నీతా అంబానీ రాధికా మర్చంట్ కు 640కోట్ల అత్యంత ఖరీదైన వెడ్డింగ్ గిఫ్ట్

అపర కుబేరుడు ముఖేష్ అంబానీ, నీతా అంబానీల కుమారుడు అనంత్ అంబానీ, రాధిక మర్చంట్ ల వివాహం కోసం అంబానీ ఫ్యామిలీ రెడీ అవుతున్న విషయం తెలిసిందే. ఇప్పటికే గుజరాత్ లోని జామ్ నగర్లో ప్రీ వెడ్డింగ్ వేడుకలు నిర్వహించిన అంబానీ కుటుంబం మరో ప్రీ వెడ్డింగ్ పార్టీకి కూడా రెడీ అయింది. ఈసారి ఏకంగా ఒక లగ్జరీ క్రూయిజ్ లో చాలా గ్రాండ్ గా పార్టీ చేయడానికి సిద్ధమైంది.

కాబోయే కోడలికి నీతా అంబానీ ఖరీదైన బహుమతి
ఇక ఇదే సమయంలో మరొక ఆసక్తికర విషయం ప్రస్తుతం అందరిని ముఖేశ్ అంబానీ ఫ్యామిలీ వైపు చూసేలా చేస్తుంది. ఇంతకీ అదేమిటంటే ముఖేష్ అంబానీ సతీమణి నీతా అంబానీ కాబోయే చిన్న కోడలు రాధిక మర్చంట్ కు ఊహించని అద్భుతమైన ఒక బహుమతిని ఇవ్వబోతున్నారని తెలుస్తోంది. తన చిన్న కోడలికి దుబాయ్ లోని ఒక అద్భుతమైన లగ్జరీ విల్లాను ఇవ్వనున్నట్టు వార్తలు చక్కర్లు కొడుతున్నాయి.

640 కోట్ల అత్యంత ఖరీదైన విల్లా
రిలయన్స్ ఫౌండేషన్ చైర్మన్ గా, ఎన్ఎంఎసిసి అధ్యక్షురాలిగా ఉన్న నీతా అంబానీ దుబాయ్ లో 640 కోట్ల రూపాయల అత్యంత ఖరీదైన విల్లాను త్వరలో తమ ఇంటికి రానున్న కొత్త కోడలికి గిఫ్ట్ గా అందించనున్నారు. ఈ విల్లాలో పది విలాసవంతమైన బెడ్ రూములు, అద్భుతమైన ఇంటీరియర్స్, ఇటాలియన్ పాలరాయి, అద్భుతమైన కళాకృతులు ఉంటాయట. ఇంకా ఇందులో 70మీటర్ల ప్రైవేటు బీచ్ స్పెషల్ ఎట్రాక్షన్ గా ఉండబోతుందని వార్తలు వస్తున్నాయి.

భారీ పార్టీలకు లగ్జరీ విల్లా
ఈ బిలియనీర్ ఫ్యామిలీ బస చేయడానికి, భారీ పార్టీలను హోస్ట్ చేయడానికి కూడా ఇది చాలా బాగుంటుందని అంబానీ ఫ్యామిలీ భావిస్తుందట. ఈ క్రమంలోనే కాబోయే కొత్తకోడలికి నీతా అంబానీ ఈ అత్యంత ఖరీదైన బహుమానాన్ని ఇవ్వబోతున్నారని తెలుస్తుంది. ఇప్పటికే అనంత్ అంబానీ, రాధిక మర్చంట్ ల నిశ్చితార్థం సందర్భంగా అనంత్ అంబానీకి 4.5కోట్ల విలువచేసే బెంట్లీ కాంటినెంటల్ జిటిసి స్పీడ్ కారును ముఖేష్ అంబానీ గిఫ్ట్ గా ఇచ్చారు.

ఇప్పటికే కానున్న కోడలికి నీతా అంబానీ బహుమతులు
ఇక కాబోయే కోడలు రాధిక మర్చంట్ కు నీతా అంబానీ తన సొంత డైమండ్ నక్లెస్ తో పాటు, ఖరీదైన రెండు గణపతి విగ్రహాలు, నగలు, కలశాలు కానుకగా ఇచ్చారని సమాచారం. ఏది ఏమైనా అపర కుబేరుడికి కోడలు కాబోయే రాధిక మర్చంట్ కు ఇవ్వబోయే లగ్జరీ విల్లా ఇప్పుడు అందరి దృష్టిని ఆకర్షిస్తోంది.

English summary

India's richest industrialist Mukesh ambani wife nita ambani surprising her daughter in law radhika merchant. She is gifting a dubai luxurious villa which is worth 640 crores.