గ్యాంగ్ రేప్: వీడియో తీసి, అందరికీ పంపారు, సూసైడ్ (వీడియో)

లక్నో: ఉత్తర ప్రదేశ్ రాష్ట్రంలో దారుణం జరిగింది. 40 ఏళ్ల మహిళ పైన సాముహిక అత్యాచారం జరిగింది. దీనిని భరించలేక ఆమె ఆత్మహత్య చేసుకుంది. అత్యాచారానికి పాల్పడిన నిందితులు ఆ ఘోరాన్ని వీడియో తీశారు. దానిని ఎమ్మెమ్మెస్ ద్వారా లీక్ చేశారు.

ఈ నేపథ్యంలో ఘటన జరిగిన ముజఫర్ నగర్ ప్రాంతంలో పోలీసులు భద్రతను పెంచారు. సమాచారం మేరకు... బాధిత మహిళ ఉంటున్న ప్రాంతంలో సెక్యూరిటీ పెంచారు. నిందితులు నలుగురు కూడా వేర్వేరు వర్గాలకు చెందిన వారు.

40 ఏళ్ల మహిళ నర్సుగా పని చేస్తోంది. ఆమె ఇంటికి తిరిగి వస్తుండగా దారుణం జరిగింది. ఈ సంఘటనను నిందితులు తమ సెల్ ఫోన్లో వీడియో తీశారు. దానిని వాట్సాప్ ద్వారా పలువురికి పంపించారు.

ఈ కేసులో పోలీసులు ప్రధాన నిందితుడిని అరెస్టు చేశారు. మిగతా ముగ్గురి కోసం గాలిస్తున్నారు. వారి పరారీలో ఉన్నారు.

బాధితురాలు నర్సుగా పని చేస్తుండటంతో... ప్రధాన నిందితుడు వచ్చి గర్భవతిగా తన భార్యను పరీక్షించాలని ఆమెకు చెప్పాడు. పరీక్షించి తిరిగి ఇంటికి వస్తుండగా.. అతను, మిగతా ముగ్గురు కలిపి ఆమె పైన అఘాయిత్యానికి పాల్పడ్డారు.

ఈ ఘోరం మొత్తాన్ని నిందితులు వీడియో తీశారు. ఇదే విషయాన్ని ఆమె భర్తకు చెప్పారు. దీంతో ఆ బాధితురాలు షాక్‌కు గురయ్యారు.

ఘటన విషయమై బాధితురాలి భర్త మాట్లాడుతూ... షాహిబ్, ఇతర ముగ్గురు స్నేహితులు అత్యాచారానికి పాల్పడ్డారని, దానిని వీడియో తీశారని చెప్పాడు. ఈ విషయాన్ని తన భార్య తనకు ఇంటికి వచ్చాక చెప్పిందన్నాడు.

అంతేకాదు, తన భార్యకు ఫోన్ చేసిన నిందితుడు.. ఆ వీడియోను సర్క్యులేట్ చేస్తానని బెదిరించాడని చెప్పాడు. అన్నట్లుగానే సాయంత్రం ఆ వీడియోను కొందరికి పంపించాడని, దీంతో తన భార్య ఆత్మహత్య చేసుకుందని చెప్పాడు.

కాగా, పోలీసులు మాట్లాడుతూ... కేసు నమోదు చేసుకున్నామని, దర్యాఫ్తు చేస్తున్నామని చెప్పారు. మిగతా ముగ్గురు నిందితులను పట్టుకునేందుకు టీంలను ఏర్పాటు చేసినట్లు చెప్పారు. పోస్టుమార్టం నివేదిక కోసం వేచి చూస్తున్నామన్నారు.

English summary

Police beefed up security in Muzaffarnagar, Uttar Pradesh fearing a possible clash. According to officers, security has been increased at the region as a woman, who was gangraped, committed suicide and the victim and the four accused belonged to different castes.