ఐదు రాష్ట్రాల అసెంబ్లీ ఎన్నికల్లో భాగంగా 2026 ఏప్రిల్ 9వ తేదీన మూడు రాష్ట్రాలకు పోలింగ్ జరగనుంది. అస్సాం, కేరళం, కేంద్రపాలిత ప్రాంతమైన పుదుచ్చేరిలకు ఎన్నికలు జరగనున్నాయి. ఉదయం 7 గంటలకు పోలింగ్ ప్రారంభం కానుంది. గత కొన్ని రోజులుగా అక్కడి అన్ని రాజకీయ పార్టీలు హోరాహోరీగా ప్రచారం చేశాయి. ఇక ఫైనల్‌గా ఆ రాష్ట్ర ప్రజల చేతిలో ఓటు అస్త్రం ఉంది. ఈ మూడు రాష్ట్రాల్లో పోలింగ్ సజావుగా సాగేందుకు ఎన్నికల సంఘం అన్ని చర్యలు తీసుకుంది. సమస్యాత్మక ప్రాంతాలను గుర్తించి అక్కడ భద్రత మరింత కట్టుదిట్టం చేసింది.

అస్సాం అసెంబ్లీకి మొత్తం 126 స్థానాలుండగా అన్ని స్థానాలకు ఒకే విడతలో పోలింగ్ జరుగుతుంది.ఇక అక్కడ ప్రధాన పోటీ ఎన్డీయే కాంగ్రెస్ కూటమిల మధ్యే ఉండనుంది. ఇక కేరళంలో ఎల్‌డీఎఫ్ వర్సెస్ యూడీఎఫ్‌గా పోటీ జరుగుతుంది. పినరయి విజయన్ గెలిచి వరుసగా మూడో సారి ముఖ్యమంత్రి అయ్యేందుకు వ్యూహాలు రచించగా..ఎలాగైనా సరే ఈసారి అధికారంలోకి రావాలని కాంగ్రెస్ నేతృత్వంలోని యూడీఎఫ్ ప్రయత్నిస్తోంది. కేరళం రాష్ట్ర అసెంబ్లీకి మొత్తం 140 స్థానాలున్నాయి. పుదుచ్చేరి 30 అసెంబ్లీ స్థానాలకు కూడా పోలింగ్ జరుగుతుంది. వీటితో పాటు కొన్ని చోట్ల ఉపఎన్నికలు కూడా జరుగుతున్నాయి. మూడు రాష్ట్రాల అసెంబ్లీకి సంబంధించి మినిట్-టు-మినిట్ లైవ్ అప్‌డేట్స్ మీకోసం

English summary

Assembly Elections 2026 LIVE: Polling underway in Assam, Kerala & Puducherry. Get minute-to-minute updates, voter turnout and key battles.