ఖరీదైన టూర్ ప్యాకేజీని ప్రకటించిన ఐఆర్‌సీటీసీ

IRCTC's most costly tour package: ఇండియన్ రైల్వే క్యాటరింగ్ అండ్ టూరిజం కార్పొరేషన్.. ఓ ఖరీదైన టూర్ ప్యాకేజీని ప్రకటించింది. దీని గరిష్ట ధర 1,72,230 రూపాయలు, కనిష్ట ధర.. 1,15,060 రూపాయలు. పిల్లలకు కూడా అదే స్థాయిలో టూర్ ఛార్జీని ఖరారు చేసింది ఐఆర్‌సీటీసీ

టూర్ ప్యాకేజీ ఏంటీ..?

ఈ ప్యాకేజీ పేరు- భారత్ భూటాన్ మిస్టక్ మౌంటెయిన్ టూర్. గువాహటి, షిల్లాంగ్, చిరపుంజి, భూటాన్ వంటి ప్రఖ్యాత పర్యాటక కేంద్రాలు ఈ ప్యాకేజీలో చేర్చింది. లగ్జూరియస్ ఏసీ రైలు ద్వారా ఆయా పర్యాటక కేంద్రాలను దర్శించుకోవచ్చు. 13 రాత్రులు/ 14 పగళ్లు సాగే యాత్రా స్పెషల్ ఇది.

జర్నీ ఎప్పుడు? ఎక్కడి నుంచి?

జూన్ 28వ తేదీన ఢిల్లీ సఫ్దర్ జంగ్ నుంచి ఈ రైలు ఎక్స్‌ప్రెస్ బయలుదేరి వెళ్తుంది. మొత్తం 150 సీట్లు మాత్రమే పర్యాటకులకు అందుబాటులో ఉంటాయి. ఇందులో స్లీపర్- సుపీరియర్ ఏసీ 1 (కపుల్)- 20, సుపీరియర్ ఏసీ (1 క్యాబిన్)- 38, డీలక్స్ ఏసీ 2టయర్- 36, కంఫర్ట్ ఏసీ 3టయర్- 56 సీట్లు.

ఫుడ్ ఎలా?

సఫ్దర్ జంగ్ నుంచి బయలుదేరే ఈ ఎక్స్‌ప్రెస్ కు ఘజియాబాద్, అలీగఢ్, తుండ్లా జంక్షన్, కాన్పూర్, లక్నో, వారణాశిల్లో హాల్ట్ సౌకర్యం ఉంది. ఆయా స్టేషన్లల్లో ప్రయాణికులు బోర్డింగ్/డీబోర్డింగ్ అవ్వొచ్చు. ఇందులో ఉండే ట్రైన్ రెస్టారెంట్ నుంచి ఫుడ్ అందిస్తారు.

ఏమేం చూడొచ్చు..

ఈ ప్యాకేజీలో గువాహటిలో- ప్రఖ్యాత కామాఖ్య అమ్మవారి ఆలయాన్ని దర్శించుకోవచ్చు. అలాగే బ్రహ్మపుత్ర నదిలో విహరించే సౌకర్యం ఉంది. చిరపుంజిలో- సెవెన్ సిస్టర్స్ వాటర్ ఫాల్స్, మౌసామాయ్ గుహలు, నొఖాలిఖాయ్ వాటర్ ఫాల్స్, ఎలిఫెంట్ వాటర్ ఫాల్స్ ను చూడొచ్చు. షిల్లాంగ్ లో- క్యాథడ్రెల్ చర్చి, వార్డ్స్ లేక్, డాన్ బాస్కో మ్యూజియం, ఉమియుం లేక్ లో విహారం చేయవచ్చు.

భూటాన్ లో..?

భూటాన్ రాజధాని థింపు, పునాఖా, పారో.. ఈ టూర్ ప్యాకేజీలో ఉన్నాయి. ప్రపంచ ప్రఖ్యాతి చెందిన బుద్ధ పాయింట్ ను సందర్శించవచ్చు. మోతీథంగ్ జులాజికల్ పార్క్, పెయింటింగ్ స్కూల్, నేషనల్ లైబ్రరీ, థింపూ హ్యాండీక్రాఫ్ట్స్ మార్కెట్, తాషీ ఛో జాంగ్..ను చూడొచ్చు.

టైగర్ నెస్ట్..

పునాఖాలో- డోచులా పాస్, పునాఖా జాంగ్ (ప్యాలెస్ ఆఫ్ గ్రేట్ హ్యాపీనెస్) ను సందర్శించవచ్చు. పారోలో- లాంపేరి రాయల్ బొటానికల్ పార్క్, టాంచోంగ్ ఐరన్ బ్రిడ్జి, పారో ప్యాలెస్, టైగర్ నెస్ట్ (టక్సంగ్ మొనాస్టెరీ) బేస్ క్యాంప్ పాయింట్, నేషనల్ మ్యూజియాన్ని చూసే అవకాశం ఉంది. హాట్ స్టోన్ బాత్ సౌకర్యాన్ని కల్పించింది.

ఛార్జీల మాటేంటీ?

ఈ ప్యాకేజీ కోసం ఒక్కొక్కరు చెల్లించాల్సిన ఛార్జీ సుపీరియర్ ఏసీ 1 (కపుల్) కేటగిరీలో 1,58,850 రూపాయలు. ఇది పూర్తిగా డబుల్ షేరింగ్. సింగిల్ షేరింగ్ గానీ, ట్రిపుల్ షేరింగ్ గానీ, పిల్లలకు గానీ ఇది వర్తించదు.

సింగిల్ షేర్..

ఏసీ 1 (క్యాబిన్)లో- సింగిల్ షేర్ 1,72,230 రూపాయలు. డబుల్ షేర్- 1,44,892, ట్రిపుల్ షేర్- 1,40,990 రూపాయలుగా నిర్ధారించింది ఐఆర్‌సీటీసీ. ఇందులో పిల్లలకు అంటే 5 నుంచి 11 సంవత్సరాల లోపు వారికి చెల్లించాల్సిన ఛార్జీ 1,31,605 రూపాయలు.

పిల్లలకు..

డీలక్స్ ఏసీ 2టయర్ లో సింగిల్ షేర్- రూ. 1,56,230, డబుల్ షేర్- రూ. 1,29,495, ట్రిపుల్ షేర్- రూ.1,16,200, పిల్లలకు- రూ. 1,16,200. కంఫర్ట్ ఏసీ 3టయర్ లో సింగిల్ షేర్- రూ. 1,46,305, డబుల్ షేర్- రూ. 1,18,965, ట్రిపుల్ షేర్- రూ.1,15,060, పిల్లలకు- రూ. 1,08,360లు వసూలు చేస్తారు.

English summary

IRCTC announced Bharat Bhutan Mystic Mountain tour package, which is most costlier from Delhi Safdarjung to Bhutan. ఖరీదైన టూర్ ప్యాకేజీని ఐఆర్ సీటీసీ ప్రకటించింది. దీని గరిష్ట ధర 1,72,230 రూపాయలు.