నిఖత్ జరీనాకు భారీ నజరానా: రూ. 20 కోట్ల భూమి, డీఎస్పీ ఉద్యోగం!
ప్రపంచ మహిళా బాక్సింగ్లో గోల్డ్ మెడల్ సాధించిన తెలంగాణ ముద్దు బిడ్డ నిఖత్ జరీన్కు రాష్ట్ర ప్రభుత్వం భారీ నజరానా ప్రకటించింది.
హైదరాబాద్: ప్రపంచ మహిళా బాక్సింగ్లో గోల్డ్ మెడల్ సాధించిన తెలంగాణ ముద్దు బిడ్డ నిఖత్ జరీన్కు రాష్ట్ర ప్రభుత్వం భారీ నజరానా ప్రకటించింది. బాక్సర్ నిఖత్ జరీన్కు జూబ్లీహిల్స్లో 600 గజాల స్థలాన్ని తెలంగాణ రాష్ట్ర ప్రభుత్వం ఇచ్చింది.తెలంగాణ క్రీడా శాఖ తరపున ఇంటి స్థలం పట్టాను రవీంద్ర భారతిలోని మంత్రి కార్యాలయంలో.. నిఖత్ జరీన్ తండ్రి మహ్మద్ జమిల్ అహ్మద్కు రాష్ట్ర క్రీడా మంత్రి శ్రీనివాస్ గౌడ్ అందజేశారు.
జూబ్లీహిల్స్లో ఇచ్చిన 600 గజాల స్థలం విలువ రూ. 15 కోట్ల నుంచి రూ. 20 కోట్ల వరకు ఉంటుందని మంత్రి శ్రీనివాస్ గౌడ్ తెలిపారు. ఇక, నిఖత్ జరీన్ కోరిక మేరకు త్వరలో ఆమెకు గ్రూప్-1 కేడర్ కింద డీఎస్పీ ఉద్యోగం కూడా ఇవ్వనున్నట్లు తెలిపారు. క్రీడాకారులను ప్రోత్సహించాలనే ఉద్దేశంతో నిషా సింగ్ కు కూడా రూ. 2 కోట్ల నగదు, 600 గజాల స్థలం ఇచ్చినట్లు మంత్రి తెలిపారు.
నిజామాబాద్ జిల్లాకు చెందిన నిఖత్ జరీన్.. సామాన్య కుటుంబం నుంచి వచ్చి.. ప్రపంచ ఛాంపియన్గా నిలిచిందని మంత్రి శ్రీనివాస్ గౌడ్ కొనియాడారు. తెలంగాణ ఖ్యాతిని ప్రపంచ స్థాయికి తీసుకెళ్లిందని వ్యాఖ్యానించారు. క్రీడలను, క్రీడాకారులను ప్రోత్సహించేందుకు తెలంగాణ ప్రభుత్వం చర్యలు తీసుకుంటోందన్నారు.
తెలంగాణ రాష్ట్ర ఖ్యాతిని అంతర్జాతీయ స్థాయిలో చాటిన ప్రముఖ బాక్సర్ నిక్కత్ జరీన్ కు రాష్ట్ర క్రీడా శాఖ తరపున జూబ్లీహిల్స్ లో 600 గజాల ఇంటి స్థలాన్ని కేటాయిస్తూ అందుకు సంబంధించిన పత్రాలను నిక్కత్ జరీన్ తండ్రి మహమ్మద్ జమీల్ అహ్మద్ కు అందజేయడం జరిగింది. @nikhat_zareen pic.twitter.com/JxfMENo74s
— V Srinivas Goud (@VSrinivasGoud) February 20, 2023
ప్రతి గ్రామంలో క్రీడా ప్రాంగణాలు, నియోజకవర్గంలో ట్రైనర్లను నియమిస్తున్నట్లు మంత్రి శ్రీనివాస్ గౌడ్ తెలిపారు. భవిష్యత్తులో ఎంతోమంది క్రీడాకారులను తయారు చేసేందుకు కొత్త క్రీడా పాలసీ తీసుకొస్తున్నట్లు చెప్పారు. తెలంగాణ రాష్ట్రం దేశానికే ఆదర్శంగా నిలవబోతోందన్నారు.
తమ కూతురు ప్రతిభను గుర్తించి కోట్ల రూపాయల విలువ చేసే స్థలం ఇచ్చినందుకు జరీన్ తండ్రి మహ్మద్ జమిల్ మంత్రికి కృతజ్ఞతలు తెలిపారు. తెలంగాణ సీఎం కేసీఆర్, మంత్రి శ్రీనివాస్ గౌడ్ ఎంతో ప్రోత్సాహం ఇవ్వడం వల్ల తమ కుమార్తె క్రీడల్లో రాణిస్తున్నారని చెప్పారు.
-
IPL ప్రారంభం వేళ వారికి సజ్జనార్ హెచ్చరికలు..!! -
మూసీ తీరాన మహత్తరం -
హైదరాబాద్ లో దంచికొడుతున్న భారీ వర్షం.. -
తెలంగాణాకు వరుణ సందేశం.. ఈ జిల్లాలలో వర్షాలు.. ఎల్లో అలెర్ట్! -
ఏపీ, తెలంగాణాకు కార్మికులకు గండంగా ఇరాన్ ఇజ్రాయెల్ యుద్ధం! -
ఆసియాలోనే అతిపెద్ద, ప్రపంచంలో నాలుగో అతిపెద్ద విమానాశ్రయాన్ని ప్రారంభించనున్న ప్రధాని మోదీ -
వంట గ్యాస్ బుక్ చేసినా రావటం లేదా, ఇలా చేయండి.. వెంటనే..!! -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఈ సినిమా చూస్తే ఈఎంఐల జోలికే పోరు సామి! -
today rashiphalalu: మీనరాశిని వదిలిపెట్టని ముఖ్యగ్రహాలు.. వీరి పంట పండుతుంది! -
హైదరాబాద్ జూపార్క్ లో వింత జంతువు.. భారీగా తరలివస్తున్న పర్యటకులు -
మెగాస్టార్ కొత్త మూవీ షూటింగ్ షురూ.. క్లాప్ కొట్టిన పవన్ !!
Click it and Unblock the Notifications
Sign in with Google