ఛత్రపతి శివాజీ మహారాజ్ విగ్రహం ఇజ్రాయెల్లో.. మరాఠా వీరుడికి అంతర్జాతీయ గౌరవం
అంతర్జాతీయ వేదికపై భారతీయ సంస్కృతి, చారిత్రక వైభవానికి అరుదైన గౌరవం దక్కింది. వీరమరణం పొందిన మరాఠా సామ్రాజ్య స్థాపకుడు, చారిత్రక వీరుడు ఛత్రపతి శివాజీ మహారాజ్ గౌరవార్థం ఇజ్రాయెల్ దేశం ఒక అద్భుతమైన నిర్ణయాన్ని ప్రకటించింది. ఇజ్రాయెల్లోని ఒక ప్రధాన నగరంలో శివాజీ మహారాజ్ విగ్రహాన్ని ఏర్పాటు చేయనున్నట్లు ఆ దేశ ప్రభుత్వం అధికారికంగా వెల్లడించింది.
చారిత్రక నేపథ్యం మరియు ప్రాధాన్యత
మరాఠా యోధుడి విగ్రహాన్ని ఇజ్రాయెల్లో ప్రతిష్టించడం వెనుక బలమైన చారిత్రక కారణం ఉంది. మొదటి ప్రపంచ యుద్ధం సమయంలో, 1918లో జరిగిన చారిత్రాత్మక 'హైఫా యుద్ధం' లో భారతీయ సైనికులు ప్రదర్శించిన శౌర్య పరాక్రమాలకు గుర్తుగా ఈ నిర్ణయం తీసుకున్నారు. ఈ నిర్ణయం భారత్-ఇజ్రాయెల్ దేశాల మధ్య ఉన్న సుదీర్ఘ దౌత్య, చారిత్రక బంధాన్ని మరింత బలోపేతం చేయనుంది.
హైఫా నగరాన్ని విడిపించడంలో శివాజీ మహారాజ్ అనుసరించిన గెరిల్లా పోరాటం
అప్పట్లో ఒట్టోమన్ సామ్రాజ్యం ఆధీనంలో ఉన్న హైఫా నగరాన్ని విడిపించడంలో భారతీయ అశ్వికదళం ముఖ్యంగా జోధ్పూర్, మైసూర్, హైదరాబాద్ ల్యాన్సర్స్ అసాధారణ పోరాటాన్ని ప్రదర్శించింది. యుద్ధ వ్యూహాలలో శివాజీ మహారాజ్ అనుసరించిన గెరిల్లా పోరాట పద్ధతులు, సైనిక సూత్రాలు ఆనాటి భారతీయ సైనికులకు ఎంతో స్ఫూర్తినిచ్చాయి. అందుకే ఇజ్రాయెల్ ప్రభుత్వం ఈ నిర్ణయం తీసుకుని భారత పోరాట యోదునికి అరుదైన గౌరవం ఇచ్చింది.
అంతర్జాతీయ వేదికపై అరుదైన గౌరవం
ఇజ్రాయెల్ దేశంలో ఒక భారతీయ పాలకుడి విగ్రహాన్ని ప్రతిష్టించడం ఇదే మొదటిసారి కావడం విశేషం. ఈ మెగా ప్రాజెక్టు రెండు దేశాల సాంస్కృతిక బంధానికి ప్రతీకగా నిలవడమే కాకుండా, ప్రపంచవ్యాప్తంగా ఉన్న శివాజీ మహారాజ్ అభిమానులకు, భారతీయులకు గర్వకారణంగా మారింది. ఇజ్రాయెల్లోని ప్రముఖ నగరమైన హైఫా లేదా మరొక కీలక నగరంలో ఈ విగ్రహాన్ని ఏర్పాటు చేసేందుకు సన్నాహాలు జరుగుతున్నాయి.
చత్రపతి శివాజీ విగ్రహం పెట్టే నిర్ణయంపై సర్వత్రా హర్షం
ఈ నిర్ణయం పట్ల అంతర్జాతీయ స్థాయిలో ఉన్న ప్రవాస భారతీయులు హర్షం వ్యక్తం చేస్తున్నారు. మరోవైపు శివాజీ మహారాజ్ జీవిత విశేషాలను, ఆయన సాధించిన విజయాలను ఇజ్రాయెల్ ప్రజలకు పరిచయం చేయడమే ఈ నిర్ణయం వెనుక ఉన్న ముఖ్య ఉద్దేశమని స్పష్టంగా కనిపిస్తుంది. ఇదే విషయాన్ని ఇజ్రాయెల్ దేశ కాన్సుల్ జనరల్ యానివ్ రెవాచ్ కూడా వెల్లడించారు.
Click it and Unblock the Notifications
Sign in with Google