న్యాయం కోసం వస్తే... మాయమాటలు చెప్పి రేప్ చేసిన పోలీసు అధికారి!

న్యూఢిల్లీ: వివాహ వివాదంలో తనకు న్యాయం చేయాలంటూ పోలీస్‌స్టేషన్‌కి వచ్చిన ఓ మహిళపై సాక్షాత్తు పోలీసు అధికారి అత్యాచారం చేసిన ఘటన దేశ రాజధాని ఢిల్లీలో చోటు చేసుకుంది.

ఢిల్లీలోని మియాన్ వాలీ పోలీస్ స్టేషన్ కు ఓ మహిళ(30) వచ్చింది. తన సమస్యను అక్కడ విధుల్లో ఉన్న ఏఎస్ఐ దిలీప్ సింగ్ (50)కు చెప్పింది. ఆందోళన చెందవద్దని, తాను సమస్యను పరిష్కరిస్తానంటూ ఆమెకు భరోసా ఇచ్చాడతను.

స్టేషన్‌లో వద్దు.. బయట మాట్లాడదామంటూ ఏఎస్ఐ దిలీప్ సింగ్ మంగళవారం ఆమెను ఓ ఫ్లాటుకు రప్పించాడు. అనంతరం అదను చూసుకుని ఆమెపై అత్యాచారం జరిపాడు. ఈ దారుణంపై ఆ మహిళ అదేరోజు పోలీసులకు ఫిర్యాదు చేసింది.

ఈ అత్యాచార ఘటనపై ఆ మర్నాడే పోలీసులు కేసు నమోదు చేశారు. పోలీసుల దర్యాప్తులో సదరు మహిళ ఫ్లాట్‌కు వచ్చినట్లు సీసీటీవీ ఫుటేజిలో కనిపించింది. అంతేకాదు, ఆమెపై అత్యాచారం జరిగినట్లు కూడా వైద్య పరీక్షలో నిరూపితమైంది.

దీంతో పోలీసు ఉన్నతాధికారులు ఈ ఘటనను తీవ్రంగా పరిగణించారు. న్యాయం కోసం పోలీస్‌స్టేషన్‌కు వచ్చిన ఆమెపై అత్యాచారానికి పాల్పడిన ఏఎస్సై దిలీప్ సింగ్‌ను గురువారం డిస్మిస్ చేసినట్లు ఢిల్లీ డీసీపీ ఎంఎన్ తివారీ తెలిపారు.

English summary

A Delhi Police assistant sub-inspector(ASI), who had allegedly raped a woman on Tuesday, was dismissed on Thursday. MN Tiwari, DCP (outer), told Hindustan Times that the policeman has been booked on rape charges and dismissed from service after the initial probe “confirmed” that he had raped the woman. The ASI went absconding and remained on the run at the time of filing this report. The DCP said CCTV footage as well as call record details pointed to the policeman’s involvement in the crime. The 30-year-old woman had visited the Mianwali police station a few days ago in connection with a matrimonial dispute and had sought police’s help to sort out the problem, said an investigator. The woman lives in the neighbourhood and does odd jobs, police said.