంతరం వ్యక్తం చేస్తుంది. దీని పైన కేంద్ర ఎన్నికల సంఘానికి ఫిర్యాదు చేసింది. కానీ, అనుకూలంగా ఫలితం రాలేదు. దీంతో..హైకోర్టులో ఇదే అంశం పైన వైసీపీ లంచ్ మోషన్ పిటషన్ దాఖలు చేసింది. న్యాయస్థానం విచారణకు స్వీకరించింది.

వైసీపీ అభ్యంతరం
పోస్టల్ బ్యాలెట్ లెక్కింపులో ఈసీఐ మార్గదర్శకాలకు విరుద్ధంగా సీఈవో ఎంకే మీనా మెమో ఇవ్వడంపై వైసీపీ అభ్యంతరం వ్య‌క్తం చేసింది. ఈ మేరకు సీఈవో మెమోపై వైసీపీ లంచ్ మోషన్ పిటిషన్ దాఖ‌లు చేసింది. లంచ్ మోషన్ పిటిషన్ అత్యవసర విచారణకు హైకోర్టు అంగీకారం తెలిపింది. సీఈవో జారీ చేసిన మెమో ఎన్నికల సంఘం నిబంధనలకు విరుద్దంగా ఉందని పిటీషన్ లో పేర్కొంది. పోస్టల్ బ్యాలెట్ లెక్కింపు పై ఆర్వో సీల్ లేకపోయినా లెక్కింపులోకి పరిగణలోకి తీసుకోవాలని నిర్ణయం తీసుకోవటం పైన వైసీపీ విభేదిస్తోంది.

వైసీపీ అభ్యంరతం
పోస్టల్ బ్యాలెట్ పై అటెస్టేషన్ ఆఫీసర్ సంతకంతోపాటు సీలు ఉంటేనే అది చెల్లుబాటు అవుతుందనే నిబంధన ఉంది. దేశవ్యాప్తంగా ఇదే నిబంధన ఉంటే.. ఏపీలో మాత్రం వెసులుబాటు ఇచ్చారు ప్రధాన ఎన్నికల అధికారి, సీల్ లేకపోయినా బ్యాలెట్ చెల్లుబాటు అవుతుందన్నారు. ఈ నిర్ణయాన్ని వైసీపీ వ్యతిరేకిస్తోంది. టీడీపీ ఫిర్యాదు చేయడం వల్లే వారికి అనుకూలంగా ఇలాంటి నిర్ణయం తీసుకున్నారని విమర్శిస్తున్నారు వైసీపీ నేతలు. గెజిటెడ్‌ అధికారి సీల్‌, హోదా వివరాలు లేకపోయినా.. పోస్టల్ బ్యాలెట్‌ను పరిగణనలోకి తీసుకోవాలని ఈనెల 25న ఏపీ సీఈఓ ఆదేశాలు జారీ చేశారు.

హైకోర్టులో విచారణ
సీఈవో జారీ చేసిన ఆదేశాలు గతంలో ఉన్న నిబంధనలకు విరుద్ధంగా ఉన్నాయంటూ వైసీపీ అభ్యంతరం వ్యక్తం చేస్తోంది. తాజా ఆదేశాలతో ఎన్నికల నిర్వహణ సమగ్రత దెబ్బతింటుందని వైసీపీ నేతలంటున్నారు. ఈ సడలింపుల విషయంలో ఈసీ పునరాలోచించకపోతే.. కోర్టుకు వెళ్తామన్నారు. కేంద్ర ఎన్నికల సంఘానికి ఫిర్యాదు.. రాష్ట్ర ఎన్నికల అధికారులు ఇచ్చిన ఆదేశాలపై కేంద్ర ఎన్నికల సంఘానికి వైసీపీ ఫిర్యాదుకు సానుకూల స్పందన రాలేదు. దీంతో..హైకోర్టులో పిటీషన్ దాఖలు చేసారు. ఏపీలో 5,39,189 పోస్టల్ బ్యాలెట్ ఓట్లు పోల్ అయ్యాయి. ఫలితంలో కీలకంగా మారనున్నాయి.

English summary

YSRCP Approaches AP high Court over Election CEO memo on counting ove postal ballots, High court to pronounce the decision.