సైఫ్ అలీఖాన్ ను పొడిచింది వీడే-సీసీ ఫుటేజ్-ఎంత అడిగాడంటే ?

ఇవాళ తెల్లవారు జామున బాలీవుడ్ అగ్ర నటుడు, హీరో సైఫ్ అలీ ఖాన్ పై ఆయన సొంత అపార్ట్ మెంట్లో జరిగిన దాడి దేశవ్యాప్తంగా చర్చనీయాంశమైంది. ముంబైలోని బాంద్రా వెస్ట్ పరిసరాల్లో ఉన్న సైఫ్ అలీ ఖాన్ ఇంట్లో అతన్ని ఓ అగంతకుడు కత్తితో పొడిచి చంపేందుకు ప్రయత్నించాడు. అయితే సైఫ్ ఎలాగోలా ఈ దాడి నుంచి తప్పించుకుని ముంబైలోని లీలావతి ఆస్పత్రిలో చికిత్స పొందుతున్నాడు. ప్రస్తుతం సైఫ్ ఆరోగ్యం నిలకడగా ఉందని డాక్టర్లు ప్రకటించారు.

మరోవైపు సైఫ్ అలీ ఖాన్ పై దాడి జరిగిన సమయంలో ఏం జరిగిందో ముంబై పోలీసులు దర్యాప్తు చేస్తున్నారు. ఈ క్రమంలో సైఫ్ అలీ ఖాన్ నివాసం ఉంటున్న 12 అంతస్టుల అపార్ట్ మెంట్ సీసీటీవీ ఫుటేజ్ ను సేకరించారు. ఇందులో నిందితుడు పారిపోతూ కనిపించాడు. మెట్ల మీద అతను పారిపోతున్న దృశ్యాలు సీసీటీవీ కెమెరాలో రికార్డ్ అయ్యాయి. తెల్లవారు జామున 2.33 గంటలకు అతను పారిపోతున్న వీడియోను పోలీసులు విడుదల చేశారు.

VIDEO | Attack on Saif Ali Khan: CCTV footage shows the alleged attacker fleeing the building through staircase.

(Source: Third Party)#SaifAliKhanInjured pic.twitter.com/VHpAenxFdu

— Press Trust of India (@PTI_News) January 16, 2025

ఈ వీడియోలో సైఫ్ ను పొడిచిన ఆగంతకుడు టీ-షర్టు, జీన్స్ ధరించి ఉన్నాడు. వీపుకు తగిలించుకొనే సామాను సంచిని ధరించి ఉన్నాడు. అతని భుజంపై నారింజ రంగు కండువా కూడా ఉంది. వీడియోలో అతను మెట్లు దిగి ఒక సమయంలో కెమెరా వైపు నేరుగా చూస్తున్నట్లు చూపిస్తోంది. దీంతో అతన్ని గుర్తించేందుకు పోలీసులు గాలింపు ముమ్మరం చేశారు. సైఫ్ ను అతను ఆరు కత్తిపోట్లు పొడిచినట్లు పోలీసులు తెలిపారు.

PHOTO | Attack on Saif Ali Khan: CCTV footage shows the alleged accused involved in the stabbing of the Bollywood actor earlier today.

(Source: Third Party) pic.twitter.com/a2t86FzScu

— Press Trust of India (@PTI_News) January 16, 2025

అలాగే ఈ దాడి జరిగిన సమయంలో సైఫ్ అలీ ఖాన్, అతని భార్య, నటి కరీనా కపూర్ ఖాన్, వారి కుమారులు ఇదే భవనంలో ఉన్నట్లు పోలీసులు గుర్తించారు. దాడి చేసిన వ్యక్తి ఖాన్స్ అపార్ట్‌మెంట్‌ను దోచుకోవడానికి ప్లాన్ చేసినట్లు పోలీసులు తెలిపారు. నటులు ఉండే భవనం పక్కనే ఉన్న కాంపౌండ్‌లోకి ప్రవేశించి ఆపై గోడ ఎక్కి లోపలికి వచ్చాడని వెల్లడించారు. అలాగే దాడి సమయంలో సైఫ్ ను ఆగంతకుడు కోటి రూపాయలు డిమాండ్ చేసినట్లు పోలీసులు గుర్తించారు.

English summary

Mumbai police releases cctv footage of saif ali khan attacker, found he demands Rs.1 cr