International yoga day2022: 75ఏళ్ళ స్వాతంత్ర్య చిహ్నంగా 75వారసత్వ కట్టడాల వద్ద కేంద్రమంత్రుల యోగావేడుకలు

జూన్ 21వ తేదీన ప్రపంచ వ్యాప్తంగా అంతర్జాతీయ యోగా దినోత్సవాన్ని జరుపుకుంటాం. ప్రస్తుతమున్న ఉరుకుల పరుగుల జీవితంలో, కాస్త మనశ్శాంతి కోసం నిత్య యోగ సాధన చేస్తే మానసిక శారీరక ఆరోగ్యం మెరుగుపడుతుంది. భారతీయులు పురాతన కాలం నుండీ యోగ సాధన పట్ల ఎక్కువ మక్కువ కనబరుస్తున్నారు. ఇక యోగా చేయడం వల్ల శారీరకంగా, మానసికంగా దృఢంగా మారుతారు. యోగా అనేది ఒక దివ్యౌషధంగా గుర్తించాలని పలువురు యోగ సాధకులు చెబుతున్నారు. క్రమం తప్పకుండా యోగా చేస్తే మనసు ప్రశాంతంగా ఉంటుందని కూడా చెబుతున్నారు. యోగా చేయడం వల్ల కలిగే ప్రయోజనాలను దృష్టిలో ఉంచుకొని, విశ్వమానవ శాంతిని కాంక్షిస్తూ ప్రధాని నరేంద్ర మోడీ అంతర్జాతీయ యోగా దినోత్సవానికి అత్యంత ప్రాధాన్యత ఇస్తున్నారు.

అంతర్జాతీయ యోగా దినోత్సవం చరిత్ర

సెప్టెంబరు 27, 2014న ఐక్యరాజ్యసమితి జనరల్ అసెంబ్లీలో తన ప్రసంగంలో, ప్రధానమంత్రి నరేంద్ర మోదీ అంతర్జాతీయ యోగా దినోత్సవం యొక్క ఆలోచనను మొదటిసారిగా ఆవిష్కరించారు. భారతదేశం ఆమోదించిన ముసాయిదా తీర్మానాన్ని 177 దేశాలు సమర్థించాయి. ఐక్యరాజ్యసమితి జూన్ 21ని డిసెంబర్ 11, 2014న అంతర్జాతీయ యోగా దినోత్సవంగా ప్రకటించింది. మొదటి అంతర్జాతీయ యోగా దినోత్సవాన్ని జూన్ 21, 2015న జరుపుకున్నారు. ప్రస్తుతం 8వ అంతర్జాతీయ యోగా దినోత్సవాన్ని జరుపుకుంటున్నారు.

75 ఏళ్ళ స్వాతంత్రాన్ని పురస్కరించుకుని 75 చోట్ల యోగా వేడుకలు

ఇక 8వ అంతర్జాతీయ యోగా దినోత్సవ వేడుకలలో చారిత్రక నగరమైన మైసూర్లో ప్రధాని నరేంద్ర మోడీ యోగా దినోత్సవ వేడుకలకు నాయకత్వం వహించారు. అక్కడ 20 యోగాసనాలు వేసి యోగ యొక్క ప్రాధాన్యతను చాటిచెప్పారు. ఇక దేశవ్యాప్తంగా కేంద్ర మంత్రివర్గం వివిధ ప్రదేశాలలో యోగాను ప్రదర్శించారు. భారతదేశానికి స్వాతంత్య్రం వచ్చిన 75 ఏళ్ల నేపథ్యాన్ని దృష్టిలో ఉంచుకుని, యోగా దినోత్సవంలో పాల్గొనేందుకు కేంద్ర మంత్రులకు 75 స్థానాలను ఆయుష్ మంత్రిత్వ శాఖ గుర్తించింది. ఆయా స్థానాలలో కేంద్ర మంత్రులు యోగా దినోత్సవ వేడుకలను ఘనంగా నిర్వహించారు.

BJP National President Shri JPNadda performs Yoga on 8th International Day of Yoga at Noida stadium. #YogaForHumanity https://t.co/5gSL4V5PLk

— BJP (BJP4India) June 21, 2022

మంత్రులు యోగా డే వేడుకల్లో పాల్గొన్న చారిత్రక ప్రాంతాలు ఇవే..

ఆయుష్ మంత్రి సర్బానంద సోనోవాల్: మైసూర్
కేంద్ర హోంమంత్రి అమిత్ షా: ఢిల్లీ
రక్షణ మంత్రి రాజ్‌నాథ్ సింగ్: కోయంబత్తూరులో IAF స్థావరం
విదేశాంగ మంత్రి ఎస్ జైశంకర్: ఢిల్లీలోని పురానా ఖిలా
ఆర్థిక మంత్రి నిర్మలా సీతారామన్: న్యూఢిల్లీలోని జంతర్ మంతర్
రోడ్డు మరియు రవాణా మంత్రి నితిన్ గడ్కరీ: నాగ్‌పూర్‌లో జీరో మైలురాయి
న్యాయ మంత్రి కిరెన్ రిజిజు: అరుణాచల్ ప్రదేశ్‌లోని డాంగ్ గ్రామం
పట్టణ వ్యవహారాల మంత్రి హర్దీప్ సింగ్ పూరి: ఎర్రకోట లో యోగా వేడుకలు నిర్వహించారు.

PM Shri narendramodi participates in the mass yoga demonstration on 8th International Day of Yoga celebrations in Mysuru, Karnataka. #YogaForHumanity pic.twitter.com/mOGTe3FNH3

— BJP (BJP4India) June 21, 2022

ప్రసిద్ధ స్థలాలు, చారిత్రక కట్టడాల వద్ద అట్టహాసంగా యోగా డే వేడుకలు..

ఇక వాణిజ్యం మరియు పరిశ్రమల శాఖ మంత్రి పీయూష్ గోయల్: ముంబైలో మెరైన్ డ్రైవ్
సమాచార మరియు ప్రసార మంత్రి అనురాగ్ సింగ్ ఠాకూర్: హమీర్పూర్
రైల్వే మంత్రి అశ్విని వైష్ణవ్: ఒడిశాలోని కోణార్క్‌లోని సూర్య దేవాలయం
ఆరోగ్య మంత్రి మన్సుఖ్ మాండవియా: గుజరాత్‌లో స్టాట్యూ ఆఫ్ యూనిటీ
పౌర విమానయాన మంత్రి జ్యోతిరాదిత్య సింధియా: గ్వాలియర్ కోట
జలశక్తి మంత్రి గజేంద్ర సింగ్ షెకావత్: జైసల్మేర్‌లోని ఇసుక దిబ్బలు
భారీ పరిశ్రమల మంత్రి మహేంద్ర నాథ్ పాండే: పూరి బీచ్
పార్లమెంటరీ వ్యవహారాల మంత్రి ప్రహ్లాద్ జోషి: హంపి
కేంద్ర సాంస్కృతిక శాఖ మంత్రి జి కిషన్ రెడ్డి: హైదరాబాద్‌లోని హుస్సేన్ సాగర్ సరస్సులలో యోగా దినోత్సవ వేడుకలను నిర్వహించారు.అక్కడకు వచ్చిన ప్రజలతో కలిసి యోగాసనాలు వేశారు.

English summary

Union ministers held yoga celebrations at 75 heritage places to mark the 75th anniversary of independence. The 8th International Yoga Day celebrations were held at historic sites in major cities across the country