PM Modi: అమ్మ కడుపున పుట్టలేదు-దేవుడే పంపించాడు- మోడీ షాకింగ్ కామెంట్స్..!

లోక్ సభ ఎన్నికల ప్రచారంలో బిజీగా గడుపుతున్న ప్రధాని నరేంద్ర మోడీ.. ఓ జాతీయ మీడియా ఛానల్ కు ఇచ్చిన ఇంటర్వ్యూలో సంచలన వ్యాఖ్యలు చేశారు. ఇప్పటివరకూ ప్రధాని మోడీ విద్యాభ్యాసం, డిగ్రీలపై ఆయన ప్రత్యర్థులు విమర్శలు గుప్పిస్తుండగా.. ఇప్పుడు వారికి మరో అస్త్రం అందించేలా వ్యాఖ్యలు చేశారు. తన పుట్టుక విషయంలో ప్రధాని మోడీ సంచలన వ్యాఖ్యలు చేశారు. దీంతో ఇప్పుడు మోడీ వ్యాఖ్యలు వైరల్ అవుతున్నాయి.

జాతీయ మీడియా ఛానల్ న్యూస్ 18తో మాట్లాడుతూ ప్రధాని మోడీ.. తాను తల్లి కడుపున పుట్టినట్లు భావించనని, దేవుడు నేరుగా పంపినట్లే భావిస్తానని చెప్పుకొచ్చారు. ఈ విషయంలో తనకు తాను సమాధానపర్చుకుంటున్ననని వ్యాఖ్యానించారు. తద్వారా తాను దేవుడి అవతారం లేదా దేవదూత అనే అర్ధం వచ్చేలా మోడీ వ్యాఖ్యలు ఉన్నాయన్న చర్చ జరుగుతోంది. లోక్ సభ ఎన్నికల ప్రచారం సందర్భంగా వ్యక్తిగత జీవితం గురించి అడిగిన ప్రశ్నకు మోడీ ఈ సమాధానం ఇచ్చారు.

మరోవైపు ఇప్పటికే మూడోసారి గెలిస్తే మోడీ దేవుడి అవతారంగా, నియంతగా మారతారనే విమర్శలు ప్రత్యర్థుల నుంచి వినిపిస్తున్న నేపథ్యంలో తనకు తానే ఆ విధంగా చెప్పుకోవడం చర్చనీయాంశమవుతోంది. మోడీ వ్యాఖ్యలపై విపక్ష పార్టీలు ట్రోలింగ్ మొదలుపెట్టేశాయి. ఈ విషయాన్ని తాము ముందే చెప్పామని గుర్తుచేసుకుంటున్నాయి. సోషల్ మీడియాలోనూ మోడీ వ్యాఖ్యలపై తీవ్ర చర్చ జరుగుతోంది.

English summary

pm modi shocking comments, says not born biologically, sent by god...