PM Modi: డ్యూటీ మొదలుపెట్టిన ప్రధాని మోడీ-తొలి సంతకంతో రైతులకు గుడ్ న్యూస్..!,

సార్వత్రిక ఎన్నికల్లో ఘన విజయంతో నిన్న ప్రధాన మంత్రిగా ప్రమాణస్వీకారం చేసిన నరేంద్ర మోడీ ఇవాళ బాధ్యతలు చేపట్టారు. ఉదయం తన కార్యాలయంలో మూడోసారి ప్రధానిగా ఆయన బాధ్యతలు తీసుకున్నారు. ఈ మేరకు అధికార లాంఛనాలు పూర్తి చేసిన తర్వాత రైతులకు సంబంధించిన కీలక పథకం నిధుల్ని విడుదల చేస్తూ తొలి సంతకం కూడా చేసారు. అనంతరం కేబినెట్ భేటీ, పార్లమెంట్ సమావేశాలపై దృష్టిసారించారు.

#WATCH | PM Narendra Modi today took charge as the Prime Minister, in New Delhi.

After being sworn in as Prime Minister for the 3rd time, PM Narendra Modi signed his first file authorising the release of 17th instalment of PM Kisan Nidhi. This will benefit 9.3 crore farmers and… pic.twitter.com/G4ownB0NFh

— ANI (@ANI) June 10, 2024

ప్రధాని మోడీ ఇవాళ బాధ్యతలు తీసుకున్న తర్వాత పీఎం కిసాన్ పథకం 17వ విడత నిధుల విడుదల ఫైలుపై సంతకం చేశారు. 9.3 కోట్ల మంది రైతులకు 20 వేల కోట్ల మేర దీంతో ప్రయోజనం చేకూరబోతోంది. అనంతరం ప్రధాని మోడీ కొత్త మంత్రులతో భేటీ అయ్యారు. ఇవాళ మధ్యాహ్నం తొలి కేబినెట్ భేటీ నిర్వహణకు ప్రధాని సిద్దమవుతున్నారు. ఇందులో పలు కీలక నిర్ణయాలు తీసుకునే అవకాశముంది.

అనంతరం పార్లమెంట్ సమావేశాల నిర్వహణకు వీలుగా రాష్ట్రపతికి వినతి చేస్తారు. కొత్తగా ఎన్నికైన ఎంపీల ప్రమాణస్వీకారంతో పాటు ఇతర కార్యక్రమాల కోసం తొలి పార్లమెంట్ సమావేశాలను త్వరలోనే నిర్వహిస్తారు. ఇందులో స్పీకర్, డిప్యూటీ స్పీకర్ల ఎంపికతో పాటు ఇతర కార్యక్రమాలు చేపడతారు. ఈ దిశగా ప్రధాని మోడీ కార్యాచరణ సిద్ధం చేసుకుంటున్నారు. కొత్త ప్రభుత్వంలో కీలక పదవులపై మిత్రపక్షాలతో చర్చించి నిర్ణయాలు తీసుకునేందుకు కూడా మోడీ సిద్ధమవుతున్నారు.

English summary

prime minister Narendra modi today assumed his office after oath ceremony yesterday. he will hold first cabinet meeting afternoon.