లే ఆఫ్స్ వేళ.. ఫ్రెషర్లకు కాగ్నిజెంట్ బంపరాఫర్..

ప్రస్తుతం ఆర్టిఫిషియల్ ఇంటెలిజెన్స్(ఏఐ) కారణంగా అనేకమంది ఉద్యోగాలు కోల్పోతున్నారు. ప్రముఖ సాఫ్ట్ వేర్ కంపెనీలు భారీగా లే ఆఫ్స్ ప్రకటిస్తున్నాయి. ఈ నేపథ్యంలో కాగ్నిజెంట్ సంస్థ ఫ్రెషర్స్ కు గుడ్ న్యూస్ చెప్పింది. 2026 సంవత్సరంలో సుమారు 24 వేల నుంచి 25 వేల మంది ఫ్రెషర్లను నియమించుకోనున్నట్లు తాజాగా వెల్లడించింది. ఈ నియామకాలు గతేడాదితో పోల్చితే దాదాపు 20 శాతం అధికం అని తెలుస్తోంది.

ఏఐ, డిజిటల్ సాంకేతికత కారణంగా ప్రస్తుతం అనేకమంది ఉద్యోగులు ఉద్యోగాలు కోల్పోతున్నారు. అమెజాన్, ఫేస్ బుక్, మెటా లాంటి సంస్థలు భారీగా లే ఆఫ్స్ ప్రకటిస్తున్నాయి. ఈ నేపథ్యంలో కాగ్నిజెంట్ సంస్థ ఫ్రెషర్లకు బంపర్ ఆఫర్ ప్రకటించింది. 2026లో సుమారు 24 వేల నుంచి 25 వేల మంది ఫ్రెషర్లను నియమించుకోనున్నట్లు సంస్థ పేర్కొంది.

ఇదే విషయంపై ఆ సంస్థ సీఈఓ రవి కుమార్ మాట్లాడుతూ.. ఆర్టిఫిషియల్ ఇంటెలిజెన్స్ (AI) కారణంగా ఉద్యోగాలు పోతాయన్న అపోహలు వీడాలని అన్నారు. ఏఐ టూల్స్ సాయంతో ఇప్పుడు కొత్తగా చేరే ఉద్యోగులు కూడా గతంలో అనుభవం ఉన్నవారు చేసే క్లిష్టమైన పనులను సులభంగా చేయగలుగుతున్నారని వివరించారు. ఈ టెక్నాలజీ వల్ల కంపెనీ ఉత్పాదకత పెరిగిందని.. అందుకే ఎక్కువ మంది యువతను తీసుకోవాలని నిర్ణయించినట్లు రవి కుమార్ పేర్కొన్నారు.

ఇక గతేడాది డిసెంబర్ త్రైమాసికంలో కాగ్నిజెంట్ సంస్థ.. తన నికర లాభంలో 18.7 శాతం వృద్ధిని సాధించింది. అలాగే ఆదాయం కూడా గతేడాదితో పోలిస్తే పెరిగింది. అలాగే గతేడాది 20 వేల మంది ఫ్రెషర్స్ ను నియమించుకోగా.. ఇప్పటికే 16 వేల మంది లైవ్ ప్రాజెక్టుల్లో పనిచేస్తున్నారని కంపెనీ సీఎఫ్ఓ జతిన్ దలాల్ పేర్కొన్నారు. ఇక మిగతా 4 వేల మంది ప్రస్తుతం శిక్షణ తీసుకుంటున్నారు.