రూ. 40 కోట్ల మోసం: ఆప్ పంజాబ్ ఎమ్మెల్యే జశ్వంత్ సింగ్ గజ్జన్ ఎఫ్ఐఆర్, సీబీఐ దాడులు
న్యూఢిల్లీ: రూ. 40 కోట్ల బ్యాంకు మోసం కేసులో ఆమ్ ఆద్మీ పార్టీ పంజాబ్ ఎమ్మెల్యే జస్వంత్ సింగ్తో సంబంధం ఉన్న మూడు చోట్ల సెంట్రల్ బ్యూరో ఆఫ్ ఇన్వెస్టిగేషన్ శనివారం దాడులు చేసింది. ఆప్ ఎమ్మెల్యే జస్వంత్ సింగ్ 'గజ్జన్', అతని సోదరుడు కుల్వంత్ సింగ్, అతని మేనల్లుడు జస్వంత్ సింగ్లపై ఎఫ్ఐఆర్ నమోదైంది. వీరంతా బ్యాంక్ ఆఫ్ ఇండియాను రూ. 40 కోట్ల మేర మోసం చేసిన సంస్థ డైరెక్టర్లుగా ఉన్నారు.
జస్వంత్ సింగ్ ఆమ్ ఆద్మీ పార్టీకి పంజాబ్లోని అమర్ఘర్, సంగ్రూర్ నుంచి సిట్టింగ్ ఎమ్మెల్యే. నిందితులు కూడా రుణానికి గ్యారంటీగా ఉన్నారు. కాగా, రుణం మంజూరు చేయబడిన ఖాతా, 31 మార్చి, 2014న నిరర్థక ఆస్తిగా వర్గీకరించబడింది. క్రమరాహిత్యాల ఆధారంగా, 9 ఫిబ్రవరి, 2018న రూ.40.92 కోట్ల (సుమారుగా) బకాయి మొత్తంతో ఖాతా మోసంగా ప్రకటించబడింది.
'నిందితులు పొందిన రుణాన్ని ఏ ప్రయోజనం కోసం ఉపయోగించారో కూడా తెలియజేయలేదు. "రూ. 16.57 లక్షల నగదు (సుమారు), దాదాపు 88 విదేశీ కరెన్సీ నోట్లు, 94 బ్లాంక్ చెక్తో పాటు ఆధార్ కార్డ్, కొన్ని ఆస్తి పత్రాలు, అనేక బ్యాంకు ఖాతాలు, ఇతర నేరారోపణ పత్రాలు సోదాల్లో లభ్యమయ్యాయి'ఆ ప్రకటనలో వెల్లడించింది. మలేర్కోట్ల, గౌన్స్పురా ప్రాంతాల్లో సోదాలు నిర్వహించారు. ఎఫ్ఐఆర్ ప్రకారం.. సంస్థకు 2011-2014 నుంచి నాలుగు విరామాలలో బ్యాంకు రుణాలు మంజూరు చేసింది.
2014లో ఎమ్మెల్యేతోపాటు నిందితులు ఒక ఆస్తి తనఖా పెట్టి, డబ్బు తీసుకున్నారు. ఆస్తి పేరుతో మోసం చేసినట్లు 2018లో నిర్ధరణ అయింది. అప్పటినుంచి ఈ కేసు నడుస్తోంది. దీంతోపాటు తీసుకున్న డబ్బును చెప్పిన కారణానికి కాకుండా, మరో దానికి వాడుకున్నట్లు కూడా అధికారులు గుర్తించారు. ఈ నేపథ్యంలో సీబీఐ కేసు నమోదు కావడంతో, జశ్వంత్ సింగ్కు చెందిన మూడు చోట్ల అధికారులు దాడులు నిర్వహించారు. దాడుల్లో రూ.16.57 లక్షల నగదును స్వాధీనం చేసుకున్నారు.
Click it and Unblock the Notifications
Sign in with Google