అరవింద్ కేజ్రీవాల్ కు మధ్యంతర బెయిల్ .. దీదీ మమతా బెనర్జీ ఫుల్ హ్యాపీ

ఢిల్లీ మద్యం కుంభకోణంలో మనీలాండరింగ్ ఆరోపణలతో ఈడి అధికారులు అరెస్టు చేసి హార్ జైలుకు పంపించిన ఢిల్లీ సీఎం అరవింద్ కేజ్రీవాల్ కు ఎట్టకేలకు మధ్యంతర బెయిల్ లభించింది. మార్చి 21న ఈడీ అధికారులు అరవింద్ కేజ్రీవాల్ అరెస్ట్ చేసి కోర్టు ముందు హాజరు పరిచి జైలుకు తరలించారు. ఢిల్లీ మద్యం కుంభకోణంలో ప్రధాన సూత్రధారి అరవింద్ కేజ్రీవాల్ అని పేర్కొన్నారు.

కేజ్రీవాల్ కు సుప్రీంకోర్టు మధ్యంతర బెయిల్ మంజూరు
అప్పటినుంచి అరవింద్ కేజ్రీవాల్ కోర్టులో బెయిల్ కోసం సుదీర్ఘ పోరాటం చేస్తున్నారు. ఒక దశలో ఆయన బెయిల్ పై బయటకు రావటం కోసం మామిడి పండ్లు తింటున్నారు అన్నది కూడా కోర్టులో వాదనకు కారణమైంది. ఆయన డైట్ పైన కూడా చర్చ జరిగింది. ఇక నేడు అరవింద్ కేజ్రీవాల్ కు సుప్రీంకోర్టు మధ్యంతర బెయిల్ మంజూరు చేసి బిగ్ రిలీఫ్ ఇవ్వడంతో పశ్చిమ బెంగాల్ ముఖ్యమంత్రి స్పందించారు.

కేజ్రీవాల్ కు బెయిల్ .. దీదీ సంతోషం
మతా బెనర్జీ అరవింద్ కేజ్రీవాల్ కు బెయిల్ రావడంపై సంతోషం వ్యక్తం చేశారు. అరవింద్ కేజ్రీవాల్ కు అనుకూలంగా సుప్రీంకోర్టులో తీర్పు రావడంపై ఇండియా కూటమి నేతలు కూడా సంతోషం వ్యక్తం చేశారు. లోక్సభ ఎన్నికలకు ముందు సుప్రీం ధర్మాసనం బెయిల్ మంజూరు చేయడాన్ని వారు స్వాగతిస్తున్నారు. సుప్రీంకోర్టు తీర్పు ఇవ్వడాన్ని స్వాగతించిన పశ్చిమ బెంగాల్ ముఖ్యమంత్రి మమతా బెనర్జీ స్పందించారు.

ఎన్నికల సమయంలో కేజ్రీవాల్ బయటకు రావటం ఉపయోగం
ప్రస్తుత లోక్సభ ఎన్నికల సమయంలో కేజ్రీవాల్ కు మధ్యంతర బెయిల్ ఇవ్వడం తమకు ఉపకరిస్తుందని మమతా బెనర్జీ అన్నారు. ఈ విషయంలో తను చాలా సంతోషంగా ఉన్నానని, అరవింద్ కేజ్రీవాల్ బయటకు రావడం ఎన్నికల సమయంలో ఉపయుక్తమని అభిప్రాయపడ్డారు. ఇదిలా ఉంటే ఢిల్లీ లిక్కర్ కుంభకోణం కేసులో మధ్యంతర బెయిల్ పై బయటకు రానున్న అరవింద్ కేజ్రివాల్ కు కోర్టు జూన్ 1వ తేదీ వరకు మాత్రమే వర్తించనుంది.

కేజ్రీవాల్ కు షరతులతో కూడిన మధ్యంతర బెయిల్
అప్పటివరకు అరవింద్ కేజ్రీవాల్ ఎన్నికల ప్రచారంలోనూ, పార్టీకి సంబంధించిన అన్ని కార్యక్రమాలలోనూ పాల్గొనవచ్చని పేర్కొంది. అయితే సీఎం హోదాలో ఎటువంటి ఫైళ్ళ మీద అధికార హోదాలో సంతకాలు చేయకూడదని, సుప్రీంకోర్టు షరతు విధించింది. ముఖ్యమంత్రి హోదాలో అధికారులతో సమీక్షలు కూడా చేయకూడదని ఆదేశించింది. సీఎంగా ఎటువంటి బాధ్యతలు నిర్వర్తించిన రాదని తెలిపింది.

English summary

Arvind Kejriwal got Interim Bail Till June 1st. The Supreme Court has given Delhi Chief Minister Arvind Kejriwal interim bail for election campaign. West bengal CM Mamata Banerjee full happy with kejriwal interim bail.