మళ్లీ భగ్గుమన్న HCU:ఏబీవీపీ-ఎస్‌ఎఫ్‌ఐ విద్యార్థుల మధ్య ఘర్షణ,పలువురికి గాయాలు

హైదరాబాద్ సెంట్రల్ యూనివర్శిటీలో విద్యార్థుల మధ్య ఘర్షణ చెలరేగడంతో పలువురు గాయపడ్డారు

హైదరాబాద్: గత కొంత కాలంగా చాలా సైలెంట్‌గా ఉన్న హైదరాబాద్ సెంట్రల్ యూనివర్శిటీ (HCU) మళ్లీ ఉలిక్కిపడింది. విద్యార్థుల మధ్య దాడులు ప్రతిదాడులు ప్రారంభమయ్యాయి. రెండు వర్గాల విద్యార్థుల మధ్య ఈ ఘర్షణ చెలరేగింది. హైదరాబాద్ సెంట్రల్ యూనివర్శిటీలో విద్యార్థి యూనియన్ ఎన్నికలు జరుగుతున్నాయి. ఈ నేపథ్యంలోనే ఎస్‌ఎఫ్ఐ (SFI) ఏబీవీపీ (ABVP) వర్గాలకు చెందిన విద్యార్థుల మధ్య గొడవ ప్రారంభమైంది.ఈ గొడవలో పలువురి విద్యార్థులకు తీవ్ర గాయాలయ్యాయి. ఏబీవీపీ వర్గంలో ఉన్న గిరిజన విద్యార్థులపై ఎస్‌ఎఫ్ఐ వర్గానికి చెందిన పలువురు విద్యార్థులు దాడికి దిగారని ఏబీవీపీ వర్గం ఆరోపించింది. వారిపై కత్తులతో దాడి చేశారని మండిపడింది.

SFI has unleashed violence against the tribal students and karyakartas of ABVP HCU. They have used sharp objects like knife. We condemn this attack against our karyakartas. @ABVPVoice @ABVPTelangana pic.twitter.com/DcKfgTdZ6O

— ABVP HCU (@abvpuoh) February 24, 2023

ఇదిలా ఉంటే విద్యార్థి ఎన్నికల్లో ఏబీవీపీ వర్గం ఓటమిపాలవుతుందని ముందే తెలిసి జీర్ణించుకోలేకపోయారంటూ ఎస్‌ఎఫ్ఐ వర్గం చెబుతోంది.ఈ క్రమంలోనే వారి ఫ్రస్టేషన్ ఈ రకంగా బయటపెడుతున్నారని వాపోయింది. ఏబీవీపీ విద్యార్థులే ముందుగా ఎస్‌ఎఫ్ఐని ఇతర విద్యార్థులను రెచ్చగొట్టారంటూ ఎస్ఎఫ్ఐ విద్యార్థి నాయకులు వివరించారు. మెన్స్ హాస్టల్‌లోకి వచ్చి ఏబీవీపీకి చెందిన విద్యార్థులు దాడులు చేశారంటూ ఈ దాడులను తాము ఖండిస్తున్నట్లు ట్విటర్ వేదికగా ఎస్ఎఫ్ఐ హెచ్‌సీయూ యూనిట్ ట్వీట్ చేసింది. మద్యం సేవించి వచ్చిన ఏబీవీపీ నాయకులు, ఎస్‌ఎఫ్ఐకి చెందిన విద్యార్థులను టార్గెట్ చేస్తూ అనుచిత వ్యాఖ్యలు చేశారని ఆరోపించింది. అంతేకాదు పరుషపదజాలం కూడా ప్రయోగించారంటూ వెల్లడించింది.

గ్లాస్ డోర్స్‌ను విరగొట్టి, గాజు పెంకులతో ఏబీవీపీ విద్యార్థులు ఎస్‌ఎఫ్ఐ వారిపై దాడి చేసిందని ఆరోపించారు.గాయపడిన ఎస్ఎఫ్ఐ విద్యార్థులను వెంటనే చికిత్స కోసం హాస్పిటల్‌కు తరలించారు. ఇక విద్యార్థులందరూ కలిసిగట్టుగా ఉండాలని ఎస్‌ఎఫ్ఐ విద్యార్థి నాయకులు పిలుపునిచ్చారు. క్యాంపస్‌లో ఏబీవీపీ భయానక వాతావరణం సృష్టించేందుకు ప్రయత్నిస్తోందని అన్నారు. ఎన్నికలు ప్రారంభమైన నాటి నుంచి ఏబీవీపీ ఏదోరకంగా భయాందోళనలు సృష్టిస్తోందని వాపోయారు.

హైదరాబాద్ సెంట్రల్ యూనివర్సిటీ లో విద్యార్థుల మధ్య ఘర్షణ..SFI ,AVBP విద్యార్థుల పరస్పర దాడులు..పలువురికి గాయాలు..!!#HCU #HyderabadCentralUniversity #SFI #ABVP #Oneindiatelugu pic.twitter.com/ubv74efXRV

— oneindiatelugu (@oneindiatelugu) February 25, 2023

English summary

ABVP and SFI students had a bitter quarrel in the wake of student elections in HCU campus.