Republic Day 2023: దేశవ్యాప్తంగా ఘనంగా గణతంత్ర దినోత్సవ వేడుకలు

74వ గణతంత్ర దినోత్సవ వేడుకలు సందర్భంగా రాష్ట్రపతి ద్రౌపది ముర్ము ఇండియా గేట్ ‌ వద్ద జాతీయ జెండాను ఎగుర వేస్తారు.

ఏటా జనవరి 26వ తేదీన దేశం గణతంత్ర దినోత్సవంను జరుపుకుంటుంది.1950 జనవరి 26వ తేదీన భారత రాజ్యాంగం అమలులోకి వచ్చింది. రవి అస్తమించని బ్రిటీషు సామ్రాజ్యం నుంచి భారత దేశం విముక్తి పొంది సొంత రాజ్యాంగాన్ని అమలు చేసుకుంది. 1947లో భారత్ స్వాతంత్ర్యం పొందినప్పటికీ సొంతంగా రాజ్యాంగం అంటూ లేదు.

స్వాతంత్ర్యం వచ్చిన తర్వాత రాజ్యాంగ నిర్మాణంలో భాగంగా ఒక కమిటీ ఏర్పాటైంది. డాక్టర్ రాజేంద్ర ప్రసాద్, బీఆర్ అంబేడ్కర్, బీఎన్ రావ్‌తో పాటు మరికొందరు సభ్యులుగా ఈ కమిటీలో ఉన్నారు. నవంబర్ 26,1949లో రాజ్యాంగం రూపొందించగా 1950 జనవరి 26వ తేదీన అమల్లోకి వచ్చింది.

రాష్ట్రపతి అధికారిక నివాసం రాష్ట్రపతి భవన్‌లో వేడుకలు ప్రారంభం అవుతాయి. ఇండియా గేట్ వద్ద రాష్ట్రపతి ముర్ము తొలిసారిగా జాతీయ జెండాను ఎగుర వేస్తారు.జాతీయ గీతం ఆలపించాక పరేడ్ జరుగుతుంది. పరేడ్‌లో త్రివిధ దళాలు పాల్గొంటాయి.ఇక రిపబ్లిక్‌డే వేడుకలను తిలకించేందుకు ఆన్‌లైన్‌లో టికెట్ బుక్ చేసుకోవాలి.ఇక రిపబ్లిక్ డేకు సంబంధించి ఇటు తెలుగు రాష్ట్రాలతో పాటు అటు ఢిల్లీ వేడుకల విషయాలు మినిట్-టూ-మినిట్ లైవ్ అప్‌డేట్స్ మీకోసం

English summary

74th Republic day celebrations live updates and highlights in telugu.