Khairathabad Ganesh: వినాయక చవితికి సిద్ధమైన ఖైరతాబాద్ గణనాథుడు.. తుది దశకు చేరిన పనులు..

వినాయక చవితి అనగానే మనకు గుర్తొచ్చేది ఖైరతాబాద్ గణనాథుడు. తెలుగు రాష్ట్రాల్లో ఖైరతాబాద్ బడ గణేషుడికి ప్రత్యేక స్థానం ఉంది. నవరాత్రుల్లో ఈ గణపతిని వేల మంది దర్శించుకుంటారు. ఈ తొమ్మిది రోజులు హైదరాబాద్ ఖైరతాబాద్ లంబోదరుడు స్పెషల్ అట్రాక్షన్ గా నిలుస్తాడు. ఈ సారి ఖైరతాబాద్ విఘ్నేశ్వరుడు శ్రీదశ మహా విద్యా గణపతిగా దర్శనమివ్వనున్నాడు. ఇప్పటికే విగ్రహ తయారీ పూర్తయిందని.. సెప్టెంబర్ 18 వినాయక చవితి రోజున పూజలు ప్రారంభిస్తామని నిర్వహకులు తెలిపారు.

ఈసారి ఖైరతాబాద్ గణేషుడు 63 ఎత్తులో రూపుదిద్దుకున్నారు. గతేడాది 58 ఎత్తులో గణనాథుడు దర్శనమిచ్చాడు. ఈసారి పర్యవరణాన్ని దృష్టిలో ఉంచుకుని పూర్తిగా మట్టితో విఘ్నేశ్వరుడిని తయారు చేశారు. ప్రస్తుతం గణనాథుడిని రంగులతో తీర్చిదిద్దుతున్నారు. కాగా ఖైరతాబాద్ లో ఎప్పటి నుంచి లంబోదరుడి విగ్రహం ప్రతిష్టిస్తూ వస్తున్నారు. గత 69 ఏళ్లుగా ఖైరతాబాద్ లో వినాయక విగ్రహం పెడుతూ వస్తున్నారు. వచ్చే ఇది 70 సంవత్సరాలు పూర్తి చేసుకుంటుందని ఖైరతాబాద్ గణేష్ ఉత్సవ కమిటీ పేర్కొంది.

నవరాత్రుల సందర్భంగా ఇక్కడికి భారీగా భక్తులు తరలివస్తారు. ఈ నేపథ్యంలో భక్తులు ఎలాంటి ఇబ్బంది కలగకుండా జీహెచ్ఎంసీ అధికారులు, పోలీసులు అధికారులు సమన్వయం చేసుకుంటున్నారు. ప్రతి షిఫ్ట్ లో పోలీసులతో పాటు 200 మంది వాలంటీర్లు ఉండనున్నారు. ఇక్కడ రెండు నెలలు ముందుగానే విగ్రహ తయారి ప్రారంభిస్తారు. వివిధ రాష్ట్రాలకు చెందిన కళాకారులు గణేషుడి తయారిలో పాలుపంచుకుంటారు. ఈ సారి విగ్రహాన్ని హైదరాబాద్ కు చెందిన సి రాజేంద్ర, నమూనా ఫ్రింట్ పనులను నల్లవాగుల శరత్ చేశారు. ఈయన గత 30 సంవత్సరాలుగా పని చేస్తున్నారు.

ఖైరతాబాద్ నవరాత్రుల దృష్ట్యా హైదరాబాద్ మెట్రో కీలక నిర్ణయం తీసుకుంది. గణపతి నవరాత్రుల సందర్భంగా మెట్రో రైళ్లను అర్ధరాత్రి ఒంటి గంట వరకు నడపనున్నట్లు ప్రకటించింది. ఖైరతాబాద్ గణపతిని దర్శించుకునే భక్తుల కోసం మెట్రో రైలు సర్వీస్ సమయం పొడిగించినట్లు హైదరాబాద్ మెట్రో ఎండీ ఎన్వీఎస్ రెడ్డి తెలిపారు. అలాగే ఖైరతాబాద్ స్టేషన్ లో అదనపు టికెట్ కౌంటర్లను ఓపెన్ చేస్తామని చెప్పారు. ఖైరతాబాద్ మెట్రో స్టేషన్ దగ్గర అదనపు భద్రతను ఏర్పాటు చేస్తామని అన్నారు.

English summary

As Vinayaka Chaviti, we remember Khairatabad Ganasatha. Khairatabad Bad Ganesha has a special place in Telugu states. Thousands of people visit this Ganapati during Navratri.