దారుణం: ఇంట్లోవున్న యువతిపై దాడి, గ్యాంగ్రేప్
ఘజియాబాద్: ఉత్తరప్రదేశ్ రాష్ట్రంలోని ధిధౌలి గ్రామంలో దారుణ ఘటన చోటు చేసుకుంది. ఇంట్లో ఉన్న ఓ యువతిపై దాడికి పాల్పడిన నలుగురు యువకులు, ఆ తర్వాత ఆమెపై సామూహిక అత్యాచారానికి పాల్పడ్డారు.
బాధితురాలు పోలీసులకు ఇచ్చిన ఫిర్యాదులో పేర్కొన్న వివరాల ప్రకారం.. నిందితులైన నలుగురు యువకులు మంగళవారం రాత్రి ఆ యువతి ఇంట్లోకి చొరబడ్డారు. ఆ సమయంలో ఆమె తండ్రి పొలం పనుల కోసం బయటికి వెళ్లారు.
ఒంటరిగా ఉన్న ఆ యువతిపై నలుగురు యువకులు సామూహిక అత్యాచారానికి పాల్పడ్డారు. ప్రతిఘటించేందుకు ప్రయత్నించగా ఆమెను తీవ్రంగా కొట్టారు. ఈ విషయాన్ని ఎవరికైనా చెబితే చంపేస్తామని యువతిని బెదిరింపులకు గురిచేశారు.
బాధితురాలి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. నిందితులను త్వరలోనే పట్టుకుంటామని పోలీసులు చెప్పారు.
Click it and Unblock the Notifications
Sign in with Google