బడ్జెట్‌లో జైట్లీ ఏం చెప్పారంటే, పూర్తి వివరాలు: వారికి వరాలు, వీరి ఆశలు నీరుగారాయి

Updated: Thursday, February 1, 2018, 15:14 [IST]

Recommended Video

Union Budget 2018 : Railway Budget ignores Andhra, Bangalore Metro Gets a Boost

న్యూఢిల్లీ: కేంద్ర ఆర్థిక మంత్రి అరుణ్ జైట్లీ కాసేపట్లో బడ్జెట్ 2018-19ను ప్రవేశ పెట్టారు. సార్వత్రిక ఎన్నికలకు మరో ఏడాదికి పైగా సమయం ఉంది. దీంతో వచ్చే ఏడాది ఓట్ ఆన్ అకౌంట్ బడ్జెట్ ప్రవేశ పెడతారు. ప్రస్తుత ఎన్డీయే ప్రభుత్వానికి ఇది పూర్తిస్థాయి చివరి బడ్జెట్. దీంతో అందరూ ఆసక్తిగా ఎదురు చూశారు. ఈ బడ్జెట్‌లో వ్యవసాయ రంగం, రైతులకు, గ్రామీణం, వైద్యానికి పెద్ద పీట వేశారు. జైట్లీ ప్రసంగం అనంతరం లోకసభ 5వ తేదీకి వాయిదా పడింది. ఆదాయపన్ను మినహాయింపు ఉంటుందని భావించినా ఊరట లభించలేదు.

#WATCH Finance Minister Arun Jaitley presents the Union Budget 2018-19 (Source:Lok Sabha TV) https://t.co/7TV5bIrAEH
— ANI (@ANI) February 1, 2018

Feb 01, 2018, 3:09 pm IST

బడ్జెట్‌లో తెలుగు రాష్ట్రాలకు మొండి చేయి చూపించారని విమర్శలు వినిపిస్తున్నాయి.

Feb 01, 2018, 2:51 pm IST

జాతీయ ఆరోగ్య భద్రతా పథకం బాగుందని నితీష్ అన్నారు.

Feb 01, 2018, 2:51 pm IST

బీహార్ సీఎం నితీష్ కుమార్ ప్రధాని మోడీని అభినందించారు.

Feb 01, 2018, 2:50 pm IST

ఆర్థిక శాఖ, ప్రధాని మోడీపై చిదంబరం విమర్శలు గుప్పించారు.

Feb 01, 2018, 2:49 pm IST

సాధారణ బడ్జెట్‌పై ప్రధాని మోడీ స్పందించారు. ఇది రైతు, గ్రామీణ భారతానికి ఊతమిస్తుందన్నారు.

Feb 01, 2018, 12:47 pm IST

సీనియర్ సిటిజన్లకు వైద్య ఖర్చులకు రూ.1 లక్ష వరకు మినహాయింపు. ఉద్యోగులు, పింఛన్‌దారులకు స్టాండర్డ్ డిడక్షన్ 40వేల రూపాయలు. 2018-19 బడ్జెట్ అంచనా 21.57 లక్షల కోట్లు. ఇండస్ట్రీ ఫ్రెండ్లీ విధానానికి రూపకల్పన.

Niti Aayog to establish a national programme to direct efforts towards Artificial Intelligence, including research and development of its applications: Arun Jaitley pic.twitter.com/Q1R7mRZkM7
— ANI (@ANI) February 1, 2018

Feb 01, 2018, 12:43 pm IST

బడ్జెట్ ప్రవేశ పెట్టే సమయంలో మార్కెట్ హెచ్చుతగ్గులు కనిపించాయి.

Feb 01, 2018, 12:41 pm IST

ఇండస్ట్రీ ఫ్రెండ్లీ విధానానికి రూపకల్పన. స్టేట్ బ్యాంకు తరహాలో ఇన్సూరెన్స్ కంపెనీల విలీనం. పెట్టుబడుల ఉపసంహరణ ద్వారా 72,500 కోట్లకు మించి రాబట్టాం. నోట్ల రద్దును జనం ఆహ్వానించారు. ఇది అద్భుతంగా విజయవంతమైంది.

Feb 01, 2018, 12:34 pm IST

రాష్ట్రపతి జీతం రూ.5 లక్షలు, ఉపరాష్ట్రపతి వేతనం రూ.4 లక్షలు, గవర్నర్ వేతనం రూ.3.5 లక్షలు. వ్యక్తిగత ఆదాయపన్ను రాబడిలో 11 శాతం అభివృద్ధి. బెంగళూరు మెట్రుకు రూ.17వేల కోట్లు.

Feb 01, 2018, 12:31 pm IST

36 వేల కిలోమీటర్ల రైల్వే లైన్ల పునరుద్ధరణ రాష్ట్పతి, ఉపరాష్ట్రపతి, గవర్నర్ల జీతాలు పెంపు. ఎంపీల జీతభత్యాలు సహా ఇవి ఏప్రిల్ 1 నుంచి చట్టం అమలు. ప్రధాని గృహ నిర్మాణ పథకం కింద రెండేళ్లలో కోటి ఇళ్లు. గత రెండేళ్లలో అదనంగా 90వేల కోట్ల రాబడి.

Feb 01, 2018, 12:26 pm IST

వాణిజ్య రంగంలో మరో ఆధార్. భద్రతా దళాల ఆధునికీకరణకు కట్టుబడి ఉన్నాం. ఎంపీల జీతభత్యాల సవరణకు కొత్త చట్టం. ద్రవ్యోల్భణానికి అనుగుణంగా ఎంపీల జీతభత్యాలు. ఎంపీల జీతం అయిదేళ్లకోసారి పెంచేందుకు రెగ్యులేటరీ అథారిటీ.

Feb 01, 2018, 12:24 pm IST

ఎయిర్ పోర్టుల సామర్థ్యం 5 రెట్లు పెంచడం టెలికాం మౌలిక సదుపాయాలకు 10వేల కోట్ల రూపాయలు వచ్చే మూడేళ్లలో కాపలాదారులు లేని 4320 రైల్వే కేట్లు ఎత్తివేత. లక్ష గ్రామ పంచాయతీలకు హైస్పీడ్ ఇంటర్నెట్ సౌకర్యం. దేశవ్యాప్తంగా 5 లక్షల వైఫై హాట్ స్పాట్లు.

Feb 01, 2018, 12:24 pm IST

ముంబైలో 40వేల కోట్లతో 160 కి.మీ. డబ్లింగ్ అహ్మదాబాద్, ముంబై హైస్పీడ్ రైలుకు శంకుస్థాపన చేశాం. ఉడాన్ పథకం కింద 56 ఎయిర్ పోర్టుల అనుసంధానం. రైల్వేలో మౌలిక సదుపాయాలు, కొత్త లైన్ల ఏర్పాటుపై ప్రత్యేక దృష్టి.

Feb 01, 2018, 12:24 pm IST

అన్ని రైల్వే స్టేషన్లలో వైఫై సదుపాయం. రైల్వే ప్రాజెక్టుల కోసం 1.48 లక్షల కోట్లు. 5జీ సౌకర్యానికి రూట్ మ్యాప్. ఏడాదికి 1 బిలియన్ విమాన మంది ప్రయాణీకులే లక్ష్యం టోల్ గేట్ల వద్ద నగదు చెల్లింపులకు త్వరలో స్వస్తీ. కొత్త పాలసీకి కేంద్రం మెరుగులు.

Feb 01, 2018, 12:19 pm IST

900 కొత్త విమానాల కొనుగోళ్లకు ఆర్డర్లు. 56 విమానాశ్రయాలకు కనెక్టివిటీ సౌకర్యం. 3,073 కోట్లతో డిజిటల్ ఇండియా

Feb 01, 2018, 12:10 pm IST

4వేల కిలోమీటర్ల రైల్వే లైన్ విద్యుదీకరణ. సేవ్ గంగా ప్రాజెక్టుకు రూ.17.713 కోట్లు. స్మార్ట్ సిటీలకు రూ.2.04 లక్షల కోట్లు. అన్ని రైల్వే స్టేషన్లలో వైఫై సదుపాయం. ముంబై లోకల్ రైళ్ల కోసం రూ.11వేల కోట్లు. సామాన్యుడికి అందుబాటులో ఉండేలా విమానయాన రంగ సర్వీసులు. పర్యాటక కేంద్రాలుగా పది పట్టణాలు ఎంపిక.

Feb 01, 2018, 12:07 pm IST

విశాఖ రైల్వే జోన్ అంశాన్ని ప్రస్తావించలేదు.

Feb 01, 2018, 12:03 pm IST

దేశాభివృద్ధికి మౌలిక సదుపాయాల రంగం. దేశాన్ని రహదారులు, ఎయిర్ పోర్టుల ఓడ రేవులతో అనుసంధానం. రహదారుల నిర్మాణానికి రికార్డ్ స్థాయి బడ్జెట్. 142 నగరాల్లో మౌలిక సదుపాయాలకు ఆర్థిక సాయం. పది ప్రముఖ పర్యాటక ప్రదేశాలకు దిగ్గజ హోదా.

Feb 01, 2018, 12:01 pm IST

పరిశ్రమలకు ఆన్ లైన్ రుణాల జారీ వేగవంతం. చిన్న, మధ్య తరహా పరిశ్రమలకు మరింత సదుపాయం. జాతీయ వైద్య ఆరోగ్య రక్షణ పథకం కింద 50కోట్ల మందికి లబ్ధి.

Feb 01, 2018, 12:00 pm IST

వస్త్ర పరిశ్రమకు రూ.70వేల కోట్లు. స్మార్ట్ సిటీలకు రూ.2.04 లక్షల కోట్లు. ప్రతి జిల్లాకు స్కిల్ డెవలప్ డెవలప్‌మెంట్ సెంటర్.

Govt plans to construct 2 crore more toilets under Swachh Bharat Mission: Arun Jaitley #UnionBudget2018 pic.twitter.com/I5KpfLUpVT
— ANI (@ANI) February 1, 2018

Feb 01, 2018, 11:56 am IST

ఈ ఏడాదిలో 70 లక్షల ఉద్యోగాల కల్పన. ఉద్యోగాల కల్పనకు కట్టుబడి ఉన్నాం. ముద్ర యోజన పథకానికి రూ.3 లక్షల కోట్లు (2019 ఆర్థిక సంవత్సరం.) ఉద్యోగుల భవిష్య నిధికి 8.33 శాతం కేటాయింపులు.

Feb 01, 2018, 11:54 am IST

విద్య, ఆరోగ్యం, సంక్షేమానికి 1.35 లక్షల కోట్లు సామాజిక భద్రతకు రూ.9,995 కోట్లు.

Feb 01, 2018, 11:52 am IST

సుకన్య అభివృద్ధి యోజన కింద రూ.19,183 కోట్లు. గ్రామీణ రహదారుల నెట్ వర్క్‌తో 3.32 లక్షల ఉద్యోగాల సృష్టి. ప్రధాని గృహ నిర్మాణ పథకం కింద రెండేళ్లలో కోటి మందికి ఇళ్లు. ప్రధానమంత్రి జన్ ధన్ యోజన కింద 60 కోట్ల బ్యాంకు అకౌంట్లు తెరిచారు. నమామి గంగే కింద 187 ప్రాజెక్టులు చేపట్టాం. 47 ప్రాజెక్టులు పూర్తయ్యాయి. ఎస్సీలకు 56,619 కోట్లు. ఎస్టీలకు 39,115 కోట్లు

Feb 01, 2018, 11:51 am IST

24 మెడికల్ కాలేజీలు, ఆసుపత్రుల స్థాయి పెంపు. కొత్తగా 18 ఆర్కిటెక్చర్ కాలేజీలు త్వరలో 1.5 లక్షల ఆరోగ్య కేంద్రాలు. జాతీయ వైద్య ఆరోగ్య రక్షణ పథకం కింద 50 కోట్ల మందికి లబ్ధి. ఆయుష్మాన్ భవ పథకం కింద కుటుంబానికి ఏడాదికి రూ.5 లక్షల బీమా. రూ.330 కోట్లు చెల్లిస్తే బీమా.

Feb 01, 2018, 11:41 am IST

వ్యవసాయ రంగం కోసం 18 కొత్త స్కూళ్లు. విద్యా - పరిశోధనకు 4 లక్షల కోట్లు 4 కోట్ల ఇళ్లకు ఉచిత విద్యుత్. 2022 నాటికి దేశంలో పేదలందరికీ ఇళ్లు. వడోదరలో రైల్వే యూనివర్సిటీ

Feb 01, 2018, 11:37 am IST

వచ్చే ఏడాది రూ.11 లక్షల కోట్ల వ్యవసాయ రుణాలు. వెదురు పరిశ్రమకు రాయితీలు. కౌలు రైతులకు కూడా పంట రుణాలు ఇచ్చే కొత్త పద్ధతి. రైతుల ఆదాయం పెంచడానికి కట్టుబడి ఉన్నాం. స్వచ్ఛ భారత్ మిషన్లో 6 కోట్ల మరుగుదొడ్ల నిర్మాణం. ఈ ఏడాది 75వేల స్వయం సహాయక గ్రూపులకు రుణాలు. ఉజ్వల పథకం కింద 8 కోట్ల మందికి ఉచిత గ్యాస్ కనెక్షన్. స్టెంట్ల ధరలు తగ్గించాం. పేదలకు వైద్య పరమైన ఖర్చులు పడకుండా చేశాం. నేషనల్ బ్యాంబూ మిషన్‌కు రూ.1290 కోట్లు ప్రధానమంత్రి సౌభాగ్య యోజనకు రూ.16వేల కోట్లు. చేపల పెంపకం, పశుసంవర్ధక, రొయ్యల పెంపకానికి రూ.10వేల కోట్లు. వచ్చే ఏడాది నాటికి 2 కోట్ల పబ్లిక్ టాయిలెట్స్. నాబార్డుకు ప్రాజెక్టుల కోసం ప్రత్యేక నిధులు. 96 జిల్లాలకు రూ.2600 కోట్లతో తాగునీటి సౌకర్యం. సాంఘిక భద్రతకు రూ.9,975 కోట్లు

Feb 01, 2018, 11:37 am IST

మార్కెట్ ధర లేకున్నా రైతులకు మద్దతు ధర చెల్లిస్తున్నాం. జాలర్లకు క్రెడిట్ కార్డులు, ఆపరేషన్ గ్రీన్‌కు రూ.500 కోట్లు. ప్రధాని మోడీ పలుమార్లు బల్లచరిచి ఆనందం వ్యక్తం చేశారు. వ్యవసాయ ఆధారిత వృద్ధికి క్లస్టర్ వ్యవస్థ. సౌరశక్తి ఉత్పత్తి వేగంగా జరిగేలా చేయూత. ఫుడ్ ప్రాసెసింగ్‌కు రూ.1400 కోట్ల రూపాయలు.

Feb 01, 2018, 11:28 am IST

Feb 01, 2018, 11:26 am IST

వ్యవసాయ రంగం, రైతులకు తోడ్పాటుపై జైట్లీ ప్రసంగిస్తున్నప్పుడు ఎన్డీయే సభ్యులు బల్లలు చరిచారు. ప్రధాని మోడీ కూడా బల్ల చరిచి సంతోషం వ్యక్తం చేశారు.

Feb 01, 2018, 11:25 am IST

జీడీపీ వృద్ధి రేటు 6.3 శాతం.

6:23 AM, 1 Feb

బడ్జెట్ విశేషాలు

6:24 AM, 1 Feb

ఈ బడ్జెట్ మధ్యతరగతి వారికి, వ్యవసాయ రంగానికి ఊతమిచ్చేలా ఉంటుందని భావిస్తున్నారు. అలాగే వ్యక్తిగత ఆదాయపన్నులో సర్దుబాట్లు ఉంటాయని భావిస్తున్నారు.

8:20 AM, 1 Feb

జీఎస్టీ అమలు నేపథ్యంలో వస్తున్న తొలి బడ్జెట్ కూడా ఇదే.

8:22 AM, 1 Feb

ఇన్‌కం ట్యాక్స్ పరిమితి రూ.5 లక్షలకు పెరుగుతుందా? కార్లపై ధరలు ఎలా ఉంటాయి? రియల్ ఎస్టేట్ రంగం పుంజుకుంటుందా? వ్యవసాయ రంగంపై ఈ బడ్జెట్ ఎలాంటి ప్రభావం చూపుతుందనే ఆసక్తి నెలకొంది.

9:19 AM, 1 Feb

అరుణ్ జైట్లీ రాష్ట్రపతి కోవింద్‌ను రాష్ట్రపతి భవన్‌లో కలిశారు.

9:21 AM, 1 Feb

అరుణ్ జైట్లీ కాసేపట్లో కేబినెట్‌కు బడ్జెట్ వివరాలు తెలపనున్నారు.

9:36 AM, 1 Feb

వేతనజీవులకు, కార్పోరేట్ కంపెనీకు ఊరట లభించేదిగా ఈ బడ్జెట్ ఉంటుందని ఆర్థిక నిపుణులు భావిస్తున్నారు.

10:00 AM, 1 Feb

హిందీలో బడ్జెట్ ప్రసంగం ప్రారంభించనున్న జైట్లీ

10:02 AM, 1 Feb

జైట్లీ బడ్జెట్ బాక్స్‌తో ప్రధాని మోడీ వద్దకు వెళ్లారు. ప్రధాని అధ్యక్షతన కేబినెట్ భేటీ ప్రారంభం. బడ్జెట్ ప్రతులు భద్రత మధ్య పార్లమెంటుకు చేరుకున్నాయి.

10:03 AM, 1 Feb

11 గంటలకు లోకసభలో బడ్జెట్ ప్రవేశ పెడతారు.

10:05 AM, 1 Feb

కేబినెట్ భేటీ ప్రారంభం

10:15 AM, 1 Feb

పార్లమెంటుకు చేరుకున్న జైట్లీ

Delhi: Finance Minister Arun Jaitley arrives at the Parliament #UnionBudget2018 pic.twitter.com/VhTlrr71UC
— ANI (@ANI) February 1, 2018

10:17 AM, 1 Feb

పార్లమెంటుకు వస్తున్న జైట్లీ

Delhi: Finance Minister Arun Jaitley arrives at the Parliament #UnionBudget2018 pic.twitter.com/4TrV0rynvP
— ANI (@ANI) February 1, 2018

10:51 AM, 1 Feb

పార్లమెంటులోకి తీసుకెళ్లే ముందు బడ్జెట్ పత్రాలను తనిఖీ చేస్తున్న దృశ్యం

Delhi: Copies of #UnionBudget2018 being checked by security inside Parliament premises pic.twitter.com/Mvk0FqWYzo
— ANI (@ANI) February 1, 2018

10:52 AM, 1 Feb

ప్రధాని మోడీ, సుష్మా స్వరాజ్ పార్లమెంటుకు వచ్చారు.

Delhi: PM Narendra Modi and Union Ministers Sushma Swaraj and Ram Vilas Paswan arrived at the Parliament #UnionBudget2018 pic.twitter.com/JUVI2rbW2F
— ANI (@ANI) February 1, 2018

10:53 AM, 1 Feb

కేబినెట్ సమావేశం ముగిసింది.

10:59 AM, 1 Feb

బడ్జెట్‌కు ముందు స్టాక్ మార్కెట్ పరుగులు పెట్టింది.

11:03 AM, 1 Feb

ప్రారంభమైన లోకసభ

11:04 AM, 1 Feb

ప్రారంభమైన జైట్లీ బడ్జెట్ ప్రసంగం

11:07 AM, 1 Feb

జైట్లీకి ఇది అయిదో బడ్జెట్.

11:08 AM, 1 Feb

ఎన్నికలకు ముందు పేదరికాన్ని తొలగిస్తామని హామీ ఇచ్చామని జైట్లీ చెప్పారు. కొత్త ఇండియాను ఆవిష్కరిస్తున్నామన్నారు. సంస్కరణలు వేగవంతం చేయడంతో అభివృద్ధి పెరిగిందన్నారు. విదేశీ మారక నిల్వలు పెరిగాయన్నారు.

11:08 AM, 1 Feb

జీఎస్టీ వల్ల పేదలకు మేలు జరిగిందని చెప్పారు. భారత్ ప్రపంచంలో ఏడో అతిపెద్ద ఆర్థిక వ్యవస్థకు చేరిందని, త్వరలో ఐదో స్థానానికి చేరుకుంటామని చెప్పారు.

11:09 AM, 1 Feb

2014లో తమ ప్రభుత్వం వచ్చాక భారత ఆర్థిక వ్యవస్థ పుంజుకుందని చెప్పారు.

11:10 AM, 1 Feb

ఈసారి వ్యవసాయం, గ్రామీణాభివృద్ధికి పెద్దపీట వేసినట్లు జైట్లీ చెప్పారు.

11:11 AM, 1 Feb

మోడీ నేతృత్వంలో వ్యవస్థీకృత సంస్కరణలు ఫలవంతమయ్యాయని చెప్పారు. నాలుగేళ్ల క్రితమే పారదర్శక పాలన అందిస్తామని చెప్పామని గుర్తు చేశారు. తాము అధికారంలోకి వచ్చాక విధానపరమైన పక్షపాతం కనిపిస్తోందన్నారు.

11:12 AM, 1 Feb

ప్రపంచ బ్యాంకు ప్రకటించిన ఈజ్ ఆఫ్ డూయింగ్ బిజినెస్‌లో మెరుగైన ర్యాంకు సాధించామన్నారు.

11:18 AM, 1 Feb

రాజకీయాలకు అతీతంగా సంస్కరణలు చేపట్టామని చెప్పారు. వ్యవసాయ రంగం గణనీయంగా అభివృద్ధి చెందిందని చెప్పారు. రైతులు కనీసం యాభై శాతం లాభపడ్డారని చెప్పారు. 2020 నాటికి ఇది రెండింతలు ఉంటుందన్నారు. పేదలపై వైద్యపరమైన భారం పడకుండా చూశామని చెప్పారు. దేశంలో 86 శాతం మంది సన్న, చిన్నకారు రైతులు. పేదలు, మధ్య తరగతి వర్గాలకు ఎన్నో పథకాలు అందించామని చెప్పారు. ప్రభుత్వ ప్రయోజనాలు నేరుగా లబ్ధిదారులకే చేరుతున్నాయన్నారు.

11:19 AM, 1 Feb

దేశవ్యాప్తంగా 22వేల గ్రామీణ వ్యవసాయ మార్కెట్లు

11:20 AM, 1 Feb

ఉజ్వల పథకంతో కోట్లాది నిరుపేదలకు గ్యాస్ అందిస్తున్నట్లు చెప్పారు. వ్యవసాయ రంగం గణనీయంగా అభివృద్ధి చెందిందన్నారు.

11:22 AM, 1 Feb

ఉజ్వల పథకంతో కోట్లాది నిరుపేదలకు గ్యాస్ అందిస్తున్నట్లు చెప్పారు. వ్యవసాయ రంగం గణనీయంగా అభివృద్ధి చెందిందన్నారు. ఆహార ధాన్యాలకు ఒకటిన్నర శాతం మద్దతు ధర.

బడ్జెట్ తయారీ ఇలా

ప్రతి ఏడాది సెప్టెంబర్ నెలలో బడ్జెట్ ప్రకటనను అన్ని మంత్రిత్వ శాఖలు, విభాగాలు, స్వతంత్ర సంస్థలకు పంపిస్తారు. నవంబర్ నెలలో వివిధ వాణిజ్య మండళ్లు, రైతులు, ఉద్యోగ సంఘాలతో ఆర్థిక శాఖ అధికారులు చర్చిస్తారు. జనవరిలో బడ్జెట్ మండళ్లు తదితర సంఘాలతో ఆర్థిక మంత్రి సమావేశాలు నిర్వహించి, ప్రణాళికలు రూపొందిస్తారు.

నార్త్ బ్లాక్ కార్యాలయం

బడ్జెట్ రూపొందించే గ్రూప్‌లో ఉండే వారంతా ఢిల్లీలోని నార్త్ బ్లాక్ అంటే ఆర్థిక మంత్రిత్వ శాఖ కార్యాలయంలోకి పంపిస్తారు. వారికి అక్కడ ప్రపంచంతో సంబంధం ఉండదు. కుటుంబ సభ్యులతోను నేరుగా మాట్లాడే అవకాశం లేదు. ముందే, హల్వా వేడుక నిర్వహిస్తారు.

రహస్యంగా బడ్జెట్ ప్రసంగం

బడ్జెట్ ప్రసంగాన్ని రహస్యంగా ఉంచుతారు. బడ్జెట్ ప్రవేశ పెట్టడానికి రెండు రోజుల ముందు ముద్రణకు ఇస్తారు. బడ్జెట్ పత్రాలను నార్త్ బ్లాక్‌లోని దిగువ భాగంలో ముద్రిస్తారు. బడ్జెట్ ప్రసంగం పూర్తయ్యాక నార్త్ బ్లాక్ కార్యాలయంలోని వారంతా బయటకు వస్తారు. బడ్జెట్ ముద్రణ సమయంలో బయటకు తెలియకుండా అన్ని జాగ్రత్తలు తీసుకుంటారు.

బడ్జెట్ అనే పదం లేదు

రాజ్యాంగంలో బడ్జెట్ అనే పదమే లేదు. వార్షిక ఆర్థిక పత్రంగా పేర్కొంటారు. వాడుకలో మాత్రమే అది బడ్జెట్ అయింది. బడ్జెట్ ప్రవేశ పెట్టే తేదీని నిర్ణయించి లోకసభ స్పీకర్‌కు ప్రతిపాదిస్తారు. ఆమోదం లభించాక లోకసభ సచివాలయం ఆమోదం కోరుతుంది. లోకసభలో ఆర్థిక మంత్రి ప్రవేశ పెడతారు. అంతకుముందే కేబినెట్‌కు సంక్షిప్తంగా వివరిస్తారు. ప్రధాని ఆమోదం తర్వాత రాష్ట్రపతికి పంపిస్తారు. బడ్జెట్ ప్రవేశ పెట్టిన రోజు దీనిపై చర్చ జరగదు.