భార్యల రహస్యాలు చెప్పాలంటే ఇంత ఇవ్వాలి, ఫోన్ కాల్ డేటా, సీడీఆర్ సేల్, పక్కాప్లాన్ తో !

మొబైల్ కాల్ రికార్డులను (సీడీఆర్) అక్రమంగా సంపాదించి ప్రజల నుంచి భారీ మొత్తంలో డబ్బులు వసూలు చేసి ఆ సీడీఆర్ విక్రయిస్తున్న మూడు ప్రైవేట్ డిటెక్టివ్ ఏజెన్సీల యజమానులు, ఆ కంపెనీల ఉద్యోగులను బెంగళూరు సీసీబీ పోలీసులు అరెస్టు చేశారు. భార్యల మీద అనుమానం ఉన్న భర్తలకు, కుటుంబ గొడవలు పడేవారిని, మహిళల రహస్యాలు తెలుసుకోవాలనేకునే వారికి సీడీఆర్ కాల్ డేటా విక్రయించడం కలకలం రేపింది.

బెంగళూరులోని
కెంగేరి సబ్‌ సిటీ డైమండ్‌ స్ట్రీట్‌ నివాసి పురుషోత్తం, మారతహళ్లికి చెందిన జీకే తిప్పే స్వామి, భరత్‌నగర్‌కు చెందిన మహంతగౌడ పాటిల్‌, విజయనగరానికి చెందిన రేవంత్‌, దాసన్‌పూర్‌ అడక మారనహళ్లి నివాసి గురుపాదస్వామి, రాజశేఖర్‌, కొత్తనూరుకు చెందిన సతీష్‌కుమార్‌, జేసీ నగర్లోని కురుబరహల్లికి చెందిన వి.శ్రీనివాస్‌, మహారాష్ట్రలోని దత్తాత్రేయ గరుడకు చెందిన భరత్‌, ప్రసన్న అనే నిందితులను అరెస్టు చేశామని బెంగళూరు సీసీబీ పోలీసులు తెలిపారు.

నిందితుల నుంచి 43 మొబైల్ నంబర్ల సీడీఆర్ వివరాలు, కొన్ని డిజిటల్ వస్తువులను బెంగళూరు సీసీబీ పోలీసు అధికారులు స్వాధీనం చేసుకున్నారు. అక్రమ సీడీఆర్ ట్రేడ్ సమాచారం నేపథ్యంలో 'నగర్', 'ఎలిగెంట్' అనే డిటెక్టివ్ ఏజెన్సీలపై బెంగళూరు సీసీబీ అధికారులు వేర్వేరుగా దాడులు చేశారని బెంగళూరు సీనియర్ పోలీసు అధికారులు తెలిపారు.

సతీష్ బెంగళూరులోని ప్రశాంత్‌నగర్‌లో మహానగరి డిటెక్టివ్ అండ్ సెక్యూరిటీ సర్వీస్‌ను నడుపుతున్నాడు. పురుషోత్తం గోవిందరాజనగర్‌లోని ప్రధాన రహదారిలో రాజధాని కార్పొరేషన్ పేరుతో డిటెక్టివ్ ఏజెన్సీని నడుపుతున్నాడు.

బెంగళూరు నగరంలోని బసవేశ్వరనగర్‌లోని ఎల్‌ఐసీ కాలనీలో శ్రీనివాస్‌ ఏజెన్సీ నిర్వహిస్తున్నట్లు అధికారులు వివరించారు.

ఈ సీడీఆర్ రాకెట్‌లో మహారాష్ట్రలోని పూణెకు చెందిన ప్రసన్న కీలక పాత్ర పోషించాడని పోలీసు అధికారులు తెలిపారు. వీరి ద్వారా డిటెక్టివ్ ఏజెన్సీల యజమానులు సీడీఆర్‌లను పొందేవారని, ఈ చర్యకు స్థానికులు కూడా మద్దతు తెలిపారని, తమ ఏజెన్సీ ఉద్యోగుల ద్వారా డీల్ చేసి సేకరించిన ఒక్కొక్కరికి సీడీఆర్ వివరాలను రూ. 18 వేల నుంచి రూ.20 వేల వరకుకు విక్రయించేవారని పోలీసు అధికారులు తెలిపారు.

సీడీఆర్ రాకెట్ గురించి సమాచారం అందుకున్న బెంగళూరు సీసీబీ అధికారులు తమకు సీడీఆర్ కావాలంటూ కస్టమర్ల ముసుగులో డిటెక్టివ్ ఏజెన్సీలను ఆశ్రయించారు. ఆపై డబ్బుల ఒప్పందం కుదుర్చుకుని సతీష్, శ్రీనివాస్, పురుషోత్తం బృందం సీడీఆర్ ఇచ్చేందుకు అంగీకరించింది. ముందస్తు ఒప్పందం ప్రకారం, ఏజెన్సీలు పూణేలోని ప్రసన్న ద్వారా సేకరించిన సీడీఆర్ ను బెంగళూరు సీసీబీ పోలీసు బృందానికి అందించారు.

ఆ ఏజెన్సీలపై దాడులు చేసి యజమానులు, ఆ సంస్థల ఉద్యోగులను అరెస్టు చేసినట్లు పోలీసు అధికారులు తెలిపారు.

సీడీఆర్ రాకెట్ కర్ణాటక, మహారాష్ట్ర, ఆంధ్రప్రదేశ్ రాష్ట్రాల్లో విస్తరించి ఉన్నట్లు బెంగళూరు సీసీబీ పోలీసుల విచారణలో తేలింది. సీడీఆర్‌ల అక్రమ సేకరణలో కొందరు పోలీసుల పాత్ర ఉన్నట్లు అధికారులు అనుమానం వ్యక్తం చేస్తున్నారు. పోలీసుల సహకారం లేకుండా ఈ వ్యాపారం సాగదని సీనియర్ పోలీసు అధికారి ఒకరు అన్నారు.

గతంలో రాజధాని కార్పొరేషన్ ఏజెన్సీలో పనిచేస్తున్న సతీష్ ఇదే ఏడాది జనవరిలో అతను పని చేస్తున్న ఏజెన్సీని వదిలి మహానగర్ పేరుతో కొత్త డిటెక్టివ్ ఏజెన్సీని ప్రారంభించాడు. మహిళలపై వేధింపులకు పాల్పడ్డాడనే అభియోగంతో సతీష్ పై సుబ్రహ్మణ్యనగర్, బాగల్ గుంటే, సుబ్రహ్మణ్యపుర పోలీస్ స్టేషన్లలో కేసులు నమోదైనట్లు బెంగళూరు సీసీబీ అధికారులు తెలిపారు.

క్రిమినల్ కేసుల్లో నిందితుల మొబైల్ కాల్ రికార్డులను (సీడీఆర్) పొందేందుకు కేసులు దర్యాప్తు చేస్తున్న పోలీసు అధికారులకు అధికారం ఉంది.

ఈ సీడీఆర్ కాల్ డేటా పొందాలంటే సిటీల్లో డీసీపీలు, జిల్లాల్లో ఎస్పీ అనుమతి తీసుకోవాలి. అలాగే సీడీఆర్ సేకరించే ముందు పోలీసులు నేరంలో నిందితుల పాత్రపై సమాచారం సేకరించాలి. ఈ చట్టపరమైన ప్రక్రియ తర్వాత సీడీఆర్ దర్యాప్తు అధికారికి అందుబాటులో ఉంటుంది.

భార్యాల అక్రమ సంబంధాలపై అనుమానం ఉన్న భర్తలు, కుటుంబ కలహాల కేసుల్లో నిందితులు, వ్యాపార భాగస్వాములు, రౌడీలు కూడా సీడీఆర్ వివరాలు పొందినట్లు బెంగళూరు సీసీబీ పోలీసు అధికారులు అనుమానిస్తున్నారు. ప్రస్తుతం డిటెక్టివ్ ఏజెన్సీల వద్ద 43 మొబైల్ నంబర్ల సమాచారం దొరికిందని, వాటి నేపథ్య సమాచారాన్ని సేకరిస్తున్నామని సీసీబీ అధికారులు తెలిపారు.

English summary

Police officers arrest owners of detective agencies selling call data details, CDRs to others