షాకింగ్: బిగ్బాస్ తెలుగు 5 కంటెస్టెంట్.. అరెస్ట్: ఆ యూట్యూబ్ వీడియోలో
హైదరాబాద్: బిగ్గెస్ట్ టెలివిజన్ రియాలిటీ షో బిగ్బాస్ తెలుగు సీజన్ 5 కంటెస్టెంట్, ప్రముఖ యూట్యూబర్ సరయు అరెస్ట్ అయ్యారు. ఆమెను హైదరాబాద్ బంజారాహిల్స్ పోలీస్ స్టేషన్కు తరలించారు. యుూట్యూబ్లో పోస్ట్ చేసిన ఓ వీడియో అరెస్ట్కు కారణమైంది. హిందువుల మనోభావాలను దెబ్బతీసేలా, హిందూయిజాన్ని కించపరిచేలా ఈ వీడియో ఉందంటూ అందిన ఫిర్యాదుల మేరకు పోలీసులు ఆమెపై కేసు నమోదు చేశారు. ఆమెపై 153ఏ, 295ఏ సెక్షన్ల కింద కేసు పెట్టారు..అరెస్ట్ చేశారు.
సరయు.. బోల్డ్ కామెంట్స్కు కేరాఫ్ అడ్రస్గా నిలుస్తుంటారు. వివిధ అంశాలపై షార్ట్ఫిల్మ్స్, ఎపిసోడ్లను చిత్రీకరించి- 7 ఆర్ట్స్ పేరుతో ఏర్పాటు చేసిన యూట్యూబ్ ఛానల్లో పోస్ట్ చేస్తుంటారు. రెండు తెలుగు రాష్ట్రాల్లోనూ ఆమెకు ఫాలోవర్లు ఉన్నారు. ఆ గుర్తింపుతోనే బిగ్బాస్ తెలుగు సీజన్ 5 కంటెస్టెంట్గా సెలెక్ట్ అయ్యారు. ఆ రియాలిటీ షోలో రాణించలేకపోయారు. తొలివారమే బిగ్బాస్ హౌస్ నుంచి ఎలిమినేట్ అయ్యారు. ఆ తరువాత కూడా తరచూ వార్తల్లో నిలుస్తూ వచ్చారు.
బిగ్బాస్ తెలుగు 5 కంటెస్టెంట్ సరయు అరెస్ట్ pic.twitter.com/g0vjFZEbmQ
— oneindiatelugu (@oneindiatelugu) February 8, 2022
గత సంవత్సరం ఫిబ్రవరిలో పోస్ట్ చేసిన ఓ ఎపిసోడ్.. ఇప్పుడు ఆమె అరెస్ట్కు దారి తీసింది. ఇందులో సరయు- ఓ రౌడీ గ్యాంగ్ లీడర్గా కనిపిస్తారు. గణపతి బొప్పా మోరియా అని రాసివున్న కాషాయరంగ రిబ్బన్ను తలకు ధరించి- రౌడీల్లాగా ప్రవర్తిస్తుంటారు. విశ్వహిందు పరిషత్, భజరంగ్ దళ్ కార్యకర్తలను అనుకరించేలా- ప్రేమికులకు ఎక్కడికక్కడ పెళ్లిళ్లు చేస్తూ ఈ ఎపిసోడ్లో నటించారు. ఇది కాస్తా వివాదాస్పదమైంది.
తమను రౌడీల్లా చిత్రీకరించడాన్ని వీహెచ్పీ కార్యకర్తలు తప్పుపట్టారు. దీనిపై వారు సిరిసిల్లలో పోలీసులకు ఫిర్యాదు చేశారు. తొలుత సిరిసిల్ల పోలీసులు సరయుపై కేసు నమోదు చేశారు. అనంతరం దీన్ని బంజారాహిల్స్ పోలీస్ స్టేషన్కు బదలాయించారు. ఈ ఫిర్యాదు మేరకు పోలీసులు సరయును అరెస్ట్ చేశారు. బంజారాహిల్స్ పోలీస్ స్టేషన్కు తరలించారు. ఈ ఎపిసోడ్ రచయిత, దర్శకుడు శ్రీకాంత్ రెడ్డిపై కూడా వీహెచ్పీ నాయకులు ఫిర్యాదు చేసినట్లు తెలుస్తోంది.
-
IPL ప్రారంభం వేళ వారికి సజ్జనార్ హెచ్చరికలు..!! -
తెలంగాణాకు వరుణ సందేశం.. ఈ జిల్లాలలో వర్షాలు.. ఎల్లో అలెర్ట్! -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఈ సినిమా చూస్తే ఈఎంఐల జోలికే పోరు సామి! -
వంట గ్యాస్ బుక్ చేసినా రావటం లేదా, ఇలా చేయండి.. వెంటనే..!! -
ఆసియాలోనే అతిపెద్ద, ప్రపంచంలో నాలుగో అతిపెద్ద విమానాశ్రయాన్ని ప్రారంభించనున్న ప్రధాని మోదీ -
తెలంగాణలో కొత్త అసెంబ్లీ సీట్లు ఇవే, కలిసొచ్చేది ఆ పార్టీకే- అసలు లెక్క..!! -
భారీగా బీర్ల ధరలు పెంపు, ఏ బ్రాండ్ ఎంత.!! -
పద్మవ్యూహంలోకి ట్రంప్ ? ఇరాన్ లో భూతల దాడి నరకమేనా ? -
పెట్రోల్, డీజిల్ ధరలు తగ్గింపు - కేంద్రం అనూహ్య నిర్ణయం, వంట గ్యాస్ రేట్లూ ఇక..!! -
బంగారం ధరల్లో అనూహ్యం- భారీగా రీబౌండ్ -
రామ్చరణ్ ‘పెద్ది’ గ్లింప్స్ పై రివ్యూ
Click it and Unblock the Notifications
Sign in with Google