వందేమాతరం: ఇమ్రాన్‌ యుద్ధం గురించి మాట్లాడారు..మోడీ అభివృద్ధి గురించి మాట్లాడారు

దేశవ్యాప్తంగా 73వ స్వాతంత్ర్య దినోత్సవ శోభ కనిపిస్తోంది. ప్రధాని నరేంద్ర మోడీ ఎర్రకోటపై త్రివర్ణ పతాకాన్ని ఎగురువేశారు. అనంతరం ఆయన ప్రసంగించారు. అధికారంలోకి వచ్చి 10వారాలు అయ్యిందని ... ఇంత తక్కువ సమయంలో అన్ని రంగాల్లో కీలక నిర్ణయాలు తీసుకున్నట్లు తెలిపారు. జమ్మూ కశ్మీర్‌లో ఆర్టికల్ 370 రద్దు, 35A ఆర్టికల్ రద్దు చేసి సర్దార్ వల్లాభాయ్ పటేల్ కలను సాకారం చేశామని చెప్పారు. ఇక ఈ సారి స్వాతంత్ర్య వేడుకలు చాలా ప్రత్యేకంగా నిలవనున్నాయి. ఎందుకంటే ఈ మధ్యే జమ్మూ కశ్మీర్‌లో ఆర్టికల్ 370ని రద్దు చేసి ఆ రాష్ట్రాన్ని రెండు కేంద్రపాలిత ప్రాంతాలుగా కేంద్రం విభజించింది.

ఇక జమ్మూ కశ్మీర్‌లోని లాల్‌చౌక్‌లో కేంద్ర హోంశాఖ మంత్రి అమిత్ షా జెండా ఎగురవేస్తారని తెలుస్తోంది. అమిత్ షా పర్యటిస్తారనే వార్త బయటకు రావడంతో అక్కడ భారీగా బలగాలు మోహరించాయి. గట్టి భద్రతా ఏర్పాట్లను చేశారు. ఇప్పటికే ఉగ్రదాడులు జరుగుతాయన్న నిఘావర్గాల సమాచారంతో దేశవ్యాప్తంగా గట్టి భద్రతా ఏర్పాట్లు చేసింది కేంద్ర ప్రభుత్వం. ఇప్పటికే ఢిల్లీలోని ఎర్రకోట భద్రతా బలగాల చేతిలోకి వెళ్లిపోయింది. జెండా ఎగురవేసే పరిసర ప్రాంతాలన్నిటినీ భద్రతాబలగాలు క్షుణ్ణంగా తనిఖీలు నిర్వహించాయి.

పార్లమెంటు భవనాన్ని విద్యుద్దీపాలతో సుందరీకరించారు. జెండాఎగురవేసే కొన్ని గంటల ముందునుంచే దేశవ్యాప్తంగా సంబరాలు కనిపిస్తున్నాయి. ప్రధాని నరేంద్ర మోడీ ఉదయం 7:30 గంటలకు ఎర్రకోటపై జెండాను ఎగురవేశారు. ఈ కార్యక్రమంలో అన్ని పార్టీల నేతలు, కేంద్ర మంత్రులు, పలువురు వీఐపీలు పాల్గొన్నారు.

English summary

The nation is all set to celebrate its 73rd Independence day amid tight security. Prime Minister Modi will unfurl the national flag on Redfort at around 8am.Tight security arrangements were made in Jammu and Kashmir as the news is making rounds that Amit Shah would tour in Lal Chowk.