Chirajeevi: మెగాస్టార్ చిరంజీవిని కలిసిన కేంద్ర మంత్రి.. ఎందుకంటే..!

ఆదివారం మెగాస్టార్ చిరంజీవిని కేంద్ర సమాచార, క్రీడా శాఖ మంత్రి అనురాగ్ ఠాకూర్ కలిశారు.

కేంద్ర సమాచార, క్రీడా శాఖ మంత్రి అనురాగ్ ఠాకూర్ ఆదివారం హైదరాబాద్ లో పర్యటించారు. ఆయన ఈ పర్యటనలో భాగంగా మెగాస్టార్ చిరంజీవి, హీరో అక్కినేని నాగార్జున, నిర్మాత అల్లు అర్వింద్ ను కలిశారు. ఆదివారం అనురాగ్ ఠాకూర్ చిరంజీవి నివాసానికి వెళ్లారు. అక్కడ చిరంజీవి, నాగార్జున, అర్వింద్ తో చర్చించారు.

సినీ పరిశ్రమకు సంబంధించిన పలు అంశాలు వారి మధ్య చర్చకు వచ్చాయి. ఇందుకు సంబంధించిన ఫొటోలను చిరంజీవి సోమవారం ఉదయం ట్విటర్‌లో పోస్ట్‌ చేశారు. హైదరాబాద్‌ పర్యటనలో భాగంగా మీరు మమ్మల్ని కలవడం చాలా ఆనందంగా ఉందని చిరు తన ట్విట్టర్ లో తెలిపారు. ఇండియన్ సినీ ఇండస్ట్రీ సాధిస్తున్న పురోగతి గురించి నాగార్జునతో కలిసి మీతో చర్చించడం సంతోషంగా ఉందన్నారు.

తమ కోసం సమయం కేటాయించినందుకు మంత్రి అనురాగ్ ఠాకూర్ కు చిరు ధన్యవాదాలు తెలిపారు. "ప్రియమైన అనురాగ్ ఠాగుర్ కు ధన్యవాదాలు. నిన్న మీ హైదరాబాద్ పర్యటనలో నా దగ్గరికి రావడానికి సమయం కేటాయించినందుకు. నా సోదరుడితో నాగార్జునతో కలిసి భారతీయ చలనచిత్ర పరిశ్రమ మరియు అది వేగవంతమైన పురోగతి గురించి! చర్చించడం నచ్చింది" అని చిరు ట్వీట్ చేశారు.

అయితే అనురాగ్ ఠాకూర్ చిరంజీవిని కలవడం పట్ల పలు ఊహగానాలు వస్తున్నాయి. బీజేపీతో కలిసి పని చేయడానికి చిరును ఆహ్వానించినట్లు ప్రచారం జరుగుతుంది. అయితే ఇవి కేవలం పుకార్లుగానే తెలుస్తోంది.

Thank you dear Sri @ianuragthakur for making time to drop by at my place on your visit to Hyderabad yesterday.

Loved the delightful discussion we had along with my brother @iamnagarjuna
about the Indian Film Industry and the rapid strides it is making! pic.twitter.com/Bm6bjvHT39

— Chiranjeevi Konidela (@KChiruTweets) February 27, 2023

English summary

Union Information and Sports Minister Anurag Thakur visited Hyderabad on Sunday. He met Megastar Chiranjeevi, Hero Akkineni Nagarjuna and Producer Allu Arvind as part of this trip.