అక్కడ పెళ్లిళ్లు చేసుకోవద్దు, టూర్లకు వెళ్లొద్దు: ప్రధాని సంచలన పిలుపు

గ్లోబల్ మార్కెట్‌లో యుద్దాలు, ఆర్థిక మాంద్యం భయాలు, సరఫరా వ్యవస్థలు పూర్తిగా దెబ్బతిన్న వేళ.. భారత ఆర్థిక వ్యవస్థ సరికొత్త చరిత్ర సృష్టించింది. 2026-27 ఆర్థిక సంవత్సరం మొదటి త్రైమాసికం (ఏప్రిల్-జూన్)లో ఏకంగా 7.8 శాతం జీడీపీ వృద్ధి నమోదు చేసి ప్రపంచ దేశాలను ఆశ్చర్యపరిచింది. రిజర్వ్ బ్యాంక్ అంచనా వేసిన 7 శాతాన్ని దాటేసి, భారత ఆర్థిక పునాదులు ఎంత బలంగా ఉన్నాయో నిరూపించింది. ఈ సాధన 140 కోట్ల మంది భారతీయుల కష్టానికి, పట్టుదలకు ప్రత్యక్ష నిదర్శనమని ప్రధాని నరేంద్ర మోదీ హర్షం వ్యక్తం చేశారు.

ఈ ఘన విజయంపై స్పందించిన ప్రధాని మోదీ.. దేశంలో నిరాశ నిస్పృహలను నూరిపోస్తూ, నెగెటివిటీని వ్యాప్తి చేస్తున్న ప్రతిపక్షాలకు గట్టి కౌంటర్ ఇచ్చారు. "ప్రపంచమంతా సంక్షోభంలో కూరుకుపోయినా భారత్ మాత్రం రాకెట్‌లా దూసుకుపోతోంది. మన దేశంలో కొందరు ఎప్పుడూ నిరాశలో మునిగిపోయి అబద్ధాలు ప్రచారం చేస్తున్నారు. వారందరి ఆటంకాలను దాటుకుని దేశం 7.8 శాతం వృద్ధిని సాధించడం గర్వకారణం" అని మోదీ స్పష్టం చేశారు. విదేశీ పర్యటనలు, డెస్టినేషన్ వెడ్డింగ్స్ తగ్గించుకుని 'వెడ్ ఇన్ ఇండియా', స్వదేశీ వస్తువుల వాడకాన్ని ప్రోత్సహించాలని ఆయన పిలుపునిచ్చారు.

అంకెల వెనుక అసలు సత్తా!

కేంద్ర గణాంకాల శాఖ విడుదల చేసిన వివరాల ప్రకారం.. ఈ ఏడాది ఏప్రిల్-జూన్ మధ్య కాలంలో వాస్తవ జీడీపీ రూ. 81.36 లక్షల కోట్లకు చేరింది. గత ఏడాది ఇదే సమయానికి ఇది రూ. 75.46 లక్షల కోట్లుగా ఉండేది. ప్రస్తుత ధరల ప్రకారం చూస్తే నామినల్ జీడీపీ 10.3 శాతం పెరిగి రూ. 88.27 లక్షల కోట్లకు చేరుకోగా, గ్రాస్ వ్యాల్యూ యాడెడ్ (GVA) 8.2 శాతంగా నమోదైంది. ఈ బలమైన గణాంకాల నేపథ్యంలో ఆర్‌బీఐ కూడా ఈ ఏడాది మొత్తం భారత జీడీపీ వృద్ధి అంచనాను 6.6 శాతం నుంచి 6.7 శాతానికి సవరించింది.

ప్రజల కష్టానికి దక్కిన ఫలితం!

ఆర్థిక శాఖ మంత్రి నిర్మలా సీతారామన్ కూడా ఈ వృద్ధిపై హర్షం వ్యక్తం చేస్తూ ట్వీట్ చేశారు. కేంద్ర ప్రభుత్వం తీసుకువచ్చిన సంస్కరణలు, సకాలంలో తీసుకున్న ఆర్థిక నిర్ణయాలు మంచి ఫలితాలనిస్తున్నాయని ఆమె తెలిపారు. ఈ ఘనతకు అసలైన సూత్రధారులు భారత ప్రజలేనని, వారి నిరంతర శ్రమ వల్లే ఇది సాధ్యమైందని ఆమె కొనియాడారు. 2047 నాటికి వికసిత భారత్‌గా మారాలనే లక్ష్యానికి ఈ ఆర్థిక గణాంకాలు మరింత బలమైన అడుగులు వేస్తున్నాయని ఆర్థిక నిపుణులు విశ్లేషిస్తున్నారు.

7.8% growth.

Strong numbers.

Even stronger confidence. pic.twitter.com/ZVPpnAXrVU

— Narendra Modi (@narendramodi) September 1, 2026

English summary

India's real GDP grew by an impressive 7.8% in Q1 FY27, surpassing RBI estimates despite global supply chain disruptions. Prime Minister Narendra Modi praised the nation's collective strength and urged citizens to adopt the 'Swadeshi' mantra for a developed India.