Ishrat Jahan Case : సుప్రీంలో ఐపీఎస్ సతీష్ చంద్రకు ఊరట-డిస్మిస్ పై స్టే పొడిగింపు

2004లో ఇష్రాత్ జహాన్ నకిలీ ఎన్ కౌంటర్ కేసులో కీలక అఫిడవిట్ దాఖలు చేసిన ఐపీఎస్ సతీష్ చంద్ర వర్మకు ఇవాళ సుప్రీంకోర్టులో కాస్త ఊరట లభించింది. ఈ కేసులో అఫిడవిట్ దాఖలు చేసినందుకు తనను డిస్మిస్ చేయడాన్ని సవాల్ చేస్తూ ఢిల్లీ హైకోర్టును ఆశ్రయించిన సతీష్ చంద్రకు ఊరట దక్కలేదు. దీనిపై సుప్రీంకోర్టును ఆశ్రయించిన ఆయనకు ఈ ఉత్తర్వులపై వారం రోజుల పాటు స్టే లభించింది.

2011లో సతీష్ చంద్ర వర్మ రిటైర్ అవుతుండగా నెల రోజులకు ముందే ఆయన్ను కేంద్రం ఉద్యోగం నుంచి డిస్మిస్ చేస్తూ ఆదేశాలు ఇచ్చింది. దీనిపై ఆయన పోరాటం చేస్తూనే ఉన్నారు. ఈ ఏడాది సెప్టెంబర్ 7న కేంద్రం చర్యను ఢిల్లీ హైకోర్టు సమర్థించినప్పటికీ.. దాని అమలును సోమవారానికి వాయిదా వేయడంతో వర్మ తొలగింపును సవాలు చేశారు.
హైకోర్టును ఆశ్రయించేందుకు వర్మను అనుమతించేందుకు జస్టిస్‌లు కేఎం జోసెఫ్‌, జస్టిస్‌ హృషికేష్‌ రాయ్‌లతో కూడిన ధర్మాసనం డిస్మిస్ పై స్టేను పొడిగించింది. తొలగింపు ఆర్డర్‌కు వ్యతిరేకంగా సవాలు చేయడానికి ఢిల్లీ హైకోర్టులో పెండింగ్‌లో ఉన్న తన పిటిషన్‌ను సవరించడానికి చర్యలు తీసుకోవడానికి అప్పీలుదారు అయిన వర్మకు అనుమతి ఉంటుందని కోర్టు తెలిపింది. ఉద్వాసనపై ఇంకా స్టే విధించాలా వద్దా అని తేల్చేందుకు ధర్మాసనం దానిని హైకోర్టుకు వదిలివేసింది.

వర్మ తరఫున హాజరైన కపిల్ సిబల్.. తొలగింపు సవాలును సుప్రీంకోర్టులో విచారించాలని లేదా గత ఏడాది నుంచి పెండింగ్‌లో ఉన్న శాఖాపరమైన విచారణల్లో అభియోగాల రూపకల్పనకు వ్యతిరేకంగా హైకోర్టులో పెండింగ్‌లో ఉన్న పిటిషన్‌ను ముందుకు తీసుకురావాలని కోరారు. తన క్లయింట్ సెప్టెంబర్ 30న పదవీ విరమణ చేయనుండగా, సెప్టెంబర్ 7న ఉద్వాసనకు ఆమోదం తెలిపిన హైకోర్టు వర్మ వ్యాజ్యాన్ని జనవరిలో విచారణకు పోస్ట్ చేసింది.
సెప్టెంబరు 22న ఇచ్చిన ఉత్తర్వుల్లో తన అనుమతి లేకుండా వర్మపై ఎలాంటి చర్యలు తీసుకోవద్దని హైకోర్టు ఆదేశించింది. ఈ ఉత్తర్వులపై కేంద్రం సుప్రీంకోర్టును ఆశ్రయించింది. వర్మపై విచారణ హైకోర్టులో పెండింగ్‌లో ఉంది. సుప్రీం కోర్టులో అప్పీల్ చేయడం వల్ల హైకోర్టులో ఆలస్యమైందని కేంద్రం తెలిపింది.

ఆగస్టు 30న వర్మపై విచారణ చేపట్టేందుకు హైకోర్టు కేంద్రాన్ని అనుమతించగా.. అదే రోజు ఆయనను డిస్మిస్ చేసింది. ప్రభుత్వ ఉద్యోగులను నియంత్రించే నిబంధనలను ఉటంకిస్తూ తన క్లయింట్‌కు వ్యతిరేకంగా వ్యవహరించడంలో తొందరపాటు ఏమిటని సిబల్ ప్రశ్నించారు. ప్రభుత్వోద్యోగి పదవీ కాలంలో ఏదైనా క్రమశిక్షణా చర్యను ప్రారంభించినట్లయితే పదవీ విరమణ తర్వాత కూడా దానిని ముగించవచ్చని ఆయన అన్నారు. వర్మకు వ్యతిరేకంగా కేంద్రం ప్రవర్తించిన తీరును సుప్రీంకోర్టు తప్పుబట్టింది.

English summary

supreme court has extended stay on dismissal of gujarat ips satish chandra verma who has filed affidavit in ishrat jahan case.