చార్మినార్ ఓకేనా?.. రాలి పడిన మినార్ తుక్డా (వీడియో)

హైదరాబాద్ : భాగ్యనగరపు మణిహారం.. చారిత్రక కట్టడం చార్మినార్ ను చూసేందుకు దేశవిదేశీ పర్యాటకులు పెద్దసంఖ్యలో తరలివస్తుంటారు. టూరిస్టులకు సరికొత్త అనుభూతి అందించేందుకు.. 400 ఏళ్లకు పైగా చరిత్ర కలిగిన చార్మినార్ కు కొత్త సొబగులు అద్దేందుకు పురావస్తు శాఖ అధికారులు మరమ్మత్తులు చేపడుతున్నారు. అయితే అందులోని ఒక మినార్ కు సంబంధించిన కట్టడంలోంచి చిన్న ముక్క రాలి పడింది.

బుధవారం రాత్రి 11 గంటల 30 నిమిషాల సమయంలో ఈదురుగాలులు వీయడంతో ఈ ఘటన జరిగినట్లు తెలుస్తోంది. అయితే ఆ సమయంలో అక్కడ ఎవరూ లేకపోవడంతో ప్రమాదం తప్పినట్లైంది. మినార్ భాగం కూలిందనే సమాచారం తెలియడంతో పురావస్తు శాఖ అధికారులు పరుగులు పెట్టారు. పూర్తి వివరాలు సేకరించి తిరిగి మరమ్మత్తులు చేయించే పనిలో నిమగ్నమవుతున్నారు. రాలి పడిన ఆ భాగాన్ని పురావస్తు శాఖ మ్యూజియంలో భద్రపరిచేందుకు తీసుకెళ్లారు.

A piece of history crumbles. A piece of one of the minarets of the #Charminar falls down. #Hyderabad pic.twitter.com/LbUCErWf5H

— Filter Kaapi (@FilterKaapiLive) May 2, 2019

English summary

In a massive set back to the Archaeological Survey of India's work in the State, a chunk of one of the minars of Charminar fell down on late Wednesday night. A part of the ornamental stucco work of minar on the Laad Bazar side of the monument facing the road towards Shahalibanda fell down to a resounding clamour on 11.30 pm on Wednesday. Charminar police station officials confirmed to Express that nobody was injured in the incident.