కర్నాటకలో హిజాబ్ నిషేధంపై సుప్రీం విచారణ-వాడీవేడి వాదనలు-12కు వాయిదా

కర్నాటకలో హిజాబ్ నిషేధం వ్యవహారం ఇవాళ సుప్రీంకోర్టులో మరోసారి విచారణకు వచ్చింది. హిజాబ్ నిషేధాన్ని సమర్ధిస్తూ, వ్యతిరేకిస్తూ లాయర్లు వాదనలు వినిపించారు. ఈ సందర్భంగా ఆసక్తికర పరిణామాలు చోటు చేసుకున్నాయి. ఓ దశలో సుప్రీం ద్విసభ్య ధర్మానంలో న్యాయమూర్తి హేమంత్ గుప్తాతో పిటిషనర్ల తరఫు లాయర్ వాదనకు దిగారు. దీనిపై ఆయన ఆగ్రహం వ్యక్తం చేశారు.చివరికి పిటిషన్ ను ఈ నెల 12కు వాయిదా వేసింది.

ఈనెల 5న ఇవే పిటిషన్లపై విచారణ సందర్భంగా ఒక వ్యక్తికి మతాన్ని ఆచరించే హక్కు ఉందని సుప్రీంకోర్టు తెలిపింది. అయితే దానిని అనుసరించి దుస్తుల కోడ్‌ను అనుసరించే పాఠశాలకు తీసుకెళ్లవచ్చా అనేది ప్రశ్న అని పేర్కొంది.

ఆగస్టు 29న హైకోర్టు ఉత్తర్వులను సవాలు చేస్తూ దాఖలైన పిటిషన్‌పై సుప్రీంకోర్టు కర్ణాటక ప్రభుత్వానికి నోటీసు జారీ చేసింది. దీనిపై పిటిషనర్లు మరింత సమయం కోరగా. కొన్నింటికి మినహాయింపునిచ్చింది. విచారణను సెప్టెంబర్ 5కి షెడ్యూల్ చేసింది.

అంతకు ముందు తరగతి గదుల్లో హిజాబ్ ధరించే హక్కును కోరుతూ ఉడిపిలోని ప్రీ యూనివర్సిటీ కాలేజీల్లో చదువుతున్న ముస్లిం బాలికలు దాఖలు చేసిన పిటిషన్‌ను మార్చి 15న కర్ణాటక హైకోర్టు ఫుల్ బెంచ్ కొట్టివేసింది. ఇస్లాంలో హిజాబ్ ధరించడం తప్పనిసరి మతపరమైన ఆచారం కాదని, రాజ్యాంగంలోని ఆర్టికల్ 25 ప్రకారం మత స్వేచ్ఛ సహేతుకమైన పరిమితులకు లోబడి ఉంటుందని హైకోర్టు పేర్కొంది. ముస్లిం విద్యార్థినులు క్యాంపస్‌లో హిజాబ్‌లు ధరించడాన్ని నిషేధిస్తూ కర్ణాటక ప్రభుత్వం ఉత్తర్వులు జారీ చేయడంతో విద్యార్థులు కోర్టును ఆశ్రయించారు.

English summary

supreme court has adjourned hearing on karnataka hijab ban after heated arguments today.