వావ్.. సజ్జనార్, ఇప్పుడు ఆర్ఆర్ఆర్ అంటే ఇదే.. జెండాపై ఆర్టీసీ ముద్ర

Published: Tuesday, March 15, 2022, 22:58 [IST]

సజ్జనార్.. ఆర్టీసీకి ఓ వెలుగు తీసుకొచ్చారు. ప్రమోషన్స్, ప్రచాంతో హైప్ తెచ్చారు. అంతేకాదు సమస్య ఉందని తెలిస్తే వెంటనే పరిష్కారం చేస్తున్నారు. అలా తెలంగాణ ఆర్టీసీ పేరు మారుమోగుతుంది. అలాగే సజ్జనార్ ట్రెండ్‌కి తగినట్టు నడుచుకుంటున్నారు. ముఖ్యంగా సోషల్ మీడియాలో చాలా యాక్టివ్‌గా ఉంటారు. రీసెంట్‌గా వస్తోన్న మూవీలతో సంస్థను ప్రమోట్ చేస్తున్నారు.

తగ్గేదేలే..

టిఎస్ఆర్టీసీ ఎండీ సజ్జనార్ పబ్లిసిటీ విషయంలో తగ్గడం లేదు. పాపులర్ అయిన సినిమా పోస్టర్ ఏది విడుదలైనా.. దానిని టిఎస్ఆర్టీసీ పేరుతో ప్రచారానికి వాడుకుంటున్నారు. 'ఆర్ఆర్ఆర్' అర్థమే మార్చేశారు. 'ఆర్ఆర్ఆర్' అంటే 'రాష్ట్ర రోడ్డు రవాణా' అంటూ కొత్త అర్థాన్ని చెప్పారు. తాజాగా విడుదలైన 'ఆర్ఆర్ఆర్' చిత్రంలోని 'నెత్తురు మరిగితే ఎత్తర జెండా' సాంగ్‌ని కూడా ఆయన ప్రచారానికి వాడేశారు.

వందేమాతరం స్థానంలో

రామ్ చరణ్, జూనియర్ ఎన్టీఆర్ జెండా పట్టుకుని పాడుతున్న పాటలో జెండాపై మాములుగా 'వందేమాతరం' అని ఉంటుంది. కానీ దానిని సమూలంగా మార్చివేశారు. ట్విట్టర్‌లో విడుదల చేసిన వీడియోలో తన క్రియేటివిటీని ప్రదర్శించారు. చరణ్, తారక్ పట్టుకున్న జెండాపై.. తెలంగాణ రాష్ట్ర రోడ్డు రవాణా సంస్థకు సంబంధించిన అక్షరాలతో పాటు లోగోని, బస్సుని పెట్టి రెపరెపలాడించారు.

వావ్.. అంటోన్న జనం

దానిని చూసిన నెటిజన్లు.. సజ్జనార్ క్రియేటివిటీపై ప్రశంసల వర్షం కురిపిస్తున్నారు. ప్రస్తుతం సజ్జనార్ ట్వీట్ సోషల్ మీడియాలో వైరల్ అవుతోంది. ఒక్కొక్కరు ఒకలా కామెంట్ చేస్తున్నారు. వావ్ అంటూ ప్రశంసలు కురిపిస్తున్నారు. ఆర్టీసీని ఉన్నత శిఖరాలకు తీసుకెళతారు అని కామెంట్ చేస్తున్నారు. వాస్తవానికి ఇప్పటికే ఆర్టీసీలో సమూల మార్పులు జరిగాయి. దర్శకధీరుడు రాజమౌళి తెరకెక్కించిన 'ఆర్ఆర్ఆర్' చిత్రం మార్చి 25వ తేదీన ప్రపంచవ్యాప్తంగా విడుదల కానుంది.

వెంటనే రియాక్ట్

ఇంతకుముందు చాలా సమస్యలను సజ్జనార్ పరిష్కరించారు. ట్వీట్ చేస్తే చాలు వెంటనే రియాక్ట్ అయ్యారు. ఆర్టీసీ ఆర్డీనరీ బస్సు వెళ్లని.. చాలా చోట్లకు సజ్జనార్ వల్ల సర్వీస్ ఇస్తోంది. సంస్థాగతంగా మార్పులు.. కొలువుల భర్తీ చేయడం చేస్తున్నారు. ఒక్కో అంశాన్ని తీసుకొని.. పరిష్కరిస్తూ వస్తున్నారు. ఇప్పటివరకు అయితే అన్నీ సమస్యలను సాల్వ్ చేశారు సజ్జనార్.

Published On March 15, 2022