75 మిలియన్ డాలర్ల చంద్రయాన్ సక్సెస్-200 మిలియన్ డాలర్ల రష్యన్ లూనా-25 ఫెయిల్..

చంద్రుడిపై నిగూఢ రహస్యాలను కనిపెట్టేందుకు దక్షిణ ధృవంపైకి ఇస్రో ప్రయోగించిన చంద్రయాన్ 3 ప్రయోగం విజయవంతమైంది. ఇస్రో కోరుకున్నట్లుగానే విక్రమ్ ల్యాండర్ విజయవంతంగా నిన్న చంద్రుడి ఉపరితలంపై దిగింది. అంతే కాదు అందులో నుంచి ప్రజ్ఞాన్ రోవర్ బయటికి వచ్చి చక్కర్లు కొట్టడం కూడా మొదలుపెట్టేసింది. దీంతో చంద్రయాన్ 3 మిషన్ విజయవంతమైనట్లయింది. 14 రోజుల పాటు సాగే ఈ మిషన్ ఇక భారత్ కు ఏం పంపినా అది అద్భుతమే.

చంద్రయాన్ -3 సక్సెస్ తో ఇప్పుడు దీని కోసం ఇస్రో పెట్టిన బడ్డెట్ కూ, తాజాగా రష్యా విఫల మిషన్ లూనా-25 కోసం పెట్టిన బడ్జెట్ తో పోలికపై జాతీయంగా, అంతర్జాతీయంగా చర్చ జరుగుతోంది. ఇప్పటికే చంద్రయాన్ 3 ప్రయోగం కోసం భారత్ పెట్టిన వ్యయాన్ని హాలీవుడ్ సినిమాలతోనూ, నటుల రెమ్యూనరేషన్లు, డీల్స్ తో పోలుస్తూ పలువురు చర్చించుకుంటున్నారు. ఇప్పుడు చంద్రయాన్ 3 సక్సెస్ కావడంతో ఇక ఈ చర్చ మరింత పెరిగింది. ముఖ్యంగా రష్యా ఫెయిలైన చోట తక్కువ బడ్జెట్ తో భారత్ ఎలా సక్సెస్ అయిందన్న దానిపై ప్రపంచమే చర్చించుకుంటోంది.

నిన్న చంద్రుని దక్షిణ ధ్రువం దగ్గర విజయవంతంగా ల్యాండ్ అయిన భారతదేశ చంద్రయాన్-3 మిషన్ కేవలం 75 మిలియన్ డాలర్ల బడ్జెట్‌తో చేపట్టారు. దీంతో ఇంత తక్కువ ఖర్చుతో ఇస్రో అరుదైన ప్రయోగం సక్సెస్ అయినట్లయింది. మరోవైపు రష్యా యొక్క లూనా-25 మిషన్ కు మాత్రం ఆ దేశ అంతరిక్ష సంస్ధ రాస్ కాస్మోస్ 200 మిలియన్ డాలర్లు ఖర్చు చేసింది. అయినా ల్యాండర్ ను చంద్రుడిపైకి దింపడంలో విఫలమైంది. దీంతో ఈ రెండింటికీ మధ్య పోలికతో చర్చ జరుగుతోంది.

ప్రపంచ అంతరిక్ష రంగంలో భారత్ ను ఓ ప్లేయర్‌గా నిలిపి, చాలా తక్కువ ఖర్చుతో అన్వేషణాత్మక మిషన్‌లను నిర్వహించగల మన సామర్థ్యాన్ని ఈ విజయం మరోసారి నిరూపించింది. లూనా-25 యొక్క 10-రోజుల ప్రయాణం శక్తివంతమైన థ్రస్టర్‌లతో పోలిస్తే.. చంద్రయాన్-3 తక్కువ శక్తివంతమైన రాకెట్లు, స్లింగ్‌షాట్ పద్ధతిని ఉపయోగించి చంద్రుడిని చేరుకోవడానికి 40 రోజులు పట్టింది.

గత వారం చంద్రుని యొక్క అదే ప్రాంతానికి చేరుకోవడానికి ప్రయత్నిస్తున్నప్పుడు క్రాష్ అయిన రష్యా యొక్క లూనా-25ను నిర్మించడానికి, ప్రయోగించడానికి సుమారు 200 మిలియన్ డాలర్లు ఖర్చయింది. కానీ భారత్ మాత్రం చాలా తక్కువ ఖర్చు పెట్టినా చంద్రయానన్ 3 విజయవంతమైంది. భారత అంతరిక్ష సంస్థ ఇంటర్‌ప్లానెటరీ ట్రావెల్ యొక్క ఆకాంక్షలను ప్రదర్శించడానికి ఉద్దేశించింది. ఈ విజయం తన అంతరిక్ష రంగాన్ని తెరవడానికి దేశం చేస్తున్న ప్రయత్నాలకు కూడా మంచి సూచనగా భావిస్తున్నారు.

English summary

Russia's failed Luna-25 mission cost around $200 million but india's Chandryaan 3 mission cost only $75 million.