ఇద్దరి మధ్యా కెమిస్ట్రీ అదిరింది!

రెండు తెలుగు రాష్ట్రాల్లో కరోనా అనే పేరు తర్వాత ఎక్కువగా ప్రజల నోళ్లలో నానిన పేర్లు ఏమైనా ఉన్నాయా? అంటే నరేష్, పవిత్రా లోకేష్. ఈ రెండు పేర్లు ఏపీ, తెలంగాణతోపాటు కర్ణాటకలో కూడా మార్మోగాయి. కొద్దిరోజుల క్రితం నటుడు నరేష్ పవిత్రా లోకేష్ ను పెళ్లి చేసుకున్న వీడియో ఒకటి ట్రెండింగ్ లో నిలిచింది. స్నేహితులు, సన్నిహితుల మధ్య నరేష్, పవిత్రా లోకేష్ వివాహం చేసుకున్నారని అందరూ అనుకున్నారు. కానీ అదంతా నిజమైన పెళ్లి కాదని, అది సినిమాలో పెళ్లికి సంబంధించిన వీడియో అని స్పష్టత వచ్చింది.

ఒక పవిత్ర బంధం, రెండు మనసులు, మూడు ముళ్లు, ఏడు అడుగులు, మీ ఆశీస్సులు కోరుకుంటూ పవిత్రానరేష్ అని చెబుతూ కొద్దిరోజుల క్రితం నరేష్ ట్వీట్ చేశాడు. దీంతో అందరూ నిజంగానే వీరిద్దరూ వివాహం చేసుకున్నారని భావించారు. దీనిపై నరేష్ ను మీడియా వివరణ కోరగా సమయం వచ్చినప్పుడు చెబుతానంటూ మాట దాటేశారు. అయితే అదంతా సినిమా పెళ్లి అని అర్థమైంది.

A beautiful project to celebrate the glorious 50th anniversary of #VijayakrishnaMovies🤩

Here’s the 1st Look of my next #MalliPelli ❤️
Telugu - https://t.co/evdIERyqDm

Dir by @MSRajuOfficial

Co starring #PavitraLokesh 😍

Summer 2023 Release!@VKMovies_ pic.twitter.com/vnYic52UdW

— H.E Dr Naresh VK actor (@ItsActorNaresh) March 24, 2023

ఎంఎస్ ఎంఎస్ రాజు దర్శకత్వంలో నరేష్ 'మళ్లీ పెళ్లి' అనే సినిమాను నిర్మించారు. దానికి సంబంధించిన ప్రొమోను విడుదల చేశారు. ముందుగా ఈ సినిమాకు 'సెకండ్ ఇన్నింగ్స్' అనే టైటిల్ అనుకున్నారు. కానీ మళ్లీ పెళ్లి అనే టైటిల్ పెట్టేశారు. ఈ సినిమాను నరేష్ స్వయంగా నిర్మించారు.

ఈ సినిమాకు సంబంధించి నరేష్ అనుసరించిన స్ట్రాటజీ సూపర్ అంటూ అందరూ మాట్లాడుకుంటున్నారు. ఎటువంటి స్టార్లు లేకపోవడంతో సినిమాను ప్రమోట్ చేసుకోవడానికి అందులో వీరిద్దరి పెళ్లికి సంబంధించిన వీడియోను బయటకు వదిలారని అర్థమైంది. ఈ సినిమాను పాన్ ఇండిస్థాయిలో తెలుగు, కన్నడంతోపాటు మరికొన్ని భాషల్లో విడుదల చేయబోతున్నారు.

శరత్ బాబు, జయసుధ, అనన్య నాగళ్ల తదితరులు ముఖ్యపాత్రలు పోషించారు. నరేష్, పవిత్రా లోకేష్ వివాహం చేసుకోవడానికి లీగల్ గా కొన్ని ఇబ్బందులున్నాయి. దీంతో ప్రస్తుత వారిద్దరూ సహజీవనం చేస్తున్నారు. వయసు మళ్లిన తర్వాత రెండో వివాహం అవసరం గురించి చర్చిస్తూ 'మళ్లీ పెళ్లి' సినిమాను నిర్మించారు.

English summary

Are there any names that are more popular after the name Corona in the two Telugu states?That means Naresh and Pavitra Lokesh.