ఆదర్శ దంపతులు..వారే నాకు ఆదర్శం: నారా లోకేష్!
అమరావతి: తెలుగుదేశం పార్టీ అధినేత, మాజీ ముఖ్యమంత్రి చంద్రబాబు నాయుడు, భువనేశ్వరి పెళ్లి రోజు సందర్భంగా వారి కుమారుడు, మాజీ మంత్రి నారా లోకేష్ మంగళవారం వారికి శుభాకాంక్షలు తెలిపారు. 1981 సెప్టెంబర్ 10వ తేదీన చంద్రబాబు, భువనేశ్వరిల వివాహం మద్రాస్ లో జరిగింది. వారి వివాహం జరిగి 38 సంవత్సరాలైందని, ఇన్నేళ్లలో ఏనాడై వారి వైవాహిక జీవితంలో పొరపచ్చాలు రాలేదని లోకేష్ చెప్పారు.
మంగళవారం అమ్మానాన్నల పెళ్ళిరోజు అని పేర్కొంటూ చంద్రబాబు, భువనేశ్వరి కలిసి ఉన్న ఫొటోను తన ట్వీట్ కు జత చేశారు. తన తల్లి భువనేశ్వరి సహ ధర్మచారిణి అన్న పదానికి అసలై నిర్వచరం ఇచ్చారని చెప్పారు. నాన్న చంద్రబాబు ఆశయాల్లో, ఆలోచనల్లో తోడుగా నిలిచారని పేర్కొన్నారు. వారిద్దరూ ఆదర్శ దంపతులని, వారే తనకు ఆదర్శమని ట్వీట్ చేశారు. సుఖసంతోషాలతో నూరేళ్ళు వర్ధిల్లాలని మనసారా కోరుకుంటున్నట్లు చెప్పారు.
ఈరోజు అమ్మానాన్నల పెళ్ళిరోజు. సహధర్మచారిణి అన్న పదాన్ని నాన్నగారి జీవితంలో నిజం చేస్తూ ఆయన ఆశయాల్లో, ఆలోచనల్లో తోడుగా నిలుస్తానంటూ చేయిపట్టి అమ్మ ఏడడుగులు నడిచిన రోజు. ఆ ఆదర్శ దంపతులు సుఖసంతోషాలతో నూరేళ్ళు వర్ధిల్లాలని మనసారా కోరుకుంటూ పెళ్లిరోజు శుభాకాంక్షలు. pic.twitter.com/3bRyA1SVK7
— Lokesh Nara (@naralokesh) September 10, 2019
Click it and Unblock the Notifications
Sign in with Google