Hyderabad Leopard: హైదరాబాద్‍లో చిరుత సంచారం.. ఆందోళనలో ప్రజలు..!

చిరుత పులులు అంటే ఎక్కడో అడవిలో ఉంటాయని అనుకుంటాం. కానీ ఇప్పుడు ఆ చిరుత పులులు పట్నంలో కూడా కనిపిస్తున్నాయి. తాజాగా ఓ చిరుత పులి హైదరాబాద్ లోని ఎల్బీనగర్ పరిసర ప్రాంతాల్లో సంచరించినట్లు తెలుస్తోంది. దీంతో స్థానికంగా ఉన్న ప్రజలు భయాందోళనకు గురవుతున్నారు. గురువారం అర్ధరాత్రి వనస్థలిపురంలోని సాగర్ కాంప్లెక్స్ రోడ్ నంబర్ 6లో చిరుత సంచరించినట్లు స్థానికులు చెబుతున్నారు. ఓ ఇంటి ఆవరణలో రాత్రి 12 గంటల 30 నిమిషాలకు చిరుత సంచరించినట్లు యజమాని అఖిల్ చెప్పాడు.

వెంటనే డయల్ 100 ద్వారా పోలీసులకు సమాచారం అందించారు. సమాచారం అందుకున్న పోలీసులు వెంటనే అక్కడికి బయల్దేరారు. కానీ పోలీసులు వచ్చేలోపే చిరుత ఎరోనాటికల్ సంస్థ గోడ దూకి అడవిలోకి పారిపోయినట్లు అఖిల్ వివరించాడు. ఆ వెంటనే అక్కడి ఫారెస్ట్ అధికారులు చేరుకున్నారు. చిరుత అడుగులను పరిశీలించారు. చిరుత అడవిలోకి వెళ్లినట్లు అనుమానిస్తున్నారు. చిరుత సాధారణంగా 24 గంటల్లో 50 కిలోమీటర్ల వరకు ప్రయాణం చేయగలదని అటవీ శాఖ అధికారులు తెలిపారు.

ఈ లెక్కన చిరుత ఇబ్రహీంపట్నం అడవిలోకి వెళ్లినట్లు భావిస్తున్నారు. ఇబ్రహీంపట్నం అటవీ శాఖ అధికారులు అప్రమత్తమయ్యారు. చిరుత పులి కదలికలను గుర్తించేందుకు పలు చోట్ల కెమెరాలు కూడా అమర్చారు. అటవీ శాఖ అధికారులు బోన్లు కూడా సిద్ధం చేశారు. చిరుత కదలికలను బట్టి బోన్లు ఏర్పాటు చేయనున్నారు.చిరుత సంచారంతో ఎల్బీనగర్, ఇబ్రహీంపట్నం ప్రజలు భయాందోళనకు గురవుతున్నారు. చిరుత ఏ వైపు నుంచి వస్తుందోనని భయపడిపోతున్నారు.

మొన్నటి వరుక తిరుమలలో కూడా చిరుతలు భక్తులను భయపెట్టాయి. ఓ చిరుత రక్షిత అనే బాలిక పై దాడి చేసి చంపాయి. దీంతో టీటీడీ అధికారులు పలు చర్యలు తీసుకున్నారు. అటవీ శాఖ అధికారులు పలు చోట్లు బోన్లు ఏర్పాటు చేసి రెండు చిరుతలను బంధించారు. కొద్ది రోజుల క్రితం కరీంనగర్ లో ఓ ఎలుగుబంటి హల్ చల్ చేసింది. అటవీ శాఖ అధికారులు దానికి మత్తు మందు ఇచ్చి బంధించారు.

English summary

It seems that a cheetah has roamed around the LB Nagar area of Hyderabad. Due to this, the local people are panicking.