కేజ్రీవాల్ సర్కారు యూటర్న్: సరి-బేసి విధానం నిలిపివేత

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    న్యూఢిల్లీ: ఢిల్లీలోని ఆమ్ ఆద్మీ సర్కారు సరి-బేసి విధానం అమలుపై వెనక్కి తగ్గింది. విపరీతంగా పెరిగిపోయిన కాలుష్య నివారణకు ప్రవేశపెట్టిన సరి-బేసి విధానాన్ని నిలిపివేస్తున్నట్లు ఢిల్లీ ప్రభుత్వం శనివారం పేర్కొంది. ఎన్‌జీటీ షరతుల వల్లే సరి-బేసి అమలు చేయడంలేదని పేర్కొంది.

    మహిళలను, టూవీలర్స్‌ను కూడా సరి బేసి విధానం కిందకు తీసుకురావాలని నేషనల్‌ గ్రీన్‌ ట్రైబ్యునల్‌(ఎన్జీటీ) తీర్పుపై సోమవారం మళ్లీ ట్రైబ్యునల్‌ను ఆశ్రయిస్తామని తెలిపింది. ఈ మేరకు ఢిల్లీ రవాణా శాఖ మంత్రి కైలాష్‌ గెహ్లాట్‌ మీడియాతో మాట్లాడారు. మహిళల భద్రత రీత్యా వారిని సరి బేసి విధానం కిందకు తీసుకురావడం సరికాదని అభిప్రాయపడ్డారు.

    కాగా, సరి-బేసి విధానంపై నేషనల్‌ గ్రీన్‌ ట్రైబ్యునల్‌(ఎన్‌జీటీ) అభ్యంతరం వ్యక్తం చేసింది. ఈ విధానం అంత సరైనది కాదని చెబుతూనే కొందరికి మినహాయింపు ఎందుకు కల్పించారని ప్రశ్నించింది. ఈ మేరకు శనివారం సుదీర్ఘ విచారణ చేపట్టిన ఎన్‌జీటీ చివరకు సరి-బేసికి ఒప్పుకొంది. అయితే మినహాయింపు అవసరం లేదని.. అందరికీ నిబంధనలు వర్తింపజేయాలని సూచించింది. అత్యవసర వాహనాలకు మాత్రమే మినహాయింపు ఇవ్వాలని సూచించింది.

    కాలుష్యం లెవల్‌ 300 దాటితే తప్పనిసరిగా సరి- బేసి విధానం తీసుకురావాలని ఆదేశించింది. ఈ నేపథ్యంలో సీఎం కేజ్రీవాల్‌ అధ్యక్షతన శనివారం ఢిల్లీ ప్రభుత్వం అత్యవసర సమావేశం ఏర్పాటుచేసింది. ఇందులో సరి-బేసి నిర్ణయాన్ని వెనక్కి తీసుకున్నట్లు ప్రకటించింది.

    'మహిళలు, ద్విచక్రవాహనాలకు మినహాయింపు ఇవ్వడాన్ని ఎన్‌జీటీ వ్యతిరేకించింది. ప్రస్తుతం మేం సరి-బేసి విధానాన్ని అమలు చేయట్లేదు. ఈ విషయమై సోమవారం నాడు ఎన్‌జీటీలో రివ్యూ పిటిషన్‌ వేస్తాం. ఆ తర్వాత ఎప్పుడు అమలు చేస్తామన్నది ప్రకటిస్తాం' అని కైలాశ్‌ గెహ్లాట్‌ తెలిపారు.

    English summary
    The Delhi government has called-off the odd-even traffic scheme, which was to be implemented from 13-17 November. The government's decision was announced after an emergency cabinet meeting following the blistering criticism by the National Green Tribunal.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more