తెలంగాణలో కొత్తగా 1983 కరోనా కేసులు... మరో 10 మంది మృతి...

తెలంగాణలో గడిచిన 24గంటల్లో రాష్ట్రవ్యాప్తంగా కొత్తగా 1983 కరోనా పాజిటివ్ కేసులు నమోదయ్యాయి. మరో 858 కేసుల రిపోర్టులు ఇంకా రావాల్సి ఉంది. రాష్ట్రవ్యాప్తంగా మరో 10 మంది కరోనాతో మృతి చెందారు. ఈమేరకు రాష్ట్ర వైద్యారోగ్యశాఖ మంగళవారం(అక్టోబర్ 6) హెల్త్‌ బులెటిన్‌ విడుదల చేసింది.

తాజా కేసులతో మొత్తం పాజిటివ్ కేసుల సంఖ్య 2,02,594కి చేరింది. మొత్తం మృతుల సంఖ్య 1181కి చేరింది. ప్రస్తుతం 26,644 యాక్టివ్ కేసులు కొనసాగుతున్నాయి. మరో 22,134 మంది పేషెంట్లు హోమ్ ఐసోలేషన్‌లో చికిత్స పొందుతున్నారు.గడిచిన 24 గంటల్లో 2381 మంది కరోనా నుంచి కోలుకుని డిశ్చార్జి అయ్యారు. ఇప్పటివరకూ రాష్ట్రంలో కరోనా నుంచి కోలుకున్నవారి సంఖ్య 1,74,769కి చేరింది.

గడిచిన 24గంటల్లో మొత్తం 50,598 శాంపిల్స్‌ను పరీక్షించారు. దీంతో రాష్ట్రంలో ఇప్పటివరకూ నిర్వహించిన కరోనా పరీక్షల సంఖ్య 32,92,195కి చేరింది. ఒక మిలియన్ జనాభాకు సగటున 87,092 కరోనా టెస్టులు చేస్తున్నట్లు బులెటిన్‌లో వెల్లడించారు. ప్రస్తుతం దేశంలో మరణాల రేటు 1.5శాతం ఉండగా... తెలంగాణలో 0.58శాతం ఉన్నట్లు తెలిపారు. జాతీయ స్థాయిలో రికవరీ రేటు 84.7శాతం ఉండగా తెలంగాణలో 86.26శాతం ఉన్నట్లు తెలిపారు.

Telugu : Media Bulletin on status of positive cases #COVID19 in Telangana. (Dated. 06.10.2020)#TelanganaFightsCorona #StayHome #StaySafe

For complete Bulletin.. please click on below link 👇https://t.co/nJ24zLHdOe pic.twitter.com/TNID5voh0s

— Eatala Rajender (@Eatala_Rajender) October 6, 2020

తాజాగా నమోదైన కేసుల్లో అత్యధికంగా జీహెచ్ఎంసీ పరిధిలో 292 కేసులు నమోదవగా... రంగారెడ్డి జిల్లాలో 187,మేడ్చల్ మల్కాజ్‌గిరి జిల్లాలో 145 కేసులు నమోదయ్యాయి. ఖమ్మంలో 117, కరీంనగర్‌లో 109, నల్లగొండలో 105, భద్రాద్రి కొత్తగూడెంలో 85 కరోనా కేసులు నమోదయ్యాయి.

English summary

1983 new coronavirus cases were reported in Telangana from last 24 hours,more 10 patients were died. Total cases number reached to 2,02,594 and total death toll reached to 1181