గురిచూసి కొట్టు.. విజయం పట్టు.. కేటీఆర్ ఫోటో వైరల్

హైదరాబాద్‌ : టీఆర్ఎస్ యంగ్ లీడర్ కేటీఆర్ ట్విటర్ వేదికగా పెట్టిన ఓ ఫోటో వైరల్ గా మారింది. తుపాకీ చేతబట్టి గురిచూసి కొడుతున్నట్లుగా ఉన్న ఆ ఫోటో.. ఎన్నికల ఫలితాల వేళ ప్రాధాన్యత సంతరించుకుంది. ఇప్పటికే వేల సంఖ్యలో లైకులు, రీట్వీట్లు రావడం విశేషం. కేటీఆర్ గురిచూసి కొడుతున్నారు.. గెలుపు టీఆర్ఎస్ దే అంటూ నెటిజన్లు కామెంట్స్ పెడుతున్నారు. ఈ ఎన్నికల్లో కూడా తిరిగి టీఆర్ఎస్ అధికారంలోకి రావాలని ఆకాంక్షిస్తున్నారు.

తెలంగాణ అసెంబ్లీ ఎన్నికల ఫలితాలపై ప్రముఖుల ట్వీట్లు ఆసక్తి కలిగిస్తున్నాయి. కేటీఆర్ ఫోటోపై సినిమా రచయిత, నిర్మాత కోన వెంకట్ ట్వీట్ చేశారు. ఈ ఒక్కటి చాలు బ్రదర్, ఫలితాలు ఎలా వస్తాయో చెప్పడానికి, శుభాకాంక్షలు అంటూ పోస్ట్ పెట్టారు. అటు దర్శకుడు హరీశ్ శంకర్ కూడా స్పందించారు.

ఈ ఫోటో ఆత్మవిశ్వాసానికి కొత్త అర్థం చెబుతోందంటూ ట్వీట్ చేశారు. అంతేకాదు కౌంటింగ్ సరళి ఏ పార్టీకి అనుకూలమనేది 11.00 - 11.30 సమయంలో తెలుస్తుంది. కానీ అంతకుముందుగానే తేలిపోవడం "ప్రజాస్వామ్య పవర్" కు నిదర్శనమని వ్యాఖ్యానించారు.

English summary

A photo of TRS Young Leader KTR Tweet was turned into viral. The photo that was aimed at the gun was the moment of the election results. There are thousands of likes and retweets already available.