Arvind Kejriwal:యమునా నది నీటిని బహిరంగంగా తాగండి.. కేజ్రీవాల్ సవాల్
Arvind Kejriwal: ఢిల్లీకి సరఫరా చేస్తున్న యమునా నీటిలో అమ్మోనియా స్థాయిలు గణనీయంగా పెరిగాయని ఆప్ అధినేత అరవింద్ కేజ్రీవాల్ ఆరోపించారు. కాంగ్రెస్ ఎంపీ రాహుల్ గాంధీ, కేంద్ర హోంమంత్రి అమిత్ షా యమునా నీటిని బహిరంగంగా తాగాలని సవాల్ చేశారు. యమునా నదిని పొరుగున ఉన్న హర్యానాలోని బీజేపీ ప్రభుత్వం విషపూరితం చేస్తోందని కేజ్రీవాల్ పేర్కొన్నారు. ఢిల్లీ ఎన్నికలకు ముందు తన ఆరోపణలపై తీవ్ర వివాదం చెలరేగుతున్న నేపథ్యంలో.. ఢిల్లీలోని యమునా నీటిలో 7 పార్ట్స్ పర్ మిలియన్(PPM) స్థాయిలో అమ్మోనియా ప్రమాదకర స్థాయిలో ఉందని కేజ్రీవాల్ అన్నారు.
7పీపీఎం అమ్మోనియా విషంతో సమానమని ఆయన చెప్పారు. హర్యానాలోని బీజేపీ నేతృత్వంలోని ప్రభుత్వం యమునా నదిని కలుషితం చేస్తోందని, ఢిల్లీ వాసుల జీవితాలను ప్రమాదంలో పడేస్తోందని తన వ్యాఖ్యలను పునరుద్ఘాటించారు. ఢిల్లీ ముఖ్యమంత్రి అతిషి, మంత్రి సౌరభ్ భరద్వాజ్ కూడా విపక్ష నాయకులు యమునా నది నీరు తాగాలని కేజ్రీవాల్ వాదనలను ప్రతిధ్వనించారు. "అమిత్ షా, రాజీవ్ కుమార్, రాహుల్ గాంధీ, సందీప్ దీక్షిత్ లు యమునా నది నీటిని మీడియా ముందు తాగి చూపించండి. మీరు ఢిల్లీకి 7 పీపీఎం నీటిని పంపడంతో పాటు.. కేజ్రీవాల్ అబద్ధం చెబుతున్నారని చెబుతున్నారు" అని కేజ్రీవాల్ సవాల్ విసిరారు.
బీజేపీ పాలించే హర్యానాపై చేసిన ఆరోపణ గురించి కేజ్రీవాల్ ను ప్రశ్నించగా.. "మరి ఎవరు బాధ్యత వహిస్తారు.. ఎందుకంటే పానిపట్ నుంచి ఢిల్లీకి నీరు వస్తుంది?"అని కేజ్రీవాల్ ఎదురుదాడి చేశారు. అటువంటి కలుషితమైన నీరు నీటి శుద్ధి కర్మాగారాలకు చేరితే క్లోరినేషన్ జరిగినప్పుడు అది చాలా ప్రాణాంతకం కావచ్చు అని కేజ్రీవాల్ అన్నారు.జల్ బోర్డు సీఈవో నుంచి వచ్చిన లేఖను ఆయన రుజువుగా ఉదహరించారు.
ఢిల్లీకి సరఫరా అవుతున్న యమునా నది నీటిలో అమ్మోనియా స్థాయిలు దాదాపు 3 పీపీఎం ఉన్నాయని.. కానీ జనవరి 21 తర్వాత అది 7 పీపీఎంకు పెరిగిందని కేజ్రీవాల్ పేర్కొన్నారు. ఢిల్లీలోని నీటి శుద్ధి కర్మాగారాల పనితీరుకు అంతరాయం కలిగించడానికి.. ఆప్ పై ప్రజల్లో ఆగ్రహాన్ని సృష్టించేందుకు ఇది కుట్ర ఆయన అని ఆయన అన్నారు. ఇటీవల ఢిల్లీలో జరిగిన ఎన్నికల ర్యాలీలో కేజ్రీవాల్ మొదట ఈ ఆరోపణలు చేశారు. ఆ తర్వాత వాటిని పునరుద్ఘాటిస్తూ వస్తున్నారు. ఈ వ్యాఖ్యలు బీజేపీ నుంచి తీవ్ర విమర్శలకు దారి తీశాయి. ఈ వ్యాఖ్యలపై స్పందించిన హర్యానా సీఎం నయాబ్ సింగ్ సైనీ కేజ్రీవాల్ పై కేసు పెడతానని హెచ్చరిస్తూ.. ఆయన ప్రజలకు క్షమాపణ చెప్పాలని డిమాండ్ చేశారు.
ప్రధాని నరేంద్ర మోడీ కేజ్రీవాల్ పై బుధవారం విరుచుకుపడ్డారు. ఇటువంటి వ్యాఖ్యలు దేశానికి అవమానం అని అన్నారు. తాను స్వయంగా యమునా నది నీటిని తాగుతానని ప్రధాని పేర్కొన్నారు. ఢిల్లీలో ఫిబ్రవరి 5న జరిగే అసెంబ్లీ ఎన్నికల్లో ప్రజలు తమ ఓటు హక్కును వినియోగించుకోనున్నారు. ఎన్నికలకు ముందు రాజకీయ చర్చలలో స్వచ్ఛమైన నీటిని పొందడం కీలక అంశంగా మిగిలిపోయింది.
Click it and Unblock the Notifications
Sign in with Google