రాహుల్ ది 'భారత్ తోడో యాత్ర'-బీజేపీ ఫైర్-రాహుల్ తో క్రైస్తవ మతగురువు వ్యాఖ్యలే నిదర్శనం..

భారత్ లో బీజేపీ సాగిస్తున్న విద్వేష రాజకీయాలకు నిరసనగా కాంగ్రెస్ ఎంపీ రాహుల్ గాంధీ చేపట్టిన భారత్ జోడో యాత్రపై అధికార పార్టీ విమర్శల దాడి సాగిస్తోంది. తమిళనాడులో రాహుల్ యాత్రలో భాగంగా ఓ క్రైస్తవ మతగురువు చెప్పిన మాటల్ని లక్ష్యంగా చేసుకుని బీజేపీ ఆయన్ను టార్గెట్ చేస్తోంది.

భారత్ జోడో యాత్రలో వివాదాస్పద క్రైస్తవ మతగురువు జార్జ్ పొన్నయ్యతో కాంగ్రెస్ ఎంపీ రాహుల్ గాంధీ సమావేశం కావడంపై బీజేపీ విమర్శలు మొదలుపెట్టింది. దీనిపై కాంగ్రెస్‌ కూడా తీవ్ర స్థాయిలో మండిపడుతోంది. వీడియోలో క్రైస్తవ గురువు "యేసు నిజమైన దేవుడు.. శక్తిలా కాదు " అంటున్న వీడియో వైరల్ అవుతోంది. దీంతో బీజేపీ విమర్శలు సాగిస్తోంది. రాహుల్ గాంధీ, జార్జ్ పొన్నయ్య టెట్-ఎ-టెట్ వీడియోను ట్విట్టర్‌లో షేర్ చేస్తూ బీజేపీ అధికార ప్రతినిధి షెహజాద్ పూనావాలా కాంగ్రెస్‌పై తీవ్ర స్థాయిలో విరుచుకుపడ్డారు.

రాహుల్ గాంధీని కలిసిన జార్జ్ పొన్నయ్య శక్తే కాదు ఇతర దేవుళ్లెవరూ లేరు ఏసు ఒక్కరే దేవుడు' అని చెప్పారు. ఈ వ్యక్తి హిందూ ద్వేషంతో ఇంతకు ముందు అరెస్టయ్యాడని బీజేపీ ఆరోపిస్తోంది. భారత మాత యొక్క మలినాలు మనల్ని కలుషితం చేయకూడదు కాబట్టి నేను బూట్లు ధరిస్తాను.' భారత్ టోడో చిహ్నాలతో భారత్ జోడో ? అంటూ పూనావాలా సెటైర్లు వేశారు. దీనిపై స్పందించిన కాంగ్రెస్.. ఉద్ధేశపూర్వకంగా ఈ వీడియోల బీజేపీని తిడుతూ ఆడియో మార్ఫింగ్ చేశారని పేర్కొంది. రాహుల్ గాంధీ నేతృత్వంలోని భారత్ జోడో యాత్ర విజయవంతమవుతుందని భయపడి కాషాయ పార్టీ "ద్వేషపూరిత కర్మాగారం" "అపచారం"లో మునిగిపోయిందని ఆరోపించింది.

"బీజేపీ ద్వేషపూరిత కర్మాగారం నుండి ఒక దారుణమైన ట్వీట్ హల్ చల్ చేస్తోంది. ఆడియోలో రికార్డయిన దానికి ఎలాంటి సంబంధం లేదు. భారత్ జోడో యాత్ర విజయవంతంగా ప్రారంభించిన తర్వాత ఇంత భారీ స్పందన వచ్చిన తర్వాత మరింత నిరాశాజనకంగా మారిన విలక్షణమైన బీజేపీ అల్లరి ఇది' అని కాంగ్రెస్ ఎంపీ జైరాం రమేష్ ట్వీట్ చేశారు.

English summary

bjp on today slams a priest's comments with rahul gandhi during his bharat jodo yatra.