Hyderabad: గుడిలో ప్రదక్షిణలు చేస్తూ కుప్పకూలిన వ్యక్తి

కరోనా తర్వాత గుండె పోటు మరణాలు పెరిగిపోయాయి. వయస్సుతో సంబంధం లేకుండా గుండె పోటు బారిన పడుతున్నారు. ఐదేళ్ల పిల్లలు మొదలకుకొని వృద్ధుల వరకు హార్ట్ ఎటాక్ లు వస్తున్నాయి. గతంలో 40,50 సంవత్సరాల పైబడిన వారికే గుండె పోటు వచ్చేది. కానీ ఇప్పుడు పరిస్థితులు మారాయి. కొన్ని నెలల క్రితం పాఠశాల తరగతి గదిలోనే విద్యార్థిని గుండె నొప్పి చనిపోయింది. గత సంవత్సరం హైదరాబాద్ లో ఓ వ్యక్తి బ్యాట్మెంటన్ ఆడుతూ మృతి చెందాడు.

గతేడాది ఓ వ్యక్తి పెళ్లికి ముందు నిర్వహించే హాల్ది కార్యక్రమంలో పాల్గొన్నాడు. పెళ్లి కుమారుడికి పసుపు పెడుతూనే కుప్పకూలిపోయాడు. ఆస్పత్రికి తీసుకెళ్లినా ఫలితం లేకుండా పోయింది. తాజాగా ఓ యువకుడు గుడిలో ప్రదక్షిణలు చేస్తూ గుండె పోటుకు గురయ్యాడు. ఈ ఘటన హైదరాబాద్ కేపీహెచ్బీలో జరిగింది. స్థానిక టెంపుల్ బస్ స్టాప్ దగ్గర హనుమాన్ దేవాలయం ఉంటుంది. ఓ యువకుడు దేవుడి దర్శనం కోసం గుడి వచ్చిన కన్నుమూశాడు.

స్థానికంగా నివాసం ఉండే 31 ఏళ్ల విష్ణువర్ధన్ సోమవారం ఉదయం హనుమాన్ దేవాలయానికి ముందుగా ప్రదక్షిణ చేద్దామని చేస్తున్నాడు ఒక చుట్టూ తిరిగి రెండో సారిగేందుకు వెళ్తున్న సమయంలో పిల్లర్ ను పట్టుకున్నాడు. ఆ తర్వాత కుప్పకూలాడు. వెంటనే అక్కడున్న వారు గమనించారు. విష్ణవర్ధన్ కు సీపీఆర్ చేసే ప్రయత్నం చేశారు. అయినా ఫలితం లేకపోయింది. చివరికి గుడిలోనే తుది శ్వాస వదిలాడు. సమాచారం అందుకున్న పోలీసులు అక్కడికి చేరుకుని మృతదేహాన్ని తరలించారు.

గుడిలో ప్రదక్షిణ చేస్తూ గుండెపోటుతో వ్యక్తి మృతి#HeartAttack #CardiacArrest #గుండెపోటు #Oneindiatelugu pic.twitter.com/LYFuSSPk5q

— oneindiatelugu (@oneindiatelugu) November 12, 2024

విష్ణువర్ధన్ గుడిలో ప్రదక్షిణలు చేస్తూ పడిపోయిన దృశ్యాలు అక్కడే ఉన్న సీసీ కెమెరాల్లో రికార్డు అయ్యాయి. ఈ వీడియో సోషల్ మీడియాలో పోస్ట్ చేశారు. దీంతో ఈ వీడియో వైరల్ అవుతోంది.

English summary

The incident of death of a young man due to heart attack created a stir in Hyderabad KPHB. The man collapsed while circumambulating the temple.