Weather Report: హైదరాబాద్ వాసులకు అలర్ట్.. రెండు రోజులు వానలే..

హైదరాబాద్ లో వచ్చే రెండు రోజులు పాటు తేలికపాటి నుంచి మోస్తరు వర్షాలు కురిసే అవకాశం ఉందని భారత వాతావరణ శాఖ-హైదరాబాద్ (IMD-H) తెలిపింది. గురు మరియు శుక్రవారాల్లో ఉరుములతో కూడిన జల్లులు పడే అవకాశం ఉందని పేర్కొంది. రాష్ట్రంలో వర్షాల కారణంగా గరిష్ట ఉష్ణోగ్రతలు చాలా జిల్లాల్లో సాధారణం కంటే 3 నుంచి 5 డిగ్రీల సెల్సియస్ తక్కువగా నమోదయ్యాయిని తెలిపింది.కానీ రాబోయే మూడు రోజులు ఆంధ్రప్రదేశ్ లో వర్షాలు కురుస్తాయని ప్రకటించింది.

హైదరాబాద్ లో భారీ వర్షాలు కురిసే అవకాశాలను తక్కువని.. వారం తర్వాత వాతావరణం సాధారణంగా మారిపోతుందని తెలిపింది. సోమవారం, రాష్ట్రంలోని కొన్ని ప్రాంతాలలో భారీ వర్షాలు కురిసే అవకాశం ఉందని హెచ్చరించింది. ఆదిలాబాద్‌, కొమరంభీం ఆసిఫాబాద్‌, మంచిర్యాల, నిర్మల్‌, నిజామాబాద్‌, జగిత్యాల, కరీంనగర్‌, పెద్దపల్లి, జయశంకర్‌ భూపాలపల్లి, నల్గొండ, సూర్యాపేట, మహబూబ్‌నగర్‌, నాగర్‌కర్నూల్‌, వనపర్తి, నారాయణపేట, జోగుళాంబ గద్వాల్‌ జిల్లాల్లో వర్షాలు పడే అవకాశం ఉందని ఐఎండీ అంచనా వేసింది.

"తెలంగాణలోని అనేక జిల్లాల్లోని ఉరుములు, మెరుపులు గంటకు 40 నుంచి 50 కిలోమీటర్ల వేగంతో గాలులతో నా పడే అవకాశం ఉంది" అని వాతావరణ శాఖ పేర్కొంది. తెలంగాణ స్టేట్ డెవలప్‌మెంట్ ప్లానింగ్ సొసైటీ రోజువారీ నివేదిక ప్రకారం గరిష్ఠ ఉష్ణోగ్రతలు 35 డిగ్రీల నుంచి 38 డిగ్రీల సెల్సియస్‌లో, కనిష్ట ఉష్ణోగ్రతలు 22 డిగ్రీల నుంచి 25 డిగ్రీల సెల్సియస్‌లో నమోదయ్యే అవకాశం ఉందని తెలిపింది.

తెలంగాణలో గత 24 గంటల్లో జనగాం 123.5 మి.మీ వర్షపాతం నమోదు కాగా.. యాదాద్రిలోని భోంగిర్‌లో అత్యల్పంగా 119.5 మి.మీ నమోదైంది.గ్రేటర్ హైదరాబాద్ మునిసిపల్ కార్పొరేషన్ (GHMC) పరిధిలోని జోన్‌లకు సంబంధించి, షేక్‌పేటలో అత్యధిక వర్షపాతం 106 మి.మీ, ఖాజాగూడ 96.8 మి.మీ, రామంతపూర్ 82 మి.మీ, ఆనంద్‌బాగ్ 81.3 మి.మీ, శ్రీనగర్ కాలనీ 80 మి.మీ వర్షపాతం నమోదయింది.

జీహెచ్‌ఎంసీ జోన్లలో గరిష్ట ఉష్ణోగ్రతలు 33 డిగ్రీల నుంచి 35 డిగ్రీల సెల్సియస్‌గా, కనిష్ట ఉష్ణోగ్రతలు 22 డిగ్రీల నుంచి 24 డిగ్రీల సెల్సియస్‌గా నమోదయ్యే అవకాశం ఉందని టీఎస్‌డీపీఎస్ నివేదిక తెలిపింది.

హైదరాబాద్‌లో ఆదివారం కురిసిన భారీ వర్షాలకు నష్టం వాటిల్లింది. గ్రేటర్ హైదరాబాద్ మున్సిపల్ కార్పొరేషన్ డిజాస్టర్ రెస్పాన్స్ ఫోర్స్ (DRF) సిటీ నాలాస్ నుంచి 19 బైక్‌లను కొట్టుకుపోకుండా అడ్డుకుంది. వర్షాల కారణంగా డీఆర్ఎఫ్ బృందానికి 59 ఫిర్యాదులు వచ్చాయి. నీరు నిలిచిపోవడంపై 15, ట్రాఫిక్‌కు అంతరాయం కలిగిస్తున్న చెట్ల కొమ్మలు, నేలకూలినవి 25, నాలాలో కొట్టుకుపోయిన వాహనాలపై 19 ఫిర్యాదులు అందాయి.

English summary

The India Meteorological Department-Hyderabad (IMD-H) has predicted light to moderate rains in Hyderabad for the next two days. Thunderstorms are likely on Thursday and Friday, it said.